إقتحام من الماضي

البارت الخامس والعشرون 🍁

مرحباااا شلونكم شخباركم إن شالله أعرف صار تاخير جداً ماصخ بالبارتات ومو حابه أوضح الاسباب لكن محضرتلكم تعويضات وبارتات طويله سوو  يلا نبلش قرائة ممتعه
....
write by
𝒅𝒐𝒂𝒂 𝒉𝒂𝒔𝒔𝒂𝒏 𖤍
...
عند بيت ياقوت:
2015/10/15
الساعة 9:10am
رند: نايمه گعدت على صوت امي
أيناس وهي واكفه باب الغرفه
: رند ماما كومي هم يله نحضر ملابسنا كومي ساعديني
رند بنعاس
: ماما ليش مستعجلين هيج فهميني
أيناس : بنتي هل شي بصالحنا كلنا وأبوج خابروه الطيارة موعدها بليل
رند رفعت راسها من الفراش : بس ماما وياقوت أنتي مقتنعة يعني!
ايناس: بنتي أني واثقه أبوج حيرجعها يله گومي لتعبيني
رند : ماشي،
گمت من الفراش بتعب وضوجة حيل ماعرف شلون أمي تقبل هيج تسافر وأختي ماكو هف
... كمل اليوم وأحنه مشغولين بقصة السفر حضرنا الجنط وكلشي وضبنا وجهزت جنطه ملابس ياقوت وجيت أنزلها من درج بس وقفني بابا
غسان : بنتي ألمن هل جنطة بعد اخذت جنطكم بسياره
رند بحزن : بابا هاي جنطتين ملابس ياقوت وكتبها وأشيائها المهمه
غسان : بنتي خليهن أني انزلهن أمشي صعدي بسياره كمال بويه
رند : وانت بابا
غسان : أني وصاحبي بسيارتي بنتي وانتي بسيارة كمال وخالج أحمد وأمج بسيارة علي
رند ستغربت تقسيم بابا النه وكتله : تمام
تركت الجنط قرب الحايط ونزلت درج مخليه ايدي بجيوبي وبضهري جنطه صغيره بيها وشاحي وموبايل وسماعات وشغلات سفر طلعت بره لگيت ماما واكفة يم خالو وعيونها مدمعة تباوع على البيت
أحمد : گولي يا الله أيناس إن شاءلله نرجع
علي :  عمه هي سفره مؤقته صدگيني حتلحگنا ياقوت ونرجع
أيناس : إن شاءالله ابني إن شاءلله
كمال : يلا صعدو بسيارات بويه
احمد : اي ابني
صعد علي بسيارته وبجانبه خالو احمد وصعدت ورا ماما  أتجهت على سياره كمال فتحت باب المقعد الامامي نداريت على البيت عيوني نملت دموع
كمال : رند بنيتي كافي تسوين هيج يله نصعد
رند : صعدت بسيارة وخليت جنطتي بمقعد الورة وكمال صعد حرك  علي سيارة كدامنا وحركت سياره كمال ورا طلعنا على الشارع باوعت على  يميني سياره بابا بقت واكفة وسيارة حراسة شفتها طلعت ويانه
: كمال سياره بابا بعدها وسياره حراسه طلعت هم
كمال : اعرف هو گال روحو قبلي واني اقفل لبيت واتاكد من جماعتي والحگكم وبقت حراسه يمه وسيارة ويانة
رند : وياقوت أوف يربي احسني ختنكت
كمال : كولي يا الله اني هم ممرتاح لهل روحه بس هل شي يخليج بأمان وكتلج أني ماعوفها أرجع لبيت أبوي وألكاها ويه غسان
رند : ماعرف شكولك كمال
كمال : لتكولين شي اهدي بس
رند تمام..

عند شاهين وهو كاعد بسيارته وسلاحه بيده بجانبه فهد
فهد : تتوقع راح نلزمه
شاهين : لازم نلزمه ونواجهة مابيها مجال بعد هو الي اجه برجليه هلمرة..

(قبل عدة ساعات من صباح اليوم)
في المزرعه //
شاهين وهو يشرب الجاي
: كدرت تعرف شوكت يسافر هل نذل
فهد : خليت بمطار واحد يجيب خبر وأكدت على كمال هم إذا صار سفر يطيني خبر 
شاهين : زين تسوي كمال يثق بيك بس  اني لحد هسه  مطاخه براسي سالفه البارحه أبد
فهد : ولا أني ماتوقعت يبيع الثعلب  بنته هيج
شاهين : يجوز ديحمي البقية وبعدين يرجع عليها
فهد : ماتوقع هو لي سوة هل حركه حته يخوفهم أحنه ماتحركنا من كلام كمال هذا الفهمته
شاهين : مدالكه مبرر لسالفته الخايسه هاي ابد
فهد : نذل كلشي توقع منه
قاطعهم صوت الموبايل
فهد : هذا كمال
شاهين : شعجب تصل بيك هسه
فهد: اتوقع جايب خبر على سفر الثعلب
شاهين : جاوبه
فهد فتح الاتصال وكال : صباح الخير
كمال : صباح النور ضلع اعذرني خابرتك من وكت
فهد : لا يمعود كاعد
كمال : زين لعد اسمع غسان جهز طياره موعدها اليوم  ب 8 بليل
وراح اسافر وياهم ابقه يوم او يومين وبعده اجي  ضلعي تعرفني انت  ماعدي ذيج الثقه برجل خالتي فأتمنه تبقه ملاحق الموضوع
فهد : اكيد بس شبسرعه جهز سالفه سفر هو مو كال حيتاخر
كمال : اني هم نصدمت گعدتني عمتي
كالتلي  فحروح وياهم وبس ارجع نلتقي
فهد : ماشي ليادوله حسافرون
كمال: المانيا
فهد : بسلامه اني حبقه ملاحق الموضوع من يمي واشوف إذا طلع شي انطيك خبر
كمال : تسلم داتعبك كلش وياي
فهد: لا واجبنا هذا
كمال : متقصر اشوفك بخير
فهد : الله وياك
سد الخط منه : هاي اجه الخبر الاكيد طيارته اليوم  بثمانيه على المانيا
شاهين : لازم نلزمه قبل ميوصل
فهد : ولازم منبين نفسنا هم لتنسه هو أعله رتبه من يمنه
شاهين : سهله هاي نقاطع سياراته ع طريق مطار
فهد : او نستدرجها
شاهين : شلون يعني
فهد: فكرت هواي بيها نلحكه بسيارات ونخلي يطفر على طريق فرعي
شاهين : خوش فكره
قاطع كلامهم صوت موبايل شاهين
رفع الجهاز ورقم غريب رفع حاجب وفتح خط
_سسيدي سيدي ساعدني الله يخليك
شاهين وهو فاتح عيونه على وسعهن : ابراهيم!
أبراهيم : سيدي اني بنص ساحة متصوب شمروني ولد الكلاب ساعدني
شاهين : ابقه على الخط جايك اني
فهد : شكو
شاهين: افتح جي بي اس وبرنامج دليل مواقع بسرعه
فهد : ماشي
فتح البرامج على الحاسوب المحمول بجانبه
شاهين حردلك الرقم دخله
فهد : رد
شاهين 07*********
فهد : لحضات ديحمل
لكيته بساحه *
شاهين : جايك اتحمل بويه
ابراهيم : امرك سيدي
كامو بسرعه وفهد  سد الحاسوب وفتح البرنامج بموبايله
صعدو بسياره شاهين وتحرك شاهين طلعو
فهد : شاهين البوابه انتضر حنزل اسدها
شاهين بعصبيه :  استعجل
فهد نزل من السياره قفل البوابه ورجع صعد شمر سويج امامه وشاهين حرك بسرعه بعد ساعة ونص
وصلو الى المكان دخل شاهين الساحة بسياره فهد وهو يباوع على يساره
: هذاكك
وصل قريب منه وقف سياره ونزل بسرعه وصل  يمه لگا مغمه عليه والدم مالي ملابسه
شاهين : لا لا ابراهيم افتح عيونك يمعود
إبراهيم بصوت ضعيف : سيدي اااا سف مكدرررت اسساعدك بس بس فلاش بي كلشي سيديييي اني فخور لأن لأن خدمت وياك
شاهين : انجب حتعيش  لتكول هيج ساعدني ضلع
فهدشاله ويا ودخلو بمقعد خلفي شاهين كعد يمه وضع رأس ابراهيم بحضنه وگال بعصبيه:
فهد استعجلللل
فهد : مستعجل وعلي
صعد بسياره وحرك بسرعه على الشارع العام فتح موبايله وتصل على اقرب مستشفى
جهزو سديه وطبله شاب عمره 28 متصاوب وفاقد
_االممرضه امرك
أبراهيم بتردد : سيدي سيدي موعد الخليه بعد 42 يوم على طريق سكة الحديد*
شاهين عوف هل سوالف أهم شي أنت تطلع منها
ابراهيم بصوت ضعيف : ماحس حطلع منها نزز فت هووواية
شاهين : لا تحجي هيج لا بتلي بيك
ابراهيم بأبتسامه وكلمات متقطعه : سيدي طلعتت ااا  ت هتم لفريقك عك س ميك ولون عنك
شاهين : ولك اسكت رحمه لأمك وابوك
أبراهيم: راح الحكك امييي نقيب شااهيي ن
شاهين بعصبيه : لا تكفرني ابراهيمو اسكتتتت
فهد : شاهين أعصابك هاي وصلنا
وكف السياره بسرعة ونزل فهد يركض
فتح الباب ونزل شاهين وسحب ابراهيم التفت على الممرض ورا وخلفه سدية المرظى رفع ابراهيم ونقلو على السديه وركضو الممرضين بي لداخل شاهين وهو يمسح جبينه والغضب مالي عيونه
فهد: شاهين رحمه لأبوك اهده موزين عليك هيج
شاهين : حيموت بسبببي فهد لك حيموت بسببيي
فهد : مو بسببك وانت تدري اهده إن شاءلله يعيش الله يخليك اهده تعال ندخل وراهم نشوف شيكول الدكتور
شاهين : ادخل انت اني ماكدر ادخل هيج
فهد: انتضرني هنا
شاهين: ماشي
دخل فهد يركض
شاهين والغضب مالي عيونه باوع على ايديه مليانه دم رفع راسه وبينه وبين نفسه : يا الهي اني السبب اني دزيته يا الهي ارحم بحاله بعده شاب يا الله
گعد على الرصيف ويباوع على أيديه وبلوزه نترس دم دنك راسة وغمض عيونه بتعب حس بظل صغير أمامه رفع راسه شاف طفلة صغيرة شعرها أشقر طويل وعيونها خضر
_ توجعك ايدك؟
شاهين : ها لا هذا مو دمي
_لعد دم منو
شاهين: انتي منين طلعتي بويه روحي
_اسمي اية امي هناك
شاهين رفعت راسي باوعت على الاتجاه المأشره عليه الطفله مره ثلاثينيه العمر واكفه تحجي ويه دكتور
شاهين: روحي لأمج بويه
ايه : انت ليش زعلان عمو
شاهين : يطلابه الماتخلص بويه أنتي شعدج يمي ليش متروحين لأمج
ايه : لأن شفتك هيج زعلان 
شاهين: مازعلان أني عمي
ايه: تقبل أگعد يمك
شاهين: منهو لازمج ماتگعدين
ايه كعدت بجانبه وتباوع على الشارع:
لتزعل عمو أنت حلو ماما تكول الحلوين ميزعلون ابد
شاهين باوعلها ويحاول يكتم ضحكته : أمج ماكالت لج الحلوين طايح حظهم بهل دنيه
ايه بتسائل : شنو يعني
شاهين كام وكف امامها وگال : بنيتي گومي لأمج هسه يضل بالها خطيه
ايه: بس ماما متريد أبقه يمها
شاهين: شلون بله مافهمت
ايه: ماما كالت روحي ومتريد اسمع شنو يحجون بس أني أعرف عن شنو
شاهين نزل جسمه امامها كال: عن شنو يحجون
ايه : يحجون عن مرض ببطني ولازم اسوي شي أسمه عملية بس ماما ماعدها فلوس الها
شاهين بتفاجئ : اها زين اگدر اسأل أبوج وين؟ ايه: أبويه راح من زمان ماما تگول أنو سافر لمكان حلو ومن نكبر كلنا نروح لهل مكان شاهين مسح جبينه وگال: لا حول ولا قوه إلا بالله ماشي أبقي هنا لتروحين المكان هسه أجيج
أيه: وانت وين رايح
شاهين : هسه اجي يحلوه
گام ومشى بتجاه الدكتور
شاهين : السلام عليكم
الدكتور وام ايه: وعليكم السلام
شاهين : دكتور من رخصتك أگدر احاجيك بموضوع مهم جداً
الدكتور : لكن عزيزي اني داحجي ويه مراجعه
شاهين : صدگني مياخذ من وقتك هواي
ام ايه : ميخالف دكتور شوفه إتفضل خويه
شاهين: اشكرج هوايه تفضل دكتور وياي نحجي جوه
الدكتور بإستغراب: ماشي تعال
مشو مسافه بإتجاه مدخل المستشفى
الدكتور : خير گول صاير شي خطير لاسامح الله (حجاها وهو يباوع ع الدم لي بيد شاهين وملابسه)
شاهين: لا لا إن شاءلله خير ليضل بالك الدم مو دمي دم واحد من جماعتي
الدكتور : إن شاء لله يگوم بسلامه
شاهين: إن شاء الله شوف دكتور ماطولها عليك المريضه الي أمها تحجي وياك عمود عمليه بنتها شكد تكلف عمليه وشكد تكلف مصاريف العلاج أني جاهز ادفعهن
الدكتور بتعجب: بس انت منين عرفت بيهن
شاهين: صادفت الطفله ايه وهي حجتلي قبل شوي فأنطيني رقمك واذا تحب أوقعلك على اي أوراق اني جاهز
الدكتور : بس وأهل البنت شنو أگولهم
شاهين : دبر أي سالفه گول أنك حتحاول تخلي مستشفى تدفع تكاليف حسب حقوق الطفل ومن هل سوالف وباجر عود گوللها حليت الموضوع وجهز موعد للعملية
الدكتور: والله فاجئتني وأسعدتني جداً الله يكثر من امثالك ويشفي رفيقك
شاهين: آمين آمين تفضل هذا كارت بي رقمي وأسمي تواصل وياي وشتحتاج أني بخدمتك
الدكتور اخذ الكارت وتفاجئ بالاسم : العقيد شاهين أها انت عقيد
شاهين : لا تفضحنه دكتور أي عقيد يله اني رايح أشوف الطفله عفتها يم سياره بعد أنتضر أتصالك دكتور ماوصيك
الدكتور وهو مبتسم : الله يكثر من امثالك ماشي اني اخابرك
شاهين طلعت منه ومشيت لگيت البنت واكفه وية أمها وأمها تمسح بشعرها بتسمت الها ومشيت رجعت على السياره فتحت الباب واخذت موبايل فتحته وتصلت على فهد:
الو فهد بشر شلون وضعه
فهد: وضعه حرج الدكتور يگول نزف هواي دم ويحتاج عمليه ودخلو العمليات فوراً
شاهين: يارب يطلع منها
فهد: يطلع يطلع اني متأكد
شاهين : اسمع أني راح أمر على البيت اغسل وأبدل وأرجع أجي ماشي
فهد : لا لتجي أنتضر أتصالي أحتمال يصحه وأخلي أحد من الشباب وأجي عليك نشوف حل لغسان الك*
شاهين : ماشي انتضر اتصالك لعد
فهد : ماشي
شاهين صعدت بسياره وحركت على البيت.....
....
يتبع ✨