_تتقلب في خاطري الذكريات وانا سجينة داخل هذه الجدران لست اعلم بأي حال قد اقع ولست اعلم بذلك الذي قادني الى هنا.. ضائعة وخائفة ومابين قوتي وضعفي ومابين تلك الثوان التي تتراقص على خافقي لازلت اذكركِ يا اختي الصغيرة ولا زلت احارب لعلي اجد مخرجا يقودني اليك... او لعلي افهم ذلك المعتوه الذي سجنني...
بقلم //𝒅𝒐𝒂𝒂 𝒉𝒂𝒔𝒔𝒂𝒏 𖤍
... لطفآ يا رفيقي القارئ تابعني لتصلك جميع النصوص المنشورة حديثا
_ _ _ _ _
عند ياقوت//
مابين الغافيةوالصاحية من التعب والجوع وايدية ثنينهن مجروحه من الحبال والغرفه داحسها بارده كولش وهذا الحيوان طول نهار ماجاب اكل منتجية على الحايط ومغمضة عيوني اذكر امي وسوالفنه سوه اوف نزلت دموعي لما ذكرت كلامنا سوه فتحت عيوني بثقل ورفعت راسي واني اباوع على النافذه الصغيره لي بالغرفه جان مبين جزء صغير من السمه رفعت جسمي اكثر وشفت جزء من القمر ذكرت رند وكلامنه، اوووف يا ربي طلعني من هل مكان منو هذا لي خاطفني شيريدون من أبوية.. كمت ابجي بقوه واني اذكر رند وضحكنة وسهرنة هاي اليله الثانية اليه واني هنا يربي ساعدني
... واني بهل حال سمعت خطوات احد سريعه حاولت أهدأ ونزلت راسي ع الحايط سويت نفسي نايمه نفتح لباب وحسيت بخطوات احد اجه وسمعته كال
: نعم سيدي بعدها موجوده مثل ماهيه امرك سيدي امرك
وسمعت خطواته وهو يتحرك باتجاهي ورجع كال
: اوف لو مو هو مهتم بالموضوع بنفسه جان تونسنه حيل
، بقييت مغمضه عيوني حيل وادعي ميقرب عليه هل حيوان لحظات وحسيته بتعد وسد لباب فتحت عيوني واني اتلفت يمين ويسار اووف همزين راح ياربي شلون بيه اوف رجعت ابجي بقوه واني رافعه راسي ومنتجية عله الحايط لحد ماغفيت من لتعب ولبرد
فزيت ع صوت الباب وهو نفتح بقوه فتحت عيوني وشفته دخل وضرب لباب بقوه وكال
◼️:خاف فززناج خانوم كعدي
ياقوت :حجيت بصوت مبحوح :الله يخليك عوفني شنو تريد مني
◼️:اهوو رجعنه لهل سؤال متملين منه انتي
ياقوت : الله يخليك اترجاك عوفني
يحجي ويتقدم ب خطوات متثاقلة
◼️ :ماعوفج اني فمعلومه لتعيدين هل سؤال يكون افضل الج
ياقوت: ليش اني شمسويه حته هيج تسوي بيه شنو ذنبي، قرب مني ولزمني من فكي وحجه بصوت حاد
◼️: ذنبج بت المجرم هذا ذنبج
ياقوت كمت ابجي وهو لازم وجهي بيده أذاني كولش وحسيت ايده طبعت ب وجهي كمت احرك بوجهي حته يوخر ايده
كاال
◼️ :ها تاذيتي؟ ها فكج يوجعج موو!؟ هذا ذنبج انتي لي سألتي
باوعت بعيونه وشفت كميه لحقد والكره الشايلهن شلون ممكن يحقد عليه بشي مالي ذننب بي باوعتله بتوسل
رخه ايده وقرب وجه مني وگال
◼️: هذا درس الج حته متسالين بعد
خوف تملكني من نضرته ونبره صوته وقربه بعدت وجهي منه ونزلت نضري للكاع، گال
◼️: ها خفتي مني مو احسن اني اكولج خافي
، ياقوت ماحجيت شي نزل ايده على الحبل وگال هو يجره
◼️: راح افتح الحبل وتاكلين وانتي عاقلة
ياقوت هزيت راسي بمعنى اي ماريد حته احاجي
فتح الحبال وجانت طابعه عله ايدي وبيها دم من شافها رخه ايده وبقه لازمه بايد وسحب موبايله بايده الثانيه فتح الضوة ووجهة على ايديه شفت ايدي مجرحه بشكل قوي ورجعت ذبت دم الجروح باوعلي بصدمه بعد وجهة وفتح الحبال وقرب لاكل وگال
◼️: اكلي يلا
باوعت جانت صحون سفري ستيك دجاج وصحن صغير مقبلات
سحبت قطعه واكلتها بس ماحسيت بطعم شي اكلت كم قطعه وبعده رجعت راسي ل حايط باوعلي وكال اكلي
دنيت على لصحون ودفعتهن اله وكتله ماريد
◼️بصوت حاد احد دخل قبلي ونطاج اكل؟
ياقوت ذكرت لي اجه وحجه حرت مابين احجي او لا كتله بصوت مبحوح وضعيف
: لا
◼️: لعد
ياقوت: كتلك ماريد
◼️: طبج طوب
ورجع قرب مني وشد ايدي ب الحبال قوي واني صرخت من الوجع باوعلي وكال
◼️: تستاهلين
واخذ لاكل وطلع وضرب لباب وقفله
كمت ابجي بدون صوت لحد ما غفيت...
أنت تقرأ
إقتحام من الماضي
Misterio / Suspensoهي ليست من قصص الفصليه وليست قصة بين العشائر العراقية المعروفه انها مختلفة جدا بين فتاة مدللة من أبٍ سياسي غني ورجل يثأر لمقتل ابيه وعمهِ ويقوم ب اخذ ثأرهِ ممن قتلو ابيه ودمرو حياته ستقع ضحية لما حدث الفتاة ياقوت ماذا ستفعل ومن يكون هذا الرجل مزيج ب...
