عنوان: لعنة العشق
🔥Lovev'cs cure🔥
بقلم : jihan/ رقية عبير / يسرى ال'
بارت: 331
هارون شاف فيها هضر بحدة
هارون : متحركيش من هنا كتسمعي نحيب الولد يشرب
عبير. كتغبن: باغية نشطح راه عرس لوسي
هارون: حطي طرمتك لارض نلقك كتلوزي ليا هنا نقطع ليك رجليك هاني وصيتك
ساطت نفس مشا مدخل ولدو لي باغي اشرب شاف لؤي عبير وقفة رب منها جرها كيشطح معاها بزز هزات كتافها وعطاتها ركيز هيا وياه اما خديجة بقات واقفة وحداها خوها وحفصة كتصورو معاها دخلات حتا فاتن كتشطح شادة فدين عبير و لؤي خلات توفيق كيسب على ترمة لي كتهز وتحط خلاتو كيسوط....
جات نكافة وقفات عرسان جابو عمارية وطلعو خديجة فيها تهزات فوق وشال مزال على وجها كيدورو بيها وهيا كتشير بديها فرحانة.....
أوس : فخبارك واحد الحاجة
سمرا: اشنو هيا هادال حاجة اسي اوس
أوس: جيتي زوينة بزاف اسمرا
شافت فيه كتبتاسم وجها منور هضرات
سمرا : شكرا بزاف اول مرة شي حد اقول ليا زوينة...
أوس: ودبا جا لوقت لي نقولها ليك انا
حركات راسها كضحك مهم نهار مميز لعرسانا فدوى كتبكي بفرحة هزو حتا لؤي فعمارية ويازيد كايتحير بضحك عليه جاتو فشكل جاب ليهوم ضحك...
دارو بيهوم دورة شرافية عاد نزلو ايدو فيديها دخلو لقصر فين حاطين برزة ليهوم كلسو كتسناو فعدول طلقو شعبي ف ديدجي ولي بغا اشطح راه كيشطح ولي كالس راه كالس
وصل العدول كيف دارو فاتن دارو فلؤي وخديجة نفس بلاصة
عدول: سي لؤي قابل بانسة خديجة على سنة الله ورسوله
لؤي : قابل
عدول: انسة خديجة قابلة ب سي لؤي زوج. لك
خديجة بخجل ودموع: قابلة
حرك راسو عطاهوم دفتر كيسنو كدالك شهود كان خوها و هارون وفؤاد كملو اجرائات.
عدول: مبروك برفاه ولبنين اوليداتي
زغرتات سعاد وحفصة وفدوى فاتن فرحانين هز شال من وجه خدبجة لي كتبكي قبل جبينها وعنقو بعض فرحانين قبل مينوض عدول هضر أوس بجدية...
أوس: بلاتي عندي شي هضرة
شافو فيه كاملين هضر بهدوء
أوس: حتا انا ناوي نكمل ديني وختاريت شريكة حياتي لي هيا سمراا بنت ب مئة راجل عاشت بوحدها كبرات وكنضن هيا زوجة مناسبة ليا ونا كنبغيها وهادو وراقنا انا وهيا لزواج...
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
