لعنة عاشق
🔥lover's curse🔥
بقلم: jihane/رقية عبير / يسرى ال
بارت:137
يازيد شاف في فدوى : شكراا الحنانة
فدوى : بصحتك اولدي
فاتن : دابا نوبتي
تجهات لصاك ديالها وجبدات منو بواطة صغيرة مزينة ببابي كادو ومداتها ليازيد ..
فاتن : هدا ديالي نتمنا اعجبك
خادو يازيد وكايوريه لؤي للي باغي يفقصو فتحو ونطق ...
يازيد : بارفان من نوع Mont blanc
فاتن : عجبك
يازيد : من ديما دوقك زوين شكرا ليك افاتن
فاتن : عيد ميلادي منهنا لشهر قلت نقولها باش ماتنساش تاني تفهمنا
فدوى : الله ينعل للي مايحشم
يازيد : دابا جبتي كادو باغي تخرجيها مني نهار عيد ميلادك مي ماتخافيش غير فاش يوصل فكريني نجيب ليك بكية شكلاط ديال 6 دراهم ماريجا
لؤي : هههههه الرعد
فاتن : ياك أوجه لفتة ساومتيتي ب6 دراهم
يازيد : هههههه حاشة
فؤاد : دابا نوبتي ياك
لؤي : حتى نتا اسي ال علوي جايب كادو
فؤاد خرج من جيبو واحد الكونطاك ومدو ليازيد ...
فؤاد : هادا ديالك خرج برا شوف المفاجأة ديالك
يازيد، خرج عينو بقوة حتى بان البؤبؤ الأسود ديالهم ماماتيقش وقف كايتمشا لجردة ايشوف تبعو لؤي وفاتن ونسرين بقات غير فدوى وفؤاد للي كايضحو عليهم...
خرج يازيد لجردة حتى كاتبان ليه واحد سيارة Bugatti bolide وشاف في لؤي ونطق بدون تصديق
يازيد : بوجاتي ألؤي بوجاتي الحلم ديال حياتي أنا وياك ههههه
لؤي : بربي ياعندك زهر عطيني نسوقها أنا الأول..
يازيد : والله لاقستيها والله حتى نتشامو التقاشر إيلا بوجاتي نوووو هههه ....و رجع داخل فرحان ضرب في فاتن ونسرين وقرب عنق فؤاد بجهد
يازيد : شكرا بزاااااف الوليد احسن كادو
فؤاد : بصحتك غير هو ماشي ديالي أنا
يازيد مستغرب : ديالمن ؟؟
فؤاد : هاد الكادو ديال هارون أما أنا الكادو ديالي غادي تعرفوا غدا
يازيد : ديال هارون متأكد
فدوى : إيه قبل مايسافر وصانا أن شي سيارة غادي تجي من الخاريج وهيا ديالك وصلات غير شوية دابا
يازيد : العشير ماكاينش بحالو
لؤي : الكادو ديالي غادي تعرفو غدا هو مشترك بيني وبين الواليد
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
