لعنة عاشق
🔥lover's curse🔥
بقلم: jihane/رقية عبير / يسرى ال
بارت:103
هيثم حك دقنو: وايلي اعمي اش هاد ضحك فاتن قالت ليا بلي عبير مرت هارون ولدات مبروك هارون ولا أب لتوينز زوينين ماشاءالله
شهقات فدوى وطاحت فورشيط من يديها مصدومة وفؤاد لا يقل صدمة عليهاا....
فؤاد : متأكد أولدي
هيثم: متأكد راني خدام في الكلينيك لي ولدات فيه مدام عبير في رباط
فدوى بصدمة : ممكن تعطيني إسم الكلينيك عافا ولدي..
هيثم : مرحبا أخالتي**** يالله نخليكم دابا عندي واحد الإجتماع مهم نتلقاو في فرصة أخرى..
فؤاد دار إبتسامة رغم صدمة للي شاداه: أكيد أولدي راك صديق فاتن وباب دارنا مفتوح فأي وقت...
هيثم : لهلا إيخطيكم عارف لي كاين
ومشا مخلي وراه فدوى وفؤاد كايشوفو في بعضهم و مصدومين صدمة ثلاثية الأبعاد من كلامو كيفاش عبير حاملة كيفاش ولدات كيفاش فاتن عارفة كلشي ومخبين عليهم كيفاش توينز كيفاش هارون ماعارف والو على ولادو فعلا خيبو ظنهم فيهم ماتوقعوهاش من فاتن وعبير نهائيا ....
فؤاد هاز حاجبو في فدوى ونطق مستغرب : ياك قلتي فاتن عندها شي شغل وغادي تبقى في لوطيل...
فدوى هزات فيه عينها: فؤاد ماتشوفش فيا دوك شوفات هادشي للي قالت ليا فاتن نت عارف أنني مستحيل نخبي عليك شي حاجة وخصوصا موضوع بحال هكدا
فؤاد بعد إقتناع: عندك الحق ودابا نوضي خاص نمشيو نشوفو هاد الحريرة ...
ناضو منبعد ماخلصو تاجهوا لسيارتهم فتح ليهم ليكارد باب سيارة وركبوا بجوج بيهم لور وليكارد تولى سياقة وشاف فؤاد في فدوى ونطق بفرحة ....
فؤاد : عرفتي الي كان كلام هيثم بصاح غادي نكون أسعد جد في هاد العالم
فدوى : هههه راني قلت ليك قبيلة جاني إحساس غريب أكيد هاد الإحساس غير حيت حفايدنا نورو هاد الحياة
فؤاد : سبوعة ديال العلوي
فدوى: اشنو غادي نديرو دابا
فؤاد : نمشيو لقصر هو أول نطمأنو على نسرين ونشوفو فاطمة تبات معاها هاد اليلة ونشدد الحراسة على القصر باش نمشي لرباط مرتاح على بنتي حيت اكيد خاص نباتو تما واحد الليلة..
في شركة أوس باركة سمراء في واحد البيروا كبير مجموع فيه لبنات وكل وحدة والبيرو ديالها ناضت متاجها مطبعة تطبع بعد الاوراق المطلوبة غير زادت خطوة حتى كاتسمع وشوشت البنات ليها
البنت 1 : ياختي شوفي ليك الكحلة عندها زهر...
البنت 2 : يعطيها موصيبة ماحملتها ماقبلتها لونها كايجيب ليك الإكتئاب كايبانو فيها غير العينين للي بايضين وسنان
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
