إقتحام من الماضي

البارت الرابع عشر🍁

by: 𝒅𝒐𝒂𝒂 𝒉𝒂𝒔𝒔𝒂𝒏 𖤍

.....

اليوم الثالث
/الثلاثاء  /2015/10/13

بيت ياقوت الساعة 7:00am
......

ايناس وهي بالمطبخ گاعدة على كرسي ومنزله عيونها على صورة بنتها ياقوت بالموبايل
احمد يحجي وهو يمشي باتجاه ايناس
: صباح الخير بشريني ماكو خبر من غسان
ايناس وهي تمسح دموعها
:  اوف يا خويه ماكو خبر ماعرف شكولك اتصلت بي جهازه يرن ميشيله
احمد سحب كرسي وگعد كدامها وگال
: رن جهازه يعني عنده تغطيه!
ايناس: اي اي رن جهاز بس محد يشيله
احمد: معناها هو جاي اليوم وحتمال بطريق ديسوق 
ايناس: ان شالله
احمد شعل جكارة وسحب نفس
: شوفي اختي الي صار مو سهل ابدا فكرت بي هوايه اني انتي عندج بنت ثانيه تسأل عن اختها لازم تحجين الها الحقيقه من غير شي  كمال وعلي يضغطون عليه حتى يعرفون لي صار
ايناس : لا خويه اترجاك  ماگدر احجي لرند شي اذا عرفت تتخبل على اختها وتنهار وبعد شيخلصني من حجيها يا خويه عوف السالفه الله يخليك
احمد : ايناس ميصير هل شي لشوكت تبقين ضمين عليها لشوكت تبقين تكتمين هل سر من غير شي البنت متخبله ولازم تعرف، بعدين متخافين تعرف من غيرج؟
ايناس : منو غيري احمد لتكول هيج يمعود
احمد : من كمال مثلا!  أو من غسان نفسه تتوقعين اذا اجه وعرف منو خاطف ياقوت راح يبقه ساكت؟؟
ايناس :لازم يسكت لعد شنو شيكول لبنته احمد شدتحجي يا خويه لتخبلني
احمد :لج يا اختي افتهميني الله يخليج غسان رجل اعمال مهم بالبلد والي خطفو ياقوت اني وياج نعرفهم اكيد راح ينتقمون من غسان هيج وانتي تعرفين كلش زين غسان ميخاطر بسمعته واذا عرفَ راح يفهم رند وياخذكم لخارج لتتوقعين يخليكم هنا
ايناس : شنو شنو.. لا مستحيل يسوي هيج غسان يحب ياقوت ومراح يفرط بيها ميتركها بيدهم راح يرجع بنتي لحضني 
احمد بتعب وقلق : اي ان شالله يطلع كلامج صح  ان شالله
ايناس بنضره حزن وهي رجعت تباوع على صوره ياقوت 
: اوف يابنتي وينج
احمد: وحدي الله خويه ان شالله يجي غسان ويحل هل مصيبه
...

بيت ابو عصام //

سهام (ام نادين) واكفه قرب درج وتنادي بصوت عالي
: نادين نادين الساعة حصير بثمانيه بنتي انزلي الخط اجه وراح
نادين بتعب تأفأفت و كامت فتحت باب الغرفه وكفت بجانب المحجر وكالت بنعاس
: ماما ماروح ليوم ماعدنا شي
سهام : شنو متروحين بنتي ميصير حتى لو ماعدكم محاضرات لازم تداومين
نادين : ماما ماريد اداوم اليوم تعبانه كولش
سهام بقلق : لا حول لله ماشي بنتي ماشي
نادين : راجعه انام.. 
عمار وهو نازل من درج  رفع راسه وكال
  : هوب وين نايمه اعرف عندج كوز انسجه اليوم
نادين : ها انسه عتبرني اجلته...
ورجعت دخلت غرفتها
عمار وصل امام امه واكف كال
  : صباح الخير يا حلو (وباس راسها)
سهام بإبتسامه: صباح الخير ابني
عمار يحجي ورافع حاجبه الايمن : يمه شنو قصه نادين مبينه تعبانه ومرتاحيت لوضعها 
سهام : ماعرف يمه البارحه اجت تضرب صفنات على الاكل وبقت سهرانه
عمار : غريبه محجتلج شي او لتقو
سهام : لا يمه سألت تقى قبل لتروح بالخط گالتلي بقت لصبح كاعده ضوا تيبلام مشتعل ومدرست شي جانت ساكته وكاعده وحدها 
عمار : اها اروح اشوفها لعد ضل بالي
سهام : ماشي ابني روح لأختك وافتهم شصاير وياها لتخلي بالي هيج
عمار : تمام ماشي ليضل بالج،
صعد الدرج ومشى بتجاه غرفه نادين طرق  الباب
نادين : ماما كتلج ماداوم عوفيني
عمار فتح الباب ودخل
: هاي اني ندون
نادين رفعت راسها من المخده
: ها عمار گول
عمار باوعتلها وجه شاحب مبينه مو تمام خليت الكتب على طاولتها وقربت كعدت على السرير بجانبها
: ندون شبيج حبيبي شفتج قبل شوي  معجبني وضعج شنو صاير 
نادين بتردد: ها شبي وضعي مصاير شي 
عمار : ماعرف ممرتاح اريد اسممع منج اكيد مابيج شي
نادين : اي اكيد
عمار : زين ليش متريدين داومين ها؟ اكو احد مضايقج صاير شي مضوجج
نادين، باوعت عليه عمار صح اخويه الاكبر مني ب3 سنوات ويدرس بجامعه غير جامعتي بس قريب مني كولش تمنيت احجيله لي صار بس ترددت وخفت
عمار : ها ندون شو صافنه شنو حبيبي متحجيلي
باوعتلها مرتبكه مني
نادين : ها لا ماكو شي بس شويه تعب حجيتها ونزلت عيوني منه
عمار : تمام لعد حروح لجامعه بليل اجي ونسولف
نادين :تمام انتبه على نفسك
عمار : ماشي يروح اخوج

گام وباسها براسها اخذ كتبه وطلع من غرفه
نزل درج وتصل بصديق اله من جامعة نادين

عمار : صباح الخير كبد
غيث : هلا يا صباح النور شعجب متحلم بيه من صبح
عمار بضحكه  : اي والله جيتني بحلم ولك
غيث : حلو هيج تحبني ومادري
عمار بضحكه: هههاي اي طبعا شعدي غيرك شونك يول شخبارك
غيث : حمدلله ماشيه وانت شونك
عمار : على الله ماشيه موجود اليوم بالجامعه مو؟ اريد اجيك
غيث : اي موجود طبعا اني ماداوم افا بس شعدك جاي 
عمار : ههههاي عيب يجي يوم متداوم بي  مشتاقلك والله بكيفي اجي عدك اعتراض
غيث : لا عمي منو يكلك لا داعيك اشوق تعال 
عمار : هم عوزك  تكلي لا، اجيك وره المحاضره الاولى
غيث : ماشي انتضرك بسنتر
عمار : ماشي سلام هسه
غيث : كل الهلا سلامات ضحك  وسد خط من يمه

عمار ضحك وباوع على ساعه الموبايل8:30am  مشى بتجاه باب ابيت الداخلي تجه الى سيارته بالكراج فتح باب الخارجي شغل مفتاح سياره حرك وطلع
.... 

يتبع...
...
....
.. بارت جديد رايكم بكومنت ونجمه ومتتابعه هل شي يسعدني 🍁♥