💫 لعنة عاشق💫 بالدارجة المغربية

🎶 الفصل 53💕

عنوان: لعنة العاشق:

🔥lovev's cure🔥

بقلم: jihane/رقية عبير / يسرى ال

بارت:162

كلسو وسط صالة كترحب بيهوم سعاد..

ايزة: ربي يكبر بيك اختي سعاد كاين توفيق..

سعاد: ايه يالله طلع يانعس ايمان على سلامتك ابنتي طيرتيها مني خلعة يكما تكرفسو عليك ابنتي...

ايمان : ربي يسلمك اخالتي حمد الله لا توفيق عتقني ف اخر لحضة لله يخليه لينا دكشي علاش غنصدعوع شوية ربي اخليه ليك خالتي..

فاتن كطلع فيها وتنزل كانت لبسة سروال جينز مطرطق على لي هونش وعامرة دبدوبة وخاشية سوميج فيه فلاحمر غامق ومقادة حالة وشعر اسود مطلوق مزين ب لي غوفلي متقولشي هادي لي كانو خطفينها هضرتها كي سم فقلب فتوتة ديالنا..

سعاد : دار لي خصو يدار محتاجينو فشي حاجة ولا ..

ايزة: ايه غير يمشي معانا ل سبيطار عند سفيان ومن بعد كومسرية حيث عيطو على ايمان وخافت قالت لي منمشيش بلا توفيق..

سعاد : ايه واخا وصبري نشوف واش فايق فاتن سيري عيطي لتوفيق لله يرضي عليك...

فاتن كتغدد: اه واخا اش نقول ليه اخالتي

سعاد: قوليه تكلم خالتك ايزة وايمان بغاوك تمشي معهوم ...

بتسمات ابتسامة صفراء وناضت مزيرة على يديها..

ايزة: ختي سعاد شكون هاد لبنت يكما بنت مباركة صحبتك...

سعاد: لا اختي ايزة هادي عروستي مرأة توفيق ان شاء الله...

ايمان بصدمة: علاش توفيق مزوج اخالتي احم ولا يالله ناوي ( ضحكات بفقصة)

سعاد ميقات فيها : لا ابنتي راه عقد عليها غير خلينا مستورة حتا يديرو عرس ايوا ليوم جابها تغدات عندنا هضرة تبقا هنا حتا لعراسية ان شاء الله فصيف...

ايزة: ومبروك ليه اختي ان شاء الله تشوفي ولادو ولعقبة لسفيان

سعاد بقات غير كدور فعينيها ويلي ويلي على كدبة قداش هضرات كتبتاسم..

سعاد: لله يبارك فيك امين لعقبة ليه اختي

عند فاتن وصلات بيت توفيق كدق فيه حتى حل ليها حيث منعسش راسو حارقو شافها وهضر...

توفيق: اش تما الكزوية

فاتن بفقصة: لا والو غير شي ناس لتحت كتسناوك...

توفيق طلع حاجبو: شكون ؟؟

فاتن : غير مامات صاحبك وختو جاو عندك...

توفيق: انا هابط عندهوم

خلاتو مزال مكمل هضرتو ونزلات بحالها رجعات دخلات عليهوم لقات سعاد كتهضر معا ايزة شافت فيها ايمان وحتا فاتن بجوج خنزرو فبعض وقلبو وجهوم نزل لابس شورط وتيشورت وقف فباب صالة