لعنة عاشق
🔥lover's curse🔥
بقلم: jihane/رقية عبير / يسرى ال
بارت:69
كمل حديتو وآسية عطياه ضهرها عينها على القبر طولات شوفة في داك القبر ونطقات بصوت خافت
آسية : موتك جاني غريب أختي ولكن وعد مني ليك غادي نخلي هاد اللغز يبان
ناضت من تما خلات هارون واقف وراها وعينو كايعبروا على بزاااف ديال الحوايج وفي نفس الوقت باين فيهم الآلم كرز على إيديه ودار تابع آسية ركبو سيارتو و نطالقو
وصلها قدام الاوطيل وهز عينو فيها لقاها غارقة في افكارها ونطق بصوتو الخشن
هارون : وصلنا .....
أما هيا للي كانت غايبة عني الوجود فكرة ديها وفكرة كاتجيبها فاقت من سهوتها فاش هضر هارون دارت ليه إبتسامة شاحبة
آسية : شكرا ليك بزاااف
نزلات من سيارة ....أما هارون عفط على الكسيراتو ماوقف سيارة حتى وصل قدام شركة ديالو
في الكنينيك عند أوس للي غادي جاي في داك الكولوار ديال لوبيطال وحاس بروحو مخنوقة ودموع دايزين ليه من عيونو ونقطة وحدة للي مركز فيها هيا الباب للي دخلات منو أختو لغرفة العمليات كايتنفس بصعوبة بقا ساعات وهو واقف بدون حركة حتى كايبان ليه دكتور خارج وباين تعب من وجهو شاحب ماحس برأسو حتى كان واقف قدام رجليه ونطق نصوت غالب عليه الخوف
أوس: دكتور عافاك قوليا أنا أختي مازال عايشة عفاك أدكتور ياك أختي ماوقع ليها والو من بارح وهيا فعمليات قلتو وقفتو نزيف ورجع ودبااا جاوبنيي
دكتور: تهدن المريضة دازت من لوبيغاسيو للي صعيبة بزاااااف وبزز باش قدرنا نوقفو نزيف وقلنا صافي ورجع تاني بوثيرة اقوى وحبسناه ولكن هاد العمليات أكيد كايكون فيهم جانب مضر لمريضة معا لاسف
أوس خرج عينو حتى بان بؤبؤهم الأزرق : م م مافهمتش؟؟؟
دكتور: كيف قلت ليك العملية نجحات ولكن اكيد كاين ضرر في العملية يعني المريضة تقدر تبقا في غيبوبة
أوس حس بقلبو وقف : ك كيفاش غيبوبة شحال غادي ستغرق عاد الغيبوبة
دكتور: تقدر نهار او سيمانة أو شهر أو عام حنا ماعرفناش هادشي كايبقى لقدرة ديالها واش باغا الحياة ولا لا يعني خاصها هيا تستاجب مع دواء ديالنا وماتفقدش الأمل سمعني اولدي مدام قومات نزيف حاد وبقات كتنفس مزال غتجاوزها انشاء الله على سلامتها لي معندهاش شي كسور كثيرة واكيد غيبوبتها مغطولش خليك قوي
تخطاه وتبعو طاقم الطبي ديالو مخلين أوس وراهم بحال شي جثة هامدة واقف ولكن بدون روح وجهوا ولا أصفر وشفايفو ولا بيضين طاح في الأرض وحط إيديه على رأسو وكايطلب من الله أنا ختو تولي بيخير حيت مايقدرش يعيش بلابيها بقا ثواني ودقائق وساعات وهو على ديك الحالة تعاشات العشية وهو باقي في مكانو حط إيديه في الأرض وتم نايض ومتاجه طواليت محتاج يغسل وجهو وخاص يفكر ماخاصوش يبقا هكدا خاص ينتاقم لعداب الأخت ديالو ...تاجه لطواليت للي في الممر ثاني دخل غسل وجهو طول نظراتو في المرآة ومسح دمعة متحجرة بين عيونو وتم خارج من داك الممر حتى كايبان ليه ليكارد ديالهم واقف مع شي دكتور قرب منهم ونطق
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
