إقتحام من الماضي

البارت الثالث ووالعشرون 🍁

by: 𝒅𝒐𝒂𝒂 𝒉𝒂𝒔𝒔𝒂𝒏 𖤍

....

فهد : اي دكوم قفل الباب وراي
شاهين : اشتعلو اهلك اله تروح هسه
فهد : واهلك وياي كوم كوم
شاهين : ماشي ماشي
طلع ويا فهد صعد بسيارته وحرك طلعها عند باب البيت
شاهين: اي شي يصير خبرني
فهد : اكيد
شاهين : يله بسلامه
فهد : رفع ايده وحرك سياره
شاهين قفل الباب
..
دخل على البيت كعد على التخم مصدع وحاس بتعب باوع على الموبايل ساعه 5:16
سحب الوساده ورجع نام
بعد ساعتين ونص .....
رن موبايل
فتح عيونه بتعب ورفع الموبايل من الطاوله
فهد : الو شاهين بعدك نايم
شاهين : اي شكو
فهد : مرت عمي ضل بالها عليك اول مدخلت البيت حاجتني طمنها عنك وخابرهة خطيه ولك عبالي انت محاجيها
شاهين : يعني بشرفك مكعدني على هاي
فهد : لا مو بس هاي رايح اشوف كمال هسه وباع الآمر سىئلني عليك من رحت عالمركز شفته
شاهين : شيريد بعد مو كتله شغلته يمي
فهد : ايريد يعرف شسويت مسويت اني كتله انت مشغول بضرف خاص
شاهين : زين تسوي اني هسه شوي ودزله الملفات الطلبهن اسكته بيهن
فهد : اي احسن يمعود يله اني حسد خط وصلت
شاهين : ماشي ديربالك على نفسك
فهد : وانت هم
سد الخط منه وتصل بمطعم طلب مشاوي ومقبلات سد الخط منهم
ومشى بتجاه الجنط واالاغراض لي خلوهن على طاوله بالمطبخ طلعهن كولهن ورفع جنطه ملابسه وجنطه الحاسوب سحب سيار كهربائي من وحده من الاكياس ومشى بتجاه غرفه الاستقبال كعد على تخم وثبت السيار بقابس الكهرباء فتح جنطه الحاسوب المحمول وضعها على الطاوله بعد ماربطها بالشاحن وربط موبايله هم اخذ الصحون وبطل العصير الي على طاوله لمطبخ ورتب الاغراض كلها شغل سخان الماء الكهربائي وتجه للمطبخ
فتح كيس شوربه سريعه التحضير وطبخها
رجع فتح الحاسوب ورفع الموبايل كتب رساله
: مساء الخير سيدي كالي فهد انك سائل عليه حقك بس صارلي ضرف مراح اكدر امر على المركز هل كم يوم بس راح اكمل الملفات لي كلفتني بيها واكو تقارير كملتهن راح ادزهن الك على حاسبتك افضل.
رسلها اله وفتح الحاسوب نقل مجموعه ملفات
وكام على المطبخ كمل طبخ الشوربه وجهزها بصحن واخذ علاجات من الميز وضعهن بصينيه وصعد
ديفتح الباب سمع صوتها
ياقوت : كاعده على سرير الغرفه ضلمه كولش
وتخوف دموعي نزلت وحدهن ياربي طلعني منا خلصني من هل مكان هذيج جانت غرفه بيها اصوات فار هنا ضلمه كولش شنو اسوي ااخاف احاجي شي ويعصب عليه لو يكوم يحجي هف يا الهي ارحم بحالي
شاهين صدمني كلامها وبجيها شكله الكلوب بالغرفه محترك فتحت الباب
ياقوت منو انت الله يخليك
شاهين قاطع كلامها اهدي هاي اني محد هنا غيري موجود
دخلت وتركت الباب مفتوح دخل منه ضوه من بره الغرفه ضلمه كلش
خليت الاكل على طبله
شاهين اذا رحت هسه اجيب كلوب ثاني راح تسوين شي يخليني اندم؟؟
ياقوت ها لا مااسوي شي
شاهين نشوف خليج هيج
طلعت ونزلت درج واني اعرف خطوره تصرفي بس هو تجربه الها اما تسوي شي غلط
وتحاول تشرد ومراح تكدر لأن كل الابواب مقفله اما تبقه عاقله دخلت المخزن وشغلت الضوه دورت ب الاغراض والكراتين لكيت تيبلام صغير يمشي حال لبين ماجيب غير كلوب مشيت بتجاه الاستقبال اخذت موبايلي وصعدت بهدوء اشوف شنو تسوي باوعت من مسافه لكيتها كاعده على السرير نفس ماتركتها حلو مشيت دخلت الغرفه وشغلت الفلاش وحجيت
: مالكيت كلوب بس هذا تيبلام يمشي حال
ياقوت : شكرا
شاهين خليت تيبلام على الميز بجانب السرير وشكلته بقابس الكهرباء شعلته
وسحبت كرسي وكعدت كبالها
شاهين اكلي
ياقوت محاجيته شي كعدت كباله اخذت الخاشوكه وبديت اكل شوربه انكور بالخضار ومخلي شعريه هم بيني وبين نفسي منو انت يا ونوب طلعت تعرف تطبخ
شاهين اباوعلها مرتبكه مني وتاكل بالكوه شلت الموبايل وكمت
: هسه اجي كملي اكلج والعلاج اخذي منه من كل شريط حبايه
ياقوت ماشي
طلعت وقفلت الباب بيني وبين نفسي شدسوي يا شاهين...
ياقوت طلع حسيت براحه واخيرا راح اكل براحتي باوعت على تيبلام صغير ذهبي شكله قديم بس همزين جابه انجبي ياقوت شنو همزين جابه ترا خاطفج متناقضه بيني وبين نفسي اكلت وكملت اخذت من علاجين وخليتهن بصينيه رجعت الطبله مسافه شوي عن سرير خليت راسي على المخده وسحبت الغطا يارب ماريد ابقه هيج ياربي خلي
يطلعني منا ويرجعني لاهلي هف هاي رابع ليله اني بعيده عنهم ياترى شصار بيهم هسه غمضت عيوني واني اتذكر امي ورند
...
شاهين كاعد على التخم فاتح الملفات وشتغل عليهن ماحسيت على الوقت
رن موبايلي باوعت شفته ابو الدلفيري فتحت خط : بعد وكت لو جاي باجر صبح فدنوب
_اني اعتذر تاخرت على طلبكم بس انت ساكن بمكان بعيد عن مطعم
شاهين : ديله ليسمعك يكول ساكن بصحرا رمادي وين وصلت هسه
_ كبال الفرع راح ادخل بي
شاهين : خليك اني طالعلك
_ماشي عيني
سديت الخط منه
شاهين : والله ياربي لو على كل طلب هيج ابقه لثاني يوم من وراه شلت المفاتيح وطلعت قفلت البيت وراي طلعت اتمشى على الشارع باوعت ساعه ب 10:22pm
وصلت يمه
_اسف مره ثانيه بس حنه مستغربين انت تطلب من عدنا دليفري
شاهين : وحتخلوني ابطل اوصي بعد
_ لا لا يسعدنا طلبك تفضل
شاهين : واضح
اخذت الاكل ودفعت الحساب رجعت على البيت قفلت البوابه ودخلت على الاستقبال خليت الاكل على طاوله ذكرت اني عفت الاكل بغرفتها صعدت فتحت الباب لكيتها نايمه شكلها مأمنه بهل غرفه قربت الها نايمه على طرف المخده قرب الضوه شلت الاكل من الطاوله بهدوء وطلعت قفلت الباب نزلت لكيت الموبايل يدك خليت الاكل على طبله بالمطبخ وتجهت على الاستقبال رفعت الموبايل وفتحت خط
شاهين : ها حب
فهد : لك شاهينو شكد شايف بشر نكسين بس مثل غسان ماشفت
شاهين بستغراب : ليش شمسوي بعد
فهد : الك... مخلي جماعته يرمون على البيت وكايل ل كمال واهله الخطفو بنتي همه الرمو ومو بس هيج مراويهم تهديد مزيف عود الخاطفين طالبين يترك البيت ويجيب الفلوس
شاهين : شكد ن... لعد وابن حرام يستغل خطف بنته لصالحه ماكو هيج بشر
فهد : كلش ضلعي كلش صدمني اني توقعت يكلب لدنيه على بنته يتخبل
شاهين : اني هم ماتوقعت هل دكه منه زين وين انت هسه
فهد : رايح لمركز اتحرى عن هل كلب واشوف شوكت يسافر ووين
شاهين : شوفلي الموعد حتى قبل ميسافر نصرف
فهد : اي لازم باع حروح والفجر اجيبلك الاخبار والملفات هم
شاهين : ماشي ضلع وشوف الي خلينا ويه رجاله شو ماكو خبر منه
فهد : هذاا اني احسه نعلس
شاهين : ماتصور جان وصلنا خبر
فهد : ماعرف بعد هسه اشوف وارجع اخابرك من اكمل
شاهين : ماشي انتضر خبر منك حشوف لوجبه ليمي هم اذا طلع منها شي اكولك
فهد : ماشي
شاهين : خليك منتبه على نفسك
فهد : ليضل بالك وانت هم
شاهين : تمام بسلامه
سد الخط منه
ورجع كعد على التخم يفكر بلي كاله فهد
...
.........
يتبع 🍁

بارت حماس شنو برأيكم راح تصير من احداث وشاهين راح يعرف ليش غسان ممهتم لبنته وديسوي هيج؟؟
اكتبولي بكومنت رئيكم ولتنسون متابعه الحساب وتفاعل هل شي يسعدني