ورجع نظراتو لجيهت تونيز للي شبه الأصل من هارون فاش كان صغير قرب منهم وعينو كايشع منهم واحد البريق للي كايلمع بدون مايحس حتى كايحس بدموعو هابطين ماماتيقش أنه للي قدامو دابا ولاد ولدو والوريثين ديال عائلة ال علوي مامتيقش نهائيا قرب منهم خطوات وهز واحد فيهم بين إيديه والثاني هزاتو فدوى بالمهل وكايبوسو فيهم وهما في قمة الفرحة تبادلو ثاني توينز وكل واحد هز واحد بقاو شي نصف ساعة وهما معنقينهم وكايشموا في رائحة ديالهم ....
عبير وفاتن غير كايشوفو في بعضهم وخايفين من ردة الفعل ديالهم وبقا الصمت سيد المكان تى تجرآة فاتن ونطقات ...
فاتن : ختي كيفاش حتى عرفتوا
فدوى حطات البيبي في الكونة وشافت في فاتن : ياك أبنت أمي وبا ياك هادشي للي نستاهلو منعندكم (ورجعات نظراتها لجيهت عبير وكملات كلامها)عبير أنا عمرني ماحسبتك مرات ولدي طول عمري وأنا حاسباك بنتي علاش ماقلتيهاش لينا ابنتي علاش علاش حرمتينا من هاد نعمة كون ماكان هيثم للي شافك هنا كيفاش غادي نعرفو أننا تزادو عندنا حفايد
فاتن بغضب : وااااخة أسي هيثم واااااخة
عبير : هئ هئ ماشي قصدي أنا غير خ خ خفت
فؤاد تنهد : فدوى ماشي وقت هاد الهضرة خلي البنت ترتاح ماشي وقتو
فدوى: أنا ماكانأنبهاش أفؤاد لا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
