بقلم:
𝒅𝒐𝒂𝒂 𝒉𝒂𝒔𝒔𝒂𝒏 𖤍
....
زيد :هلا نادين ي طبعا كولي
نادين: مترهم هنا نحجي
زيد :لعد سبقيني كعدي بالحديقه الخلفية لنادي هناك اهدئ المكان واني جاي وراج
نادين: تمام ،
عفته ورحت لحديقه لكيت طاوله فارغه سحبت كرسي وكعدت طبعا زيد صديقنه المقرب الي ولياقوت ويعرفنه من سنتين ويعرف شباب لأمن لي بجامعتنه وف يا ياقوت وينج واني كاعده انتضره اتصلت يقين
:الووو ها يقين كولي
يقين :حبي بدت المحاضره وموضوع شرح جديد تعالي وجيبي ياقوت وياج مشفتها ليوم
نادين: حبي ماكدر اجي صارت ويايه شغله بالعماده وياقوت ممداومه مريضه كولي ل حسن يسجلها مجازه من لحضور
يقين :ماشي كلبي حسجل محاضره الجن لعد
نادين :ي فدوه يلا بعدين نحجي
يقين :ماشي
زيد: ماتاخرت عليج مو(يحجي وبيده كوبين كوفي)
نادين: لا ماتاخرت المن الكوفي لثاني
زيد :الج لعد المن تفضلي وسحب كرسي وكعد
نادين :تطلبني واحد لعد
زيد: على باجر عود اي سولفي شنو صاير وياقوت ليش متفتح خط شكد تصلت صبح عليها
نادين: باع زيد الموضوع لي راح احجي بي يخص ياقوت بس امانه اريد يبقه بيناتنه واريد تسمعني للاخير يلا تحجي
زيد: قلقتيني نادين شكو شصاير
نادين :باع البارحة ياقوت مرجعت للبيت خابرتني اختها رند واني جنت ادرس اتصلت عليها بعد مشفت مكالمات ب 11بليل كتلها كولي رند كالت ياقوت مرجعت للبيت ولبنيه تبجي وخايفه عله اختها وتكول على اساس هيه دازه رساله لابو الخط وكالتله لتجي حطلع اتغده ويه صديقاتي كتلها ماكو هيج شي طلعنه سوه من الجامعه
زيد: اي َهسه وينها يعني لحد هسه مرجعت
نادين :لا مرجعت باع زيد اني شفت شي واريد اتاكد منه لان خايفه عله ياقوت وصبح حجيت لاختها من كالتلي مرجعت
زيد: شنو شفتي لج احجي
نادين :باع زيد ياقوت اعز من اختي عليه واعرفها وادري ماعدها علاقه حب ولا شي وادري بيها حته اصدقاء غيرنا ماعدها
زيد: احجي نادين ترا فورتي دمي وتدرين بيه اعرف ياقوت مثل ماعرفج ومأمن منها احجي عاد!!
نادين: اوك باع من وصلتني ياقوت لخطي وطلعت واني بسياره نتبهت ع ملزمتها عندي وعدنه بيها متحان وصدريتها هم ف وكفت ابو خط يم باب جامعه ونزلت رحتلها شفتها مسافه عني صعدت بسياره بيها شاب ممبين جان وسياره مو سياره ابو عماد بس تشبها وهوندا مو ستاركس وقلقت عليها وكلت لا ياقوت لو مو ابو عماد مترجع ويا ف مهتميت بس من خابرتني رند قلقت وجيت كتلك حته نروح اني وياك نشوف الكامرات بلكت نسحب رقم لسياره
زيد بحاله صدمه: شون شون لج ليش محجيتي لبارحه لرند
نادين :ماريد اهله يفتهمَون بنيه غلط واني اعرفها وانت تدري ب علي شون عصبي
زيد :يحجي وهو يسحب جكاره وبيده موبايله اووووف يا نادين اوف مادري شكولج بس خلي شوف صديقي ب الامن فراس موجود لو لا لان ماريد احجي لهذوله
نادين: تمام شوفه
زيد: الووو هلو فراس شونك كلبي
فراس : هلا بيك تمام وانت
زيد: تمام وين انت
فراس :اني طالع بسياره ليش كول
زيد: والله يخوي محتاجك بشغله ضروريه وماامن بغيرك
فراس: كول شمحتاج
زيد: والله يخوي متنحجي ع الموبايل
فراس: انت وين بجامعه؟!
زيد اي بجامعه بعدني
فراس :لعد انتضرني شغله ساعه او اقل بس كمل واجيك
زيد ماشي كلبي منتضرك بنادي
فراس: ماشي
نادين: ها شيكول
زيد يكول طالع بشغله ساعه ويرجع
نادين: تمام ننتضره لعد
زيد: زين نادين واهل ياقوت مخبرو شرطه شي
نادين :اكيد خبرو هسه عن غيابها ميبقون ساكتين
زيد: والله شغله صفن واكول البارحه اخابر مغلق اراسل ماكو
نادين: اوف مادري وينها بس خايفه عليها
زيد: ان شاء الله نلكاها
.....
عند ياقوت //
:ماعرف شكد وقت مر خوف مو طبيعي ايدي توجعني وتحركني واسمع اصوات خطوات بره حاولت اسحب الحبل من البسمار لي بالحايط بس ماكو فائده ايدي مجرحه توجعني بس لازم افتح هل حبال ياربي ساعدني اجت ببالي مامه واختي اوف شمشتاقه الرند ولسوالفها لازم افتح هل حبال واطلع منا سحبت نفسي وبتعدت عن الحايط واني كاعده عالارض وبديت اسحب الحبل بس مثبت بالحايط 💔😭واني ع هل حال نفتح الباب ورفعت راسي شفته نفسه الشخص من شافني اجه بسرعه عليه ورفعني من شعري
◼️: شدتحاولين سووين فهميني اذا عبالج تفتحين الحبال هيج ف دصرفين طاقه بس
ياقوت اااييي شعررري عوفني الله يخليك
◼️: تريدين اعوفج مووو
ياقوت ايي شعريي الله يخليك عوفني منو انت
◼️: انتي دجبريني ااذيج لحد اللحظه هاي محترمج بس انتي بتصرفاتج جبريني اضربج
ياقوت ضربني راشدي وجرني من ايدي ورجعني ع الحايط كمت اصرخ
: عوفني شنو تريد مني
◼️: مو تريدين اعوفج
ياقوت: الله يخليك لتأذيني انت ماعندك خوات ماعندك اهل شنو جايبني هنا
◼️: ساقطه اسم اختي لجيبي عله اللسانج فاهمه ياقوت
:يحجي ومخلي ايده على حلكي ولازمني بقوه ومداكدر ادفعه او اوخر منه تمنيت الموت بهاي للحظه غمضت عيوني بقوه وسكتت ونزلت دموعي بغزاره عله ايده
◼️راح اوخر ايدي اذا حجيتي حرف اخليج تتمنيت الموت وماكتلج
ياقوت: هزيت راسي بمعنى اي
بعد ايده فتحت عيوني وشفته شكد قريب مني وكاعد كبالي ضخم وشعره مبعثر ومحاصرني ب الحايط خفت احجي حرف كدامه رخه ايده لي لازم ايدي بيها وكال :
_يتبع
.. اتمنى لكم متابعه شيقه 💙
أنت تقرأ
إقتحام من الماضي
Mystery / Thrillerهي ليست من قصص الفصليه وليست قصة بين العشائر العراقية المعروفه انها مختلفة جدا بين فتاة مدللة من أبٍ سياسي غني ورجل يثأر لمقتل ابيه وعمهِ ويقوم ب اخذ ثأرهِ ممن قتلو ابيه ودمرو حياته ستقع ضحية لما حدث الفتاة ياقوت ماذا ستفعل ومن يكون هذا الرجل مزيج ب...
