عند عبير دازت لقطة على عينها كاملة حكات ودنها....
فاتن: واش سلمات عليه من وجه شكون هاد بوبريص تاني..
عبير كداعي عدم موبلات وهيا شياط طالع منها...
عبير. : معرفتش يمكن كيعرفها حيث يا ماشاء الله ولد ماما فدوى عندو بزاف معا جنس حواء...
فاتن بتسمات: كتغيري العفريتة امم
عبير : لا علاش هاد سؤال
فاتن: حيث كنشم ريحت شياط طالعة معاك ودخان الحريق شاعل فيك لاش كتنكري سيري شدي فزمانك راه ديك خريوة غا كتعوج هاد جيل كيطير...
عبير دورات لسانها فمها كتشوف فيهوم مدات لولد فاتن لي كضحك قدات شعرها وتمشات بكل خطوات متوازية جيهتهوم وقفات عليهوم خشات يديها فمعصم هارون كتشوف دايرة ابتسامة صفراء شاف فيها بتاسم بجنب وهضر مزير على يديها...
هارون: كنقدم ليكوم مدام ال علوي عبير زوجتي....
عبير : سلام
سلمو عليها وديك بنت كطلع وتنزل فيها هضرات بدون وعي
ريتاج : امم حسب لي مسيو هارون اعزب داد مقلتيش مزوج....
عبير. بهدوء مطلعة حاجبها: وأب لجوج اطفال وبنت عمرها خمس سنوات احبيبة...
خالد: اووه مسيو علوي مكناش عارفين لله يخليهوم ليك...
هارون: امين امسيو انصاري
عبير. : ويخلي ليك بنوتة فاش كتقراي اخالتو يمكن قد نسرين اممم
ريتاج مرضاتش حيث رجعاتها فحال بنت صغيرة مجوبتهاش لكن ماماها جوبات
ام: هاد عام لفاك ان شاء الله
عبير : ان شاء الله
ستأذن هارون منهوم وجر عبير بلطف كتمشاو حتال واحد بلاصة وقفو كيشوف فيها...
هارون : عجباتك الحفلة...
عبير منفخة: زوينة...
هارون: غرتي من ديك بنت ...؟؟
عبير مرضاتش: عفواا كيفاش غرت غير جيث نقول ليك مجد كيبك علاش غادي نغير...
هارون عايق بيها: بصح ( جرها بجهد عندو ) ..
حطات يديها على صدرو مخرجة عينها حيت شادها من خصرها
عبير : واش حماقتي طلق مني ناس كيشوفو طلق...
هارون: فخبارك كتعجبني غيرتك علياا غير ديري فبالك وحدة لي ساكنة قلبي وروحي هيا نتي اعبير غيرك لا....
كلامو سكتها معرفات متقول بقات غير كتشوف طلقات موسيقى غربية هادئة زاد ضامها لصدروو بدات كتحرك هيا وياه سمعتو همس فودنيها بكلمة خلاتها تحس بتبوريشة فداتها كاملة...
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
