အပိုင်း၁၁
S3စမ်းသပ်ခန်း၀င်ရမည့်နေ့ဖြစ်သည့်အတွက် ဒီနေ့ရှောင်းကျန့် မနက်ခပ်စောစောပင်ထကာအဆင်သင့်ဖြစ်အောင်ပြင်ဆင်နေလိုက်၏။
မနက်စာကိုအ၀စားပြီးနောက်၈နာရီထိုးခါနီးသည်နှင့်S3အခန်းရှေ့ဆီထွက်လာခဲ့လိုက်သည်..။
ဒီနေ့ မိုးဖွဲဖွဲကျသည်မို့အပြင်ဘက်ဆီကလေညှင်းသွဲ့သွဲ့သည်လည်းအအေးဓာတ်အနည်းငယ်ရောယှက်နေပြန်သည်..။
နေရောင်လည်းမမြင်ရသလိုကောင်းကင်တစ်ခုလုံးအုံ့မှိုင်းနေသဖြင့်အချိန်တစ်ခုအတွင်းမှာပဲသည်းထန်စွာရွာတော့မည့်ဟန်ပြနေသေး၏။
"ရှောင်းကျန့် ခဏနေအုံး"
S3စမ်းသပ်ရေးအခန်းအားဖွင့်တော့မည့်အခိုက်ယွီပင်း၏အလောတကြီးပြေးလာသောခြေသံနှင့်အတူအော်ဟစ်တားမြစ်သံအားကျယ်ကျယ်လောင်လောင်ပင်ကြားလိုက်ရ၏။နောက်မှာလည်းအကိုရှီးချန်တစ်ယောက်ကပ်ပါလျက်သား..။
"ဘာလို့လဲ..ရိပေါ်ဘာဖြစ်လို့လဲ.."
တစ်ခုခုအားစိတ်ပူဟန်ပြနေသည့်နှစ်ယောက်လုံး၏မျက်နှာထားတို့ကြောင့်အလောတကြီးမေးလိုက်မိသည်..။
သူ့အမေးကြောင့်ယွီပင်းကတအံ့တသြဖြစ်သွားကာပြန်မေးလာ၏။
"ရိပေါ်အကြောင်းပြောမယ်မှန်းမင်းဘယ်လိုသိလဲ.."
ထိုအမေးကြားတော့ရှောင်းကျန့်ရယ်လိုက်မိသည်..။
"အကိုရော မင်းရော ငါ့ဆီအပြေးလာပြောမယ့်အကြောင်းရင်းကရိပေါ်အကြောင်းပဲဖြစ်နေနိုင်တာမလို့ပေါ့..ပြော..ဘာဖြစ်လို့လဲ.."
"ပစ္စည်းပို့တဲ့နေရာကို ရိပေါ်ဒီနေ့ဦးဆောင်သွားမှာ"
အကိုရှီးချန်စကားအဆုံးS3အခန်းရှေ့မှအပြေးထွက်လာခဲ့ပြီးလက်နက်အခန်းဆီ၀င်လာလိုက်၏။
"သေနပ်ပစ်တာသူ့စိတ်ကအဆင်မပြေသေးပဲနဲ့ ဘာလို့လွတ်လိုက်ရတာလဲ...အာ အကိုလည်းသူ့ကိုပြောမနိုင်ဘူးမလား..ရိပေါ်မသိအောင်ကျွန်တော်လိုက်သွားမယ်.."
"ယွီပင်းမင်းပါလိုက်သွား...."
ထိုအမိန့်ရသည်နှင့်ပစ္စည်းအစုံထည့်ထားသည့်အင်္ကျီအနက်အားခပ်မြန်မြန်၀တ်လိုက်၏။
YOU ARE READING
မူဟန်ကွဲပြားခြင်း၏တစ်ခုတည်းသောနှလုံးသား YiZhan (Ongoing)
Fanfictionမွေးနေ့မှာပျော်ရွှင်ပါစေ ငါ့ရဲ့မစ်စ်၀မ်လေး..။ ၀မ်ရိပေါ် ဘုရားပေးတဲ့ဆုလာဘ်ကိုမလိုချင်ဘူးရိပေါ်..မင်းပေးတဲ့ဆုလာဘ်အဖြစ်သာငါ့ကိုမင်းနောက်ကတကောက်ကောက်လိုက်ခွင့်ရှိတဲ့အရိပ်လေးပဲဖြစ်ခွင့်ပေး...။ ရှောင်းကျန့် Start Date 15.11.22 End Date................. ပထ...