يا صباح الليل او صباح الخير❤😂 عليكم اعزائي القراء قبل ما ابلش بالبارت حابه اكولكم التنزيل حيكون بالليل افضل واذا عدكم اقتراح لوقت تنزيل بارتات كتبولي بتعليقات اترككم مع البارت...
متابعة شيقة
......
للكاتبه :𝒅𝒐𝒂𝒂 𝒉𝒂𝒔𝒔𝒂𝒏 𖤍
__
نادين سديت الموبايل من رند وتوجهت لنادي حتى التقي بزيد واني داامشي انضربت بجتفي من شخص ووكعت كتبي وجنطتي من ايدي كلت استغفر لله ونزلت نفسي داشيلهن ف كال
◼️ :لتعبين نفسج مراح تحصلين الي تريدي اعرفج ذكيه خليج عاقله ولتدخلين بشي!.
نادين :رفعت راسي بسرعه اخذت كتب وجنطة اباوع هوسة الطلاب وين راح هذا يربي! منو هذا؟؟ بقيت حايره رجعت دامشي بلكت أشوف منو بس وكفني صوت زيد
زيد وهو يمشي ب اتجاه نادين
:نادين يمعَوده صار ربع ساعه انتضر تصلت ماكو
نادين اباوع عليه وكلت :ها وگعت كتب مني ومانتبهت على الموبايل
زيد وقف امامها وگال
:شنو بيج شي صار شي شو مو طبيعيه انتي وجهج شاحب
نادين: ها لا مابيه شي بس دخت شوي
زيد: دتعالي گُعدي هنا
نادين: اوك مشينا بتجاه حديقة بجانب القسم قرب النادي وسحب كرسي كعدت كتله
نادين: يسلمو
زيد: افا على شنو يمعوده مصار شي باعي حجيبلج عصير وشوف فراس خابرني كال جاي بطريق
نادين: لا ماريد عصير ماريد نتاخر عليه
زيد: لا منتاخر يلا هسه اجيب عصير وجي
نادين: اوك
راح زيد وبقيت دايخه افكر بهذا لي حجه ويايه يربي منوو هذا معقولة يقصد ياقوت! لا منين يعرفها نوب حتى مشفتة وووف خليت راسي ع ميز ختنكت اريد اوصل ل ياقوت شسوي يربي
باوعت على الموبايل ساعه ب 1:30 pm وف هسه ياقوت جوعانه وتعبانه يربي
زيد :نادين شو رفعي راسج
نادين :رفعت راسي ودموع بعيوني مجمعه
زيد: شسالفه هاا اعرفج قويه ميصير هيج تضعفين
نادين: باوعتله ومسحت وجهي ب ايدي وف يا زيد مادري شكولك تعبت من تفكير وخايفه على ياقوت تدري اني وياها من الطفوله ☹️ماعرف شسوي
زيد: يمعودة گولي يا لله هسه يجي فراس ونشوف كامرات بلكت نلكه رقم سياره
نادين: انشالله
زيد: يلا شربي عصير
نادين :وانت هم اشرب ويايه
زيد: يلا تمام
نادين :شربت عصير ويا وبالي مشوش فكرة تجيبني وفكرة تاخذني وووف يارب ساعدنه نلكه ياقوت 💔
وبهل ثوان رن موبايل زيد
زيد: اي هذا فراس فتح خط وكال:
اي فراس وينك
فراس: اني انتضرك يم العماده يلا تعال
زيد: يلا جاي وغلق الموبايل وكال يلا يكول منتضرنه ب العماده
نادين: يلا لعد
اخذت كتبي وجنطتي ورحت ويا زيد لعماده وصلنه لعمادة وشفت فراس كاعد على مسطبه ويلعب بمفاتيح سياره شافنة تقدمنة ووكف وباوس زيد وسلم عليه
زيد :هلا ب الغالي
فراس: هلا بيكم شنو الموضوع
زيد: اعرفك نادين صديقتي وصارت سالفه وياها ونريد نتأكد من كامرات التطل على كراج جامعة
فراس وهو يباوع لنادين
: سهله هاي يلا تعالو وحجيلي شصار وياج
نادين: اوك واحنه نمشي حجيتله سالفه كلها وكال
فراس: سهله هاي تعالو دخلو
نادين :دخلنة غرفة مراقبة مليانة شاشات وكامرات ماتوقعت هلكد مخلين كامرات اشر ع كامره وكال هاي مال كراج
نادين اي هاي
فراس: تذكرين وقت شكد جان
نادين: البارحه ضهر ساعه تقريبا ب 2:30 دقيقه هيج شي
فراس :سهله هسه نشوف
نادين :فتح كامرا وبقه يمشي بوقت وصل ع ساعه 2 وبقه يقدم بشريط تصوير بس ماكوو شي وصل ساعه 3 وباوع عليه وكال
فراس :نادين ماكو سياره وكفت كدام كراج هاج شوفي
نادين: مستحيل اني شفتها بعيني ممعقوله
زيد: فراس ارجع ع شريط ببطئ
فراس: وهو يحرك ببطىء بالتصوير وكال
: ماكو شوفو كل السيارات مرت من كامره ولا سياره متوقفه
نادين :شون هسه هذا جان حل وحيد حتى اساعد ياقوت 😭
فراس انتضرو هنا
زيد ماشي
نادين وهيه تباوع ع زيد
:شراح نسوي هسه
زيد نتضري هسه بلكت يلگة كامره ثانيه او شي
نادين: اوووف
فراس :يحجي وهو باب لغرفه مثل ماتوقعت
نادين شننوو كول َ
زيد: شكو يمعود
فراس: باعو من رجعت شريط ع بطيئ اكو 15دقيقه محذوفه من مقطع بس الي لاعب هاي لعبه مرجع دقائق بشكل سريع ومغير عداد التصوير ومن سالت شباب كالو اجه عامل صيانه بحجة تصليحات اسلاك الكهرباء
زيد :يعني هاي هو نفسه
فراس :اي وانصحكم تطلعون من هل موضوع لان هل شخص ايده واصله والقانون بنفسه ميكدر يحاسبة ف انتبهو منه
نادين، بعد هل كلام طلعنه من العمادة اني وزيد وتفكيري شارد وكُله عند ياقوت شي افكر بيها وشي افكر بحجي هذاك شخص اي هاي هو نفسه اكيد منو غيره يسوي هيج بس منين يعرفني وشيريد من عدنه اوووف وصلت لبوابه جامعه وباوعت على زيد
زيد:نادين انتبهي لنفسج وحاولي ترتاحين وتدعين لياقوت تطلع من هل محنه مابيدج شي غير لدعاء سويتي لي عليج
نادين :باوعتله وحجيت بكل برود: انشالله وانت هم انتبه على نفسك
زيد انشالله الله وياج
نادين: باي
تركته وصعدت ب الخط وشفت طريق والحادثه ونزلت دموعي وووف ☹️
....
الساعة 7:00pm
في مطعم.... ( )
كمال وهو كاعد على طاولة مقابل النافذة ذهنه شارد وحس ع شخص واكف يمه رفع راسه و بتسم بعد ماشاف فهد ووكف باوسه
فهد :لك كمال هاي شصايرلك صاير تضرب صفنات اخماس ب سداس خيرك يخوي
....
يتبع
.
.
.
فضلا وليس امرا ⭐نجمة +كومنت ومتابعة ليصلكم اشعار نشر البارتات ربي يسعدكم ❤
أنت تقرأ
إقتحام من الماضي
غموض / إثارةهي ليست من قصص الفصليه وليست قصة بين العشائر العراقية المعروفه انها مختلفة جدا بين فتاة مدللة من أبٍ سياسي غني ورجل يثأر لمقتل ابيه وعمهِ ويقوم ب اخذ ثأرهِ ممن قتلو ابيه ودمرو حياته ستقع ضحية لما حدث الفتاة ياقوت ماذا ستفعل ومن يكون هذا الرجل مزيج ب...
