အပိုင်း ၂၁
သစ်ပင်သစ်ကိုင်းအုံ့ဆိုင်းနေသောတောပီပီမနက်လင်းသည်နှင့်ကျေးငှက်တို့၏တစာစာမြည်သံကိုအရင်ကြားရ၏။မြို့မှာနားယဥ်ခဲ့ရသောကားသံ စက်သံ ဟွန်းသံများအားသဲ့သဲ့ပင်မကြားရ...။
Uနိုင်ငံကနွေရာသီနဲ့ဆောင်းရာသီဟူ၍နှစ်မျိုးသာရှိသည်မို့မိုးရွာတာသိပ်ရှားသည်...။၆လပိုင်းလလယ်မှလကုန်အထိနှင့်၁၂လပိုင်းတစ်လလုံးထိုအချိန်များမှသာမိုးသံကြားရ၏။၁လပိုင်းမှ၆လအထိအပူချိန်ပြင်းပြီး၆လမှနှစ်ကုန်အထိအအေးဓာတ်လွန်ကဲနေတက်သည်...။
!!!!!!တီ တီ တီ တီ!!!!!
အိပ်ယာနိုးနေသော်လည်း၅မိနစ်ခန့်ထပ်မှေးနေသည်မို့Alarmဒုတိယတကြိမ်မြည်မှကိုယ်ပေါ်မှစောင်ကိုခွာချကာထထိုင်လိုက်၏။
ဒီနေ့Uနိုင်ငံရှိလက်နက်စက်ရုံအားဦးစီးကြီးကြပ်ရမည့်ပထမဆုံးနေ့...။
ထို့ကြောင့်မိတ်ဆက်တာရောလုပ်ငန်းစီစစ်တာပါတစ်ခါတည်းပြုလုပ်ဖို့ဆုံးဖြတ်ထားသည်မို့အစောထမှဖြစ်မည်..။
ကုတင်ပေါ်မှဆင်းကာရေအေးဖြင့်ရေချိုးလိုက်ပြီးနောက် ပေါ့ပါးသောအင်္ကျီသာ၀တ်၍ဆံပင်ကိုလည်းဘာမှမလိမ်းဘဲထားလိုက်၏။
၁လပိုင်းဆန်းကာစမို့အအေးဓာတ်ရောအပူဓာတ်ပါရောယှက်နေဆဲ..။သို့သော်လည်းစက်ရုံအတွင်းမှာပဲသွားရမည်မို့အင်္ကျီကခပ်ပါးပါးသာ၀တ်ထား၏။
နေထိုင်ဖို့နေရာကနှစ်ထပ်တိုက်သေးသေးလေးတစ်လုံးရှိသည်မို့အဆင်ပြေ၏။လူမနေသောနေရာဆိုပေမယ့် အမြဲသန့်ရှင်းရေးလုပ်ထားတော့အဆင်သင့်နေရုံသာ...။
စက်ရုံမှစက်သံများလည်ပတ်သံ ထွက်လာသည်နှင့်ဖုန်းကိုဆွဲယူကာအောက်ထပ်ဆင်းလာခဲ့လိုက်၏။
"မစ္စတာSeanမနက်စာအဆင်သင့်ဖြစ်ပါပြီ"
သူ့ခြေသံကြားတယ်ဆိုရင်ပဲမီးဖိုချောင်ထဲကနေခေါင်းပြူရင်းပြောလာသူကမနေ့ကသူ့အားလာကြိုသည့်လူပင်ဖြစ်၏။
သူ့နာမည်က ဂျော်ဒန်ဘရစ်...။အမေရိကန်လူမျိုးပီပီခန္ဓာကိုယ်ထွားသလိုအရပ်လည်းရှည်၏။ပယင်းရောင်မျက်ဆံကြောင့်အကြည့်တို့ကစူးရှဟန်အတိ...။အသားအရည်ကအနည်းငယ်သာညို၏။ဆံပင်အနေနဲ့တော့ကတုံးဆံပင်ဖြင့်သာ..။
YOU ARE READING
မူဟန်ကွဲပြားခြင်း၏တစ်ခုတည်းသောနှလုံးသား YiZhan (Ongoing)
Fanfictionမွေးနေ့မှာပျော်ရွှင်ပါစေ ငါ့ရဲ့မစ်စ်၀မ်လေး..။ ၀မ်ရိပေါ် ဘုရားပေးတဲ့ဆုလာဘ်ကိုမလိုချင်ဘူးရိပေါ်..မင်းပေးတဲ့ဆုလာဘ်အဖြစ်သာငါ့ကိုမင်းနောက်ကတကောက်ကောက်လိုက်ခွင့်ရှိတဲ့အရိပ်လေးပဲဖြစ်ခွင့်ပေး...။ ရှောင်းကျန့် Start Date 15.11.22 End Date................. ပထ...