💫 لعنة عاشق💫 بالدارجة المغربية

🎶 الفصل التاسع💕

لعنة عاشق

🔥lover's curse🔥

بقلم: jihane/رقية عبير / يسرى ال

بارت:24

محمد : واشنوو هو المقابل اسي العلوي ختنا مرخيصاش علينا امممم.....

فؤاد شاف فيه بحقد : عارفكم أكيد غادي يكون عندكم طلب كبير مي غير كونو هانين غادي نسلمكم المناقصة للي طول عمركم كاتحلمو بيها وهيا المناقصة ديال إسبانيا

محمد وأشرف ناضو واقفين ودارو إبتسامة إنتصار وأخيرا حلمهم غادي يتحقق ونطقو دقة وحدة ...

اشرف & محمد.: الله يكمل بيخير هههه

مدو ايديهوم لكن فؤاد ممدهاش حسو ب بلأحراج ورجعو كلسو بلاصتهوم كيدورو عينيهوم

أشرف : ختنا غادي تكون مأمنة معاكم وخصوصا مع هارون حنا موافقين وحتى هيا موافقة

فؤاد: سمحوليا أنا بغيت نهضر معاها هيا فهاد الموضوع...

محمد: هيا الأولى أسي فؤاد العلوي عبير عبييييير....

عبير جاية كاتجري هازة بلاطو فيه قهوة سادة والخوف باين من عينها ونطقات بصوتها الخافت

عبير : س س س سمحليا أخويا تعطلت والله مادرتها بلعاني (قاطعها فؤاد )

فؤاد: بنتي عبير حطي داكشي وأجي معايا الله يرضي عليك بغيت نتكلم معاك

وسبقها لجردة شافت في خوتها للي شيرو ليها بعينيهم باش تبعو دغيا حطات داك البلاطو وتبعات سي فؤاد حتى وقفات جنبو ودارت إبتسامة شاحبة

عبير : عمي فؤاد فرحت بزااف بشوفتك

فؤاد دار إبتسامة وحط إيديه على كتافها وهز إيد وحطها ليها على وجها حيد شعرها وشاف علامات ضرب على وجها وباقين صباعي محمد على وجه عبير

فؤاد: بنتي عبير واش كاتيقي فيا

عبير : أكيد أعمي انتا راك في مكانة بابا وكانتيق فيك أكثر من رأسي

فؤاد : بنتي عبير أنا هاد المدة كاملة مانسيتك وديما متبع أخبارك غير من بعيد وحاط ليكارد هنا كايوصلو ليا أخبارك كاملة وأنا عارف الجحيم للي عايشة فيه (عبير دغيا دموعها هبطو ) عبير مسحي دموعك نتي أمانة عندي وباباك وصاني عليك قبل مايموت بغيت نديك معايا ولكن خوتك غدارة وأنا ولادي صعاب ماغاديش يسكتو ليهم لدالك فكرت مزيان ولقيت حل

عبير هزات فيه عينها للي كلهم ترجي

فؤاد : بغيتك تزوجي بولدي هارون

خرجات فيه عيونها ونطقات بصوت متقطع : ك ك ك كيفاش

فؤاد: كيف سمعتي أبنتي أنا بغيتك لولدي لكبير وغادي نديرك أميرة في داري حيت مستحيل نخليك وسط هاد دياب ديال خوتك ومابغيتش إعتراض أبنتي لاكنتي بصاح كاتعتابريني في مقام الأب ديالك وافقي حيث غير هكا مغيخلونيش نديك