إقتحام من الماضي

البارت السادس🍁

بقلم: *𝒅𝒐𝒂𝒂 𝒉𝒂𝒔𝒂𝒏

اين انا منك اين انا من هذه الجدران الخوف اقرب لي من هذا الهواء البارد وكأن هذه الثوان تتراقص على عذابي وعلى اعترافات مر عليها وقت طويل لقد انتهيت بهذا الغبار المتراكم لقد انتهى هذا القلب من القلق من الخوف من تلك اللحظه التي تهت بها وكأنها لن تنتهي ابدا...
ياقوت//

معرف شكد مر وقت واني غافيه اسمع صوت عصافير بره واحس بنسيم هواء بارد عرفت انو صار ثاني يوم واني هنا ياربي خلصني اباوع على شباك الغرفه ومبينه السمه بس بزاويه صغيره وضوه خافت بالغرفه يدخل من شباك اوف وين اني اهلي شصار عليهم واني بهل تفكير اسمع صوت خطوات يم لباب رجعت ع الحايط بخوف يربي خلصني من هل مكان اباوع واحاول الكه اي شي افتح بي الحبال بس ووف ماكو عجزت من تفكير رفعت راسي بياس باوعت شفت البسمار لي مربوط بي الحبال يعني اذا جريته احتمال يوكع واكدر افتح ايدي حاولت اسحب نفسي واجر بالحبل بس ميفيد مره مرتين تلاثه مديفيد ايدي جرحت ومعصم رجلي هم ياربي شسوي بقيت ادعي وابجي لحظات الخوف والقلق تحس وكأن الزمن وكف يمك معرف شسوي رجعت سمعت صوت خطوات قريب الغرفه صحت
: منو هنااا ساعدووني منوو هنااا الله يخليكم ساعدوني اكوو احد هنااا! ؟؟
سمعت صوت لقفل نفتح ودخل نفس شخص بس مغطي وجه وعيونه مبينه حمر ولونهن ازرك اجه بسرعه يمي وكال
◼️:ليش صيحين شتريدين
ياقوت بصوت خافت :اريد اروح للحمام
◼️: عبالج اصدك بيج وافتح ايدج
ياقوت: شنو من انسان انت داكولك اريد اروح للحمام هل شي كل شخص يحتاجه
تقرب ومد ايده ولزمني من شعري وحجه بصوت حاد وعالي
◼️: صووتج ميعلى يمي فاهمه لسانج اكصه
ياقوت :ااايي شعرري فاهمه فاهمه بس عوف شعري الله يخليك
◼️:نشووف
ترك شعري وجر ايدي وفتح الحبل وفتح الحبل من رجليه وسحبني من ايدي حيل نرفعت كوه وكفت احس رجليه متكسره وخايفه من عنده
◼️: اسمعيني عدل تمشين كدامي للحمام الج خمس دقايق بس وتغسلين وطلعين صوتج ماسمعه واذا فكرتي بس تفكير شردين تلكين روحج بالمكبره او لا اتونس بتكسيرج يله اموتج فاهمه
ياقوت بصوت خافت :ماشي بس ايدي عوفها
◼️:غمضي عيونج
ياقوت غمضت بخوف وجسمي كوله يرجف منه يربي منو هذا شدلي عيوني بقماش وسحبني من ايدي امشي ويا واتعثر ماريد ابجي كدامه وووف وكف وسحب لقماشه ودفعني لحمام وسد لباب
◼️: الج خمس دقايق بس
ياقوت اباوع حمام وسخ ومكان مبين مهجور وتعبان اكو مرايه صغيره ومغسله فتحت الحنفيه وغسلت وجهي وايدي اباوع ع ايدي اثر الحبل مجرحها مسحت رجليه بالمي باوعت ع ملابسي بطروني مترب وقميصي وستره اوف غسلت تكرمون وكملت ووكفت كدام لباب يربي خايفه افتحه دفع لباب عليه رجعت وره بخوف ومدنكه سحبني من ايدي عليه وشد عيوني بقماشه وسحبني لغرفه لي جنت بيها اسمع صوت مي قريب وصوت عصافير ب المكان دفعني لغرفه بتعدت خطوه من عنده سحب لقماشه من عيوني ودفعني ع لحايط وكال
◼️ايديج
نطيته ايدي ربطها وربط رجليه وطلع وقفل لباب
رجعت راسي عالحايط ودموعي نزلت اووف شراح يصير بيه ياربي طلعني منا

//عند بيت ياقوت

رند نايمه بغرفه وكعدت ع صوت لموبايل فزيت راسا فتحت خط :الووو
نادين :الووو ها رند حبيبي طمنيني مرجعت ياقوت
رند :لا والله ماكو خبر
نادين: اني بالي شغله بس ماكدر احجي لاحد اخاف يطلع الحجي
رند: كولي نادين شنووو
نادين: بس امانه بيني وبينج يبقه الكلام
رند :اي والله لج احجي وكعتي كلبي
نادين : باعي اني وياقوت من طلعنه سوه من لكراج وصعدت سياره شفت ملزمه ياقوت وصدريتها عندي ف كلت لابو خط يوكف سياره انطيهن الها لان باجر امتحان عدنه بيها ف نزلت من الخط شفت نادين صعدت بسياره تشبه سياره ابو عماد هم بيضه بس مو ستاركس هوندا وصحت وراها بس ماسمعتني وراحت ف بالي اروح اشوف كامرات الكراج مال جامعه لي ع شارع واحاول اسحب رقم سياره واسلمه لمركز شرطه
رند: عزاا ليش مكتيلي لبارحه لعد
نادين : مادري نسيت الموقف هذا هسه حروح احاول اشوف كامرات الشارع بس ماريد تحجين شي ماريد احد يمس ياقوت بحجايه تعرفين علي شون عصبي وخالكم هم
رند :ماشي اني مراح احجي شي بس انتبهي ع نفسج واي شي يصير طمنيني
نادين: ماشي حبيبي
رند: نادين اخذي احد وياج لتروحين وحدج
نادين: ماشي حشوف هسه يلا حسد الخط
رند: ماشي باي
سديت الموبايل منها وخليت راسي ع المخده وبجيت اوف ياربي رجعها...

عند نادين //
بعد ماكملت من لاتصال ب رند رحت ع القسم دخلت لقاعه شفت يقين
:هلاو يقين مشفتي زيد
يقين :هلا حب اي قبل شويه جان يمنه وكال حطلع ع نادي
نادين :ماشي كلبي
عفتها وتوجهت ع النادي دخلت لكيته واكف يشتري كوفي كتله
:هلاو زيد عندك مجال نحجي شوي
......

يتبع

هلاو بارت اخر يارب يعجبكم لتنسون نجمه وتعليقاتكم ع القصه بشكل كامل شنو رأيكم بيها؟؟