إقتحام من الماضي

البارت التاسع🍁

بقلم:𝒅𝒐𝒂𝒂 𝒉𝒂𝒔𝒂𝒏𖤍

~~~~~~~~~~
كمال..
طلعت من غرفة رند  واخذت موبايلي وكفت  على البلكون اعرف صديق الي قديم واثق بي ثقه كامله متاكد هو وحيد لي راح يساعدني  ويحل هل مشكله

فهد:الوووو
كمال: الوو ها گلب وينك
فهد :الوو هلا ب الغالي طالع بشغله كول اامرني
كمال: ميأمر عليك ضالم والله يخوي محتاجك بسالفه متنحجي عله الموبايل
فهد :ماشي لعد تخليها ع الليل نلتقي وتدلل
كمال: فدوه لكلبك يا طيب ماشي انتضرك
فهد :تمام اني بس اكمل لعندي  ادزلك عنوان مكان ونلتقي
كمال :ماشي كلبي الله وياك
كمال :كملت من مكالمه وتصلت على زوج عمتي (غسان) ان الرقم الذي طلبته مغلق حاليا يرجى المعاوده لاحقا
اوف وينك لو تدري شصاير هنا
رند وهيه واكفه باب الغرفه : كمال اكدر ادخل
كمال: اي تفضلي
رند: بشر مارد عليك بابه
كمال: لا والله لحد هسه مغلق اتصلت ماكو
رند :وخالو ومامه
راح اتصل بيهم هسه وشوف وينهم
رند: اوك
كمال: فتح لموبايل وتصل ع الوالد
أحمد: ها كمال كول
كمال: هلا بابه طمني وينكم هسه وشون صارت عمتي
احمد :احسن الحمدلله وبعد شوي يجي لدكتور ونسجل خروج ونرجع ماكو خبر على ياقوت
كمال: لا بويه لحد هسه مرجعت
احمد :ماشي هسه نرجع ونشوف
كمال :ماشي
رند: ها كمال شكالو
كمال: يكول ابويه  هسه يجي دكتور ويسجلون خروج الحمدلله صارت احسن
رند: اوووف الف الحمدلله ربي
كمال: باعي رند عمتي تعبانه واكيد مماكله شي تكدرين سويلها شوربه
رند: اي اكيد هسه اروح اسويلها
كمال: ماشي ودزيتيلي لبصمه
رند: اي دزيتها يلا تحتاج شي ثاني
كمال: لا
رند ماشي
....
_ نادين (جامعه بغداد)
زيد: شكله يتأخر فراس شوفي ساعه بيش صارت
نادين :لعد شون زيد لازم ناخذ رقم سياره
زيد :حرجع اتصل بي
فراس: الووو ها زيد
زيد :وينك يخوي تاخرت علينه
فراس :والله العضيم مشغول بعدني لحد هسه ممكمل لبيدي
زيد: زين نخليها عله باجر
فراس: ماشي بس حجيلي مختصر سالفه شنو
زيد :اريد شوف كامرات الكراج مال جامعه الخارجيه ضروري
فراس :شكوو صاير شي وماعدنه علم بي
زيد: لا مصاير شي  بس ضروري اشوفهن
فراس :لعد اذا هيج نتضرني اني ب 1:00يمك
زيد: ماشي انتضرك بجامعه
فراس: ماشي عيني دلل
نادين: ها زيد شكال
زيد: يكول ب 1:00يمك اني ، باعي بدل مكاعدين ننتضر حروح اكمل محاضره وانتي هم دخلي وب 1:00تصل بيج
نادين :تمام لعد حروح امتحن لان هسه بدت محاضرتي
زيد: اوك ماشي
نادين رحت ع لقسم وبالي كوله عند ياقوت هنا جنه نمشي سوه و نسولف اووف وينج
..
_ياقوت
ماعرف شكد مر وقت بس حاسه بتعب وجوعانه وعطشانه اوف ياربي وين اني جسمي يوجعني وماعرف شون حفتح الحبل هذا  سمعت حركه بره وصوت خطوات بره قريب ع الباب
:منووو هنااا الله يخليكم ساعدوني منووو هنااا
اوف المن داصيح محد يجي ومحد حيساعدني شكلها كعدتي مطوله هنا اووف رفعت راسي باوعت على النافذه الصغيره الجو نهار اوف يا ترى بابه رجع سمع البصمه لدزيتها اذكرت البصمه وبقيت افكربكلام هل شخص و المبلغ الذكره شنو قصته ياربي حاسه روحي اطرش بزفه 😭😂💔
..
بيت ياقوت
رند:
كملت الشوربه وطبخت غده هم وكعدت ع طاوله ب اَلمطبخ وبيدي موبايلي  الساعه ب 12 وبالي مشتت بين كلام كمال وبين ياقوت وكلامها اوف ياربي يكون ثقه وميحجي لاحد خوف بداخلي وصوت ياقوت يرن باذني محتاره وماعرف شنو اسوي لحضات وسمعت صوت باب لكراج نفتح عرفته خالو اجه كمت ركض طلعت من باب المطبخ شفته دخل سيارته للكراج ونزلت منها مامه وعلي وخالو رحتلها باوستها التعب مبين بوجها اول مشافتني كالت
ايناس :هلا يمه رند بشريني مرجعت اختج
رند باوعت بحيره اوف كلتلها: لا مامه ماكو خبر لحد هسه تعالي ادخلي ارتاحي
علي: اي يمه ادخلي اني حروح لمركز لشرطه اشوف شصار وياهم
كمال: لا علي اوكف لتروح هسه
علي: هلا بالمسافر
كمال يحجي ويتقرب منه باوسه هلا بيك ابو الجود وسلم على ابو وعلى ام ياقوت وكال: تفضلو رتاحو هسه ودخلو جوه للاستقبال
دخلَو كولهم واحمد كال وهو يباوع عله رند
احمد: بابه رند مخابرتي عله ابوج معرفتي شوكت يرجع
رند :خالو تصلت بي مغلق وتصل بي كمال وهم مغلق
ايناس : وين صار يربي منا بنيتي ماكو ومنا هو
كمال وهو يباوع الرند وكال :
خالتي اريد تهدين اعصابج ياقوت انشالله راح نلكاها واريد اكولكم شغله صارت ليوم لصبح بس ماريد تنفعلون
ايناس :كول يمه شنو صار
كمال :باعو من اجيت صبح ومن راحت رند نامت دزتلي ياقوت بصمه صوت ومبين من صوتها خايفه وكأنو احد يمها فأريد اسمعها الكم
علي :وليش مرحت نطيتها لمركز لشرطه المن باقي منتضر
كمال :علي مو كلشي الشرطه تحله خليك متأني شوي متخاف عله بنت عمتك
احمد :علي كلام اخوك صحيح لازم تخلي عندك صبر شوي
ايناس :يمه شنو لبصمه شغلها النه خلي نسمعها
كمال :ماشي
شغلتها الهم وسمعوها ونضرات عمتي متتفسر وكامت تبجي وتكول راحت بنتي ياقوت
رند :مامه شدتحجين شنو راحت ليش تعرفين منو لي خطفها شنو سالفه الفلوس مامه متحجين
ايناس :راحت اختج رند بعد شيرجعها
احمد: استغفر لله العظيم كافي ايناس اهدي ان شاء الله نكدر نرجعها
علي :شنو سالفه الفلَوس بابه انت تعرف شي عنهن
احمد :علي لجيب طاري هل موضوع سده هسه وخلي نشوف شون نحل هل سالفه وبابه رند جيبي كلاص مي لامج اعصابها تعبت
رند: ماشي'
ورحت ركض جبت كلاص مي وقدمته لامي بس وضعها ميتفسر اباوع الخالي هم وضعه ميتفسر باوعت الكمال لكيته متفاجئ منهم مثلي يربي شديصير
_احمد: شوف علي تروح هسه المركز الشرطه الي بلغت بي وتنهي البلاغ وتكولهم لكيناها علي: يابويه شون انهي لبلاغ بله صار عليها شي بله كتلوها شون نثق ب بصمه احنه سمعناها
ايناس: ولك علي بت عمتك بعد مترجع روح يمه اسمع كلام ابوك مابيه حيل تموت بنتي
علي: ماشي يابه لي تريدوو يصير راح اسحب البلاغ بس ولفلوس شون ننطيها الهم ومنين ندبرهن بعدين عمي غسان شعليه
احمد: بعصبيه علي هوايه دخلت سوي لي عليك ومالك علاقه ب الباقي....

يتبع
يا مرحباا بارت اخركمل  بعتذر على التاخير +احجولي شنو رايكم بي وشنو رايكم بطريقه السرد اتمنى ينال اعجابكم ولتنسون تعليقاتكم هل شي يسعدني ويخليني اكمل القصه 😭💕