عنوان: لعنة العاشق:
🔥lovev's cure🔥
بقلم: jihane/رقية عبير / يسرى ال
❌بارت:30❌
كايتمشا قدام البحر خاشي ايديه فجياب سروال كان لابس صورڨيط فكحال كيحس براسو مخنوق من صباح وهوا كايتمشا ساهي قرب جيهت صخر تما بلاصتو لي كيكلس فيها بسوايع معا طلع كييبان لي شعر اسود كيطيرو لبرد طلع حاجبو هاد بلاصة قليل لي كيجي ليها شي حد حيث ممعروفاش بزاف جاتو فشكل قرب ناوي يكلس فجيهة لخرى
كالسة ساهية فدوك مواج يقدر نقولو هنا كتلقا راحتها هنا كتلقا روحها حرية صمت و حس بشر معدوم وهيا فتأملها قطع عليها صوت شي حد جاي جيهتها ولا نقولو طالع داك صخر خرجات عينها خايفة مقداش دور زيرات على يديها بدات كتنفس بجهد كل ما كيقرب كتغمض فعينها وتزير وتغمض وتزير شدها تسنج ف داتها كتكره ناس حولات دور ودارت بشوية كترعد حتا لمحات خيال راجل زاد معاها زايد قبل متنوض تمشي دار كلس حيث كان عطيها بضهرو خرجات عوينتها عاقلة عليه وحتا هوا طلع حاجبو مركز فيها شوفة مغريباش عليه بقى كيشوف فيها حتى تفكرها متخفاش عليه...
لؤي بصوت روجولي خاتر: سلام هادي نتي
شافها كتزير يديهاا ونضرات عينها كيبينو خوفهاا حتا رعشة جسدها لي كتبان هضر كيحاول يخليها تهدن
لؤي: متخافيش مغنأديكش
سكتات كتشوف فيه قرب جيهتها وهيا زادت فخوفها كلس جنبها ودار كيبتاسم باش متخفشي مد ايدو بهدوء جيهتها
لؤي: صافاا عليك امم اشنو سميتك
شافت ايدوو لي ممدودة وابتسامتو وهضرتو جاها ضريف بدات كطلق نفس فداتها وكتهدن مدات يديها كترجف وبصوت رقيق هضرات كتسرط ريقها
خديجة: سمتي خديجة
لؤي بحة: خديجة اش كديري هنا ؟ بوحدك فين دك سيدة لي كانت معاك
خديجة بهمس مزال خايفة: مكينينش حيث انا ( كتفرك اديها) هربت منهوم
وسع عينو كيشوف فيها عاود هضر بجدية مركز شوفة فيها حتى خلعها
لؤي بحدة: يكما كيضربوك ولا كايديرو ليك شي حاجة هضري علاش هربتي
خديجة خلعها حتى تغرغرو عينيها من صوتو لي خرج بجهد هضرات كتفتف
خديجة: غير غير كيعجبني لبحر وكنجي ليه كنبغي الهدوء وصافي
لؤي: مزيان كيف دايرة مشيشة لي عتقتي امم مزال عندك
حركات راسها وراتها ليه كانت منعسها فحضنها كاع مشافها
لؤي: اشنو سميتها ؟؟ كنضن ولات ديالك
خديجة: روز سميتها روز
حرك راسو ودار كيشوف فبحر ساكت وحتا هياا سكتات مهضروش مزال حيث هوا جا يخوي راسوو وخديجة كلامها قليل
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
