إقتحام من الماضي

البارت الثامن والعشرون 🍁

by : 𝒅𝒐𝒂𝒂 𝒉𝒂𝒔𝒔𝒂𝒏 𖤍
***

شاهين : وهو يصعد بسياره والصندوك بيده
، فهد رجع صعد بالسياره وسدو الباب
شاهين : خل نشوف شنو هل امانه الگشرة
فتح الصندوك....
شاهين : هاي ضرف وفلاش
فهد : شو جيب الفلاش بله ، سحب الحاسوب المحمول فتحها واخذ الفلاش فتحه بالحاسوب ..(مقطع فيديو)
شاهين :لك هاي شنووووو
فهد : مستحيل مستحيللل......
..
شاهين : رجعة من البداية رجعة
فهد : اي
.. نفتح مقطع الفيديو المصور..
((((( غسان گاعد بمكتبه ومبتسم وعيونه على الكاميرا: ها شاهين جنت منتضر اتوسل بيك حتى ترجع بنتي موو هههاي لا لا مو غسان ليتوسل علمود بنت مو بنته اي نصدمت مو صحيح لي سمعته ياقوت الخاطفها مو بنتي( ابتسم ورجع كال) دخلي اجيك بالقوية لعد البنت الي انت خاطفها بنت عمك ياعيني مو بنتي ياقوت بنت عمك المات شهاب ونكول بذكر الموتى نقرأ الفاتحه بس اوگف اوگف قبل لتقرا الفاتحة يا عقيد اكو ضرف دشوفه هذا لبيدي بي تحليل دي ان اي يثبت هل شي وبي عقد زواج عمك الميت من أيناس قبل بعدين صارت مرت شهيد واني عطفت عليها وتزوجتها جانت حامل بياقوت هسه انت عوفك مني يا عقيد والتهي بمصيبتك وها لتحاول تلكاني بعد متكدر لثعلب روح للبكدك ياعقيد وشغله اخيره تركت شيك بأسم ياقوت خلي تعتبره مصرف اخير الها حتى متكول غسان شمرني وباجر توصلك جنطة ملابسها واشيائها )) إنتهى الفيديو

شاهين بصدمة : هذا ديجذب مو أكيد ديجذب
فهد وهو يسد الحاسوب المحمول : أمشي نروح لأبوي أكيد عنده علم بهل سالفه
شاهين : عمي يعقوب ليش محاجيلنا من قبل ها ليش عايفنا هيج مندري
فهد : ماعرف ابوي ابد ميجيب طاري عمامي
شاهين : خابرهم وكلهم جاين بطريق
فهد : شاهين انت مومال تسوق وانت بهل حال
شاهين : ليش شبيها حالتي بله!
فهد : مصدوم وفيوزاتك ضاربه اذا متخاف على روحك اني اخاف على روحي انزل انزل اني اسوق
شاهين : لاحول لله
نزل شاهين ونزل فهد وتبادلو المقاعد وفهد شغل السياره وطلع..
...
بعد اقل من ساعة...
سيارة شاهين بالباب فهد وشاهين رافعين راسهم ويباوعون على البيت
شاهين : يول خاف عمي نايم هسه
فهد : لا كاعد ابوي مينام يتأخر
شاهين : ماشي امشي نتأكد من الحقيقه
فهد وهو يلزم ايد شاهين : اوكف قبل لننزل
شاهين : شنو
فهد بعد ما أخذ نفس عميق : اذا طلعت بنت عمنا شراح تسوي
شاهين : مادري كلشي لتسألني خل نتأكد ونشوف
فهد : اسمع لنفرض تأكدنا والموضوع نعلن عنه وبعدين شنو تعوف البنت هيج وين تروح اهلها وسافرو كلهم
شاهين : شتريد توصل بهل حجي فهد
فهد : اسمع اعرف الي اكوله غريب بس متكدر بعد تعوفها اذا طلعت بنت عمنا
شاهين : السالفه تعقدت جدا
فهد اخذ نفس عميق وسحب الصندوك من المقعد الخلفي : الزم الصندوك واخذ الحاسبه خل نتأكد بدل مباقين بهل شك
شاهين : يله
نزلوا من السياره وفهد فتح الباب
دخل شاهين ودخل فهد بعده
مشوا ثنينهم بالكراج الخارجي وصلوا الباب الداخلي فهد فتح الباب ودخلوا (نزعو احذيتهم تكرمون)
دخل شاهين ع الاستقبال : انت شوف عمي اني زحمه اصعد بله طلع نايم الرجال
فهد : صدكني كاعد بمكتبه هسه اروح له
شاهين : تمام
صعد فهد الدرج بينما شاهين گعد على التخم وضع الحاسوب المحمول والصندوك على الطاوله رجع راسه على التخم : يا ربي لتطلع بنت عمي اكيد غسان جذاب مجرد جذبه منه هاي اكيد حته يلهيني عن جرائمه)
لحضات وسمع خطوات عمه وفهد على الدرج التفهت وگام سلم على عمه
العم يعقوب : يا هلا بابن خوي وينك مختفي هيج
شاهين : والله ياعمي تجيك السالفه
يعقوب وهو عاقد حاجبه : حجيلي شصاير
فهد : اكعد يابه راح نحجيلك
يعقوب : ماشي اسمعكم سولفولي
كعد امامهم ومنصت الهم،
شاهين : اسمع عمي قبل كلشي اذا تريد تلوم احد لومني الي لأن فهد ماله علاقه اني جاره وياي
يعقوب : جنها السالفه ثكيل شمسوين ولكم
شاهين : شوف عمي انت تدري انه ملاحك كتال ابوي وعمي
يعقوب بأهتمام : ايي وبعدين
شاهين : اني خطفت بنته حته استدرجه بس الصار خربط كلشي
يعقوب بعصبيه وصدمه : شلون شلووون سووون هيج اتخبلتو انتو
فهد : اهده بويه الله يخليك البنت امانه عدنا وجنا ناوين نرجعها بس نلزم غسان بس لي صار عكس هل شي
يعقوب : شصار بعد هو انتو لعبتوا لعب شلون تخطفون بنته هي بنته شعليهاا ولكم
شاهين : يا عمي الله يخليك أهده أحنة جاييك بسالفه اكبر من هاي
يعقوب : شكووو بعد
فهد : من دنلزم غسان ماكدرنا نلزمه ودزلنا بيد واحد من جلابه هذا الصندوك وبي فلاشه فيديو حنشوفك اياها وحجيلنا كلشي يابه
شاهين : لازم تحجيلنا كلشي
يعقوب : لا حول ولاقوة الابالله شوفوني الفيديو بله
شاهين فتحت له الحاسوب وفتحتله المقطع : تفضل عمي هذا المقطع
يعقوب بصدمه بعد مشاف المقطع : يعني ايناس جذبت على اهلها وعلينا من راحت زوجت!
شاهين وفهد : ايناس منو احنه سمعنا غسان بس ماستوعبنا شي!
يعقوب، اغلق الحاسوب وسحب الصندوك وفتحه اخذ الضرف وفتحه سحب شيك بقيمه 60 مليون باسم ياقوت غسان وضعه على الطاولة سحب جنسيتها ومستمسكات ياقوت الشخصيه كامله
سحب عقد زواج قديم فتحه : هذا عقد الزواج الاصلي بين اخوي ومرته، وضعه على الطاوله سحب ظرف التحليل فتحه قرأه هذا التحليل مصدق من المحكمه شوفو هذا الختم حقيقي وختم المستشفى حقيقي هم
شاهين وهو يوكف : عمي لا تخبلني كول غيرها
يعقوب : اكعد ابني داحجيلك السالفه
فهد : احجي بويه ليش مكتلنا من البدايه
يعقوب : شوفو انتو مو صغار وتعرفون السالفه نصها راح احجيلكم من البدايه
((اخوي شهاب جان مزوج من بنت فقيره حال من الانبار اسمها ايناس عمرها 19 زواجه منها جان مو معلن بس احنه اخوانه ندري فشهاب وايناس بعد سنه من الزواج كالولنا هي حامل فرحنا وكيفنا وراها بمده اشهر صارت حادثه المصنع واخواني شهاب وابوك ماتو بيها وايناس تغيرت كامت متطلع من غرفتها ولا تنزل يمنا وديناها الاهلها اقل شهر اجتنا كالت اني حزوج كلناألها والطفل البطنج متزوجين قبل متطي النا احنه ابن ابنا هذا منخلي يعيش بغير بيت تعاركت ويانه تعاركت ويه بيبيتكم الله يرحمها وكالت الطفل حسقطه ماريد شي منكم وراحت ايناس وره مده قصيره امي راحتلها لبيتهم لكتها نايمه بالفراش وعلى اساس الطفل مسقطته امي حزنت وعتبت عليها وتركناها بعد هي راحت زوجت وره فتره اني بقيت اراقبها وتحريت عن زوجها وطلع نفسه الثعلب الكتل اخواني والباقي انتو تعرفو اني تركت الانبار كلها ونقلت شغلي لمركز بغداد وجيت اسست حياه خاليه من الثارات عمودكم ))
شاهين بعصبيه : شلووون هيج شلووون يا الله
يعقوب : ابني جان لازم تسألني تستشيرني قبل متسوي هيج
فهد : يابويه واحنه شمدرينا هيج يصير
شاهين : اني طالع بره
يعقوب : ابني قبل متطلع لازم تعرف شغله البنت لازم تجيبها هنا بعد انت عرفت الحقيقه وهي بنت عمك
فهد : شلون يجيبها ياب هي متدري بشي ع الاكثر
يعقوب : بس انتو تدرون كلش زين بيها وغسان يدري وهذا الفيديو والصندوك حقها هي مو حقكم
شاهين : بويه الله يخليك لا تخبلني شلون اجيبها اني جنت خاطفها نوب اكلها تعاي عيشي وياي ولكم لا تخبلوني
يعقوب : عندك حل ثاني لعد
فهد : المشكله اهلها سافرو كلهم غسان اخذهم
يعقوب : هاك اتفضل غسان الكلب ماخلالك حل ثاني يا ابني اهلها وسافروا وأكيد هو حجالهم كلشي بعد وين تروح البنت!!!
شاهين : ماجيبها هنا مستحيل يا عمي شلون
يعقوب بغضب : اسمع شاهين البنت خطفتها واني ماحجيت شي انت الجبتها وهي بنت عمك يعني هي منك وبيك ممنوع تتركها تجيبها هنا وتعيش بيناتنه هاي بنت اخوي ماخليها تروح مره ثانيه
، شاهين ماحجا شي التفت بغضب وطلع
فهد : اهده يا ياب الله يخليك اهده
يعقوب : شلون تريدني اهده انت الثاني وين هسه البنت
فهد : بمكان امان الها ليضل بالك
يعقوب تقرب من فهد : خله يجيبها هنا نتها الموضوع، التفت وصعد على الدرج
....
بيت المزرعه عند ياقوت...
ياقوت وهي كاعده على الدرج وبيدها السجينة (سكين) : بعد ماراح هذا الخبل فتريت بالبيت كله ردت بس باب اطلع منه ماكو حتى الشبابيك مقفلهن هف باوعت هو مموجود والبيت محد بي باوعت على شعري متوسخ وكوله تراب گمت وصعدت على الحمام قفلت الباب خليت السجين على الرف وفتحت الرف لگيت مناشف اخذت ثنين نزعت ملابسي خليتهن على المغسله ودخلت جوا الدش فتحته وسبحت كملت لفيت جسمي بمنشفه باوعت ماعندي ملابس ثانيه مجبوره اغسلهن وانتضر يجفن هف غسلت ملابس وكملت فتحت الباب وطلعت شلتهن ومشيت باوعت اكو غرفه باخر الممر رحت الها وفتحت الباب نفتح ضلمه المكان دخلت بيها اغراض بسيطه وسرير لشخصين وكنتور قديم وتخم قنفات (اريكة) ادور ع شي اشر بي ملابس باوعت شفت بزاويه الحايط مشر مال ملابس رجعت طلعت وخليت ملابسي على كرسي بغرفتي رجعت دخلت الغرفه وسحبت المشر وشلته طلعته بره الغرفه اخذته لحمام وغسلته وسحبت قطعه قماش جففت المشر من المي واخذته فتحته بالممر ودخلت غرفتي اخذت ملابسي وشريتهن باوعت الجو بارد والمنشفة هاي مدفي ترددت بس كلت : اكيد هو مبقي ملابس اله، نزلت جوه دخلت الاستقبال باوعت جنطة ملابسه مخليها بزاويه الاستقبال رحت وسحبتها فتحتها طلعت تيشرت لون اسود وبيجاما هم رياضيه هنه كبار عليه بس احسن من ماكو نزعت مناشف ولبستهن دورت بالجنطة على مفاتيح للبيت ماكو هف ممخلي شي رجعت الملابس ووكعت ساعة ايد فضيه رفعتها وتذكرت هي نفسها جان لابسها اخذتها وشفت الوقت ب 2:30am شلتها وخليتها على الميز باوعت جوعانه كمت ودخلت مطبخ شعلت طباخ وقليت بورك وسويت جاي اكلت وكملت وغسلت مواعين تذكرت الكزاز بقا بالاستقبال كمت ورحت لميته ونضفت المكان باوعت الاستقبال حلوه ودافيه ادفا من غرفتي كمت وصعدت لحمام اخذت سجينه من الرف ورحت لغرفه سحبت الغطا من السرير واخذته واخذت مخدتي ونزلت خليت مخده ونمت على قنفه تخم هو شكله حيتأخر هل متخلف خلي انام براحتي صفنت ياربي معقوله ماطلع منا هفف كمت ورجعت فتريت بالبيت جربت اكسر القفال بالسجين بس مديفيد كولشي مقفل رجعت ونمت على القنفه وتغطيت.....
بعد ساعات
ياقوت حسيت بأيد دافيه تلمس خدي....

يتبع 🍁✨
يا مرحباااا شلونكم قرائي الصامتون 🥲 ان شاءلله تمام وهاي بارت اخر نزل الاحداث نار وكولش متحمسة لرأيكم لتنسون التصويت + تابعون الحساب حتى توصلكم الاشعارات .. ♥♥