إقتحام من الماضي

البارت السادس عشر 🍁

&مساء الخير كايز شونكم اخباركم ان شالله تمام ياربي طبعا تاخرت هل يومين بتنزيل البارتات بسبب مشكله في الانترنت عندي احاول ان شالله مااتاخر عليكم محضرتلكم بارتات فخمه اترككم مع التكمله ويارب تعجبكم نجمه + كومنت ومتابعه للحساب  ♡شاركو رابط القصه مع اصدقائكم...

متابعة شيقه:

by: 𝒅𝒐𝒂𝒂 𝒉𝒂𝒔𝒔𝒂𝒏 𖤍

_ _______

2015/10/13
1:00pm

ياقوت: إنضرب باب الغرفه نفتح بقوه رفعت راسي بتعب ودموعي تجري شفته دخل خاطفي او قاتلي معصب جدا اجه يمي بسرعه  لزم فكي بقوه
◼️: شبيجج تصيحين؟؟شنو من لعبه وسخه تلعبيها هسه وتريدين اصدگ هااا؟؟؟
ياقوت اباوعله ضخم عيونه زرك ويخزر يحجي بنتر، يخوف غمضت بقوه وكتله بكل جنون وصوت مرتجف
ياقوت : سااعدني
◼️:  شنووو انتي تخبلتي اكيد
ياقوت : الله يخليك افتح ايديه مداتحمل وجعهن
◼️ بصوت حاد واستهزاء : هه عبالج اصدك بيج وبألعابج هاي افتح ايدج حتى شردين مو
حجاها وهو ضاغط على فكي بقوة
ياقوت : اه الله يخليك دتاذيني عوف وجهي
◼️: يأذيج مو بلكت تعقلين وتعوفين الاعيبج هاي
ضغط بقوه اكثر ودفع راسي على الحايط بتعد عني وكف گبالي بقة يباوع لدقائق على ايديه تنزف دم وابجي بدون صوت امامه
ياقوت : الله يخليك افتح الحبل ماريد تعالج جروح ولا شي بس افتحهن والله ماشرد ولا أسوي شي
◼️: انسي دموع تماسيح هاي ماصدگ بيها
ياقوت  : حتى المسجون يرحمون بحاله ليش دتسوي هيج دشوفني بحال اكذب شوف جروح بنفسك..
ياقوت تركني وطلع ضرب الباب بقوه وقفلة  كمت ابجي توقعت عنده ذره انسانيه بس للاسف طلع حيوان يا الهي خلصني من هل مكان.....

بيت ياقوت //
رند گاعده على الشباك اباوع على الحديقه بذهن شارد قاطعني صوت ماما فتحت باب الغرفة وگالت
ايناس : بنتي هاي وين گاعده انزلي لتوكعين
رند : ماعليه شي ماما
ايناس تقربت بخطوات طلرند وصارت امامها
ايناس : رنوده ماما ميصير سوين هيج بنفسج ان شالله راح نلكا ياقوت ونرجعها على البيت بعدين ابوج  رجع  من السفر جوة كاعد متريدين سلمين عليه يا بنتي
رند : ادري بي ماما سمعتكم الصبح
ايناس : ماماتي لعد ليش ماسلمتي عليه شوفي هو صار اعصاب من لي صار بس هو يحبكم وراح يسوي كلشي حتى يرجعها صدكيني لتخافين عليها ان شالله ترجع سالمه
رند : ماما الله يخليج عوفيني گاعده وحدي شوي لضغطين عليه
ايناس  (تحجي وتمسح على شعر رند): اوف يا بنتي  فاهمتج  بس موزين عليج لي تسوي لخاطري ماماتي انزلي ويايه ياقوت لو تدري بيج متقبل عليج سوين هيج وبعدين اني محضره الغده جوه تبسي دجاج تحبينه انتي ها تخليني احجي هيج متردين عليه  هو اني ميت كلبي على اختج لتخوفيني عليج انتي هم
رند نزلت من الشباك اشوفها هيج قلقه علينا ماتحملت حضنتها وكلت  : ماشي ماما لتخافين عليه  تمام حتغده وياج شويه
ايناس : اي عفيه بنتي يلا
رند نزلت ويه ماما لمطبخ لگيت بابا گاعد وخالو احمد وكمال
رند: مساء الخير
كمال: هله
احمد: مساء النور خالو
مشيت بأتجاه بابا وكتله
: هلا بابا
غسان  فتح ايده وكال
: هلا بنتي شونج اوف شكد مشتاقلكم
رند حضنت بابا : هلا بيك بابا حمدلله على السلامه
غسان : الله يسلمج باباتي شو باعيلي ليش هيج وجهج شاحب ها لتخافين اني اليوم ارجع اختج على البيت ماعوفها هيج
رند : صدُك تحجي بابا
غسان : اي وعيونج شعندي غيركم يابنتي اريد تكونين قويه هي محنه وتخلص ان شالله
رند : ان شالله
سحبت كرسي وگعدت تغدينا اكلت كم لكمه مجاملة 
احمد : ابو ياقوت  ما حجيت إلنا شنو سويت على موضوع ياقوت
غسان : ولله ياابو كمال خابرت اكثر من شخص اعرفه واصل بالاستخبارات وراح يلكونها ان شالله بس اريد منكم تصبرون وتهدون شويه
كمال : حلو هل حجي ان شالله يلكوها
غسان: ان شالله
ايناس وهي گاعده بجانبة :  يا الله صدوك تحجي
غسان : اي والله تصلت بجماعه اعرفهم ثقه واكدولي يجيبولي الخبر اليوم قبل الليل
رند : ياربي صدُك طمنتني بابا وكامت حضنت ابوها
غسان  : ياعمري بنتي ماقبل عليكم انتو قطعه مني اطمنو وارتاحو ان شالله احلها
ابو كمال : فرحتنا بهل خبر، ان شالله يلكوها..
رند بعد هل خبر فرحت كولش وبعد ماكملنا اكل ساعدت ماما بالمطبخ وماما بقت كاعده على الطاوله تدعي يجي خبر اوف ياربي ستجيب دعائها
علي وهو داخل على المطبخ
: هلا
رند: هلا بيك
ايناس: هلا ابني ليش مااجيت تغديت ويانه
علي يحجي وسحب كرسي وكعد: مجنت اشتهي عمه سمعت الي كاله عمو غسان فرحني الخبر
ايناس : اي يمه حتى احنه طمنا ان شالله يلكوها يارب
علي: ان شالله
   االساعة  5:30pm  في  الاستقبال غسان  كاعد يشرب  شاي وغارق بتفكيره رن موبايلة رفعه وضغط على الصامت وطلع بالطرمه سد الباب خلفه ومشى خطوات الى الحديقه
غسان: ها بشر شسويت؟
_سيدي مثل ماتوقعت الخاطفيها همه نفسهم
غسان : تمام انسحب من الموضوع انت ولتخلي احد يحس بيك
_امرك سيدي
غسان يحجي بينه وبين نفسه  : اوف يا ياقوت صار الوكت الي تعيشين وياهم بعد
...

بيت ابو عصام //

نادين گاعده بغرفتي ماعندي الواهس لشي بالي كوله عند ياقوت باوعت على الموبايل هاي صار اليوم الثالث فكرت اتصل برند واطمن لكن قاطع افكاري صوت رنة موبايلي
نادين : الو
زيد : الو هلا نادين شونج
نادين: هلا بيك ضلع يعني نص ونص
زيد: شو نص ونص خيرج و ليوم مداومتي ليش ضل بالي عليج والله
نادين : ماعرف زيد ماعرف كولشي مخربط براسي گعدت الصبح مالي خلك كولش مكدرت اداوم
زيد : يا عيني مو صح لي تسوي ميصير هيج
نادين: مكدر زيد صعبه والله يعني هاي روحي من دنيا صار تلث ايام ماكو خبر منها
زيد فاهمج والله بس لو هيه موجوده متقبل عليج تسوين هيج تأذين نفسج
نادين شنو اسوي لعد ابسط شي ردت اوصله ماكدرت
زيد: ميخالف يا كلبي لازم تقوين نفسج  ان شالله ترجع بسلامه
نادين ان شالله ربي يسمع منك
زيد زين مخابرتي اهلها ماطمنتي عليهم
نادين بارحه حجيت ويه اختها وكالت ماكو خبر
زيد: ءف ان شالله يسمعون خبر منها شوفي اني صح  خايف عليها وقلق حيل بس لازم واحد يتحمل ويلزم اعصابه
نادين: احاول ان شالله
زيد اي عفيه وباجر داومي ترا ازعل عليج ها
نادين لا ان شالله اداوم تمام
زيد اي عفيه يلا اروح هسه اذا حتاجيتي شي او تحجين شي راسليني بدون اي تردد ماشي
نادين: ماشي تمام
زيد عفيه بضلعتي يله اشوفج بخير
نادين : وانت هم باي
سديت الخط منه ورجعت راسي على تاج السرير هف....
.
.

.

.....
يتبع 💙