عنوان: لعنة عاشق:
🔥lovev's cure🔥
بقلم: jihane/رقية عبير / يسرى ال
بارت:191
في شركة عند لؤي ويازيد للي بارك في البيرو ديال هارون غارقين في ضواسة كايدققو في أي ملف حتى ناض يازيد كايطرطق في عنقو وشاف في لؤي ....
يازيد : عييت أصاحبي واش من لبارح وحنا في هاد الملفات رأسي باغي ينفاجر باز لهاورن أصاحبي كان هاز هادشي كامل
لؤي شاد في عنقو للي ضرو وكايحك في عينو للي حمرين بقوة ماجاه نعاس ...
لؤي : وايييه الساط
يازيد : يالله تلاح العشير خاصني نمشي ناكل شي لعيبة مصارني مضاربين مع بعضياتهم
لؤي : صافي أنا غير نجمع هادشي وأنا تابعك أنا باغي غير نعس ....
خرج يازيد من البيرو وتاجه لمصعد بعد ثانية تم خارج من الشركة وتاجه لسيارتو بوجاتي ضور عينو بان ليه تيلي ديالو نساه في سيارة فتحو لقاه 10% قريب يديشارجا بان ليه ميساج ديال نسرين فتحو لقى سلام يازيد غير تسالي صوني ليا اوكي وبزاااف ديال ليزابيل ، دار إبتسامة وحط إيديه على قلبو ونطق بصوت كلو عشق ...
يازيد : آآآه أنسرين على أخر أيامي وليت طايح في برهوشة (هبط عيونو لتيلي لقا طافي وهو يشوف في ساعة لقاها 3:30 أكيد غادي تكون دابا في ليكول وهو يكسيري بسيارتو نحو ليكول ديال نسرين وهو في قمة سعادة)
في نفس المكان عند لؤي للي خرج من شركة وركب في لوطو ديالو والوجهة إلى القصر دازت تقريبا نصف ساعة ستاصيونا سيارتو قدام القصر الله باغي يدخل حتى تفكر خديجة والوعد للي عطاها باش يرجع عندها وهو يضرب رأسو بقوة ورجع خطوات خرج من بوابة القصر ديالهم وتم متاجه لقصر للي جنبهم شاف في ليكارد للي واقفين في البوابة طلعوه ونزلوه وفتحو ليه باب القصر ديال خديجة وتم داخل حتى وصل لباب الرئيسي وحط إيديه على صونيت حتى خرجات ليه مدام حفصة
حفصة : سلام ولدي كاتسول على شي حد
لؤي : وعليكم سلام صارحة كانسول على خديجة
حفصة مستغربة: علاش اولدي فاين كاتعرف خديجة
لؤي : واقلة مابقيتيش عقلتي عليا أنا للي كنت عملت حادثة مع خديجة تقريبا هادشي داز عليه عام في شارع لكبير
حفصة رجعات سيناريو عاد تفكراتو ونطقات بإبتسامة ...
حفصة : أه اولدي سمح ليا راك عارف مع الكبر دخل اولدي مرحبا بيك
لؤي دار خطوة وتم داخل حتى وصل لصالون للي مفرش فراش تقليدي شيرات ليه حفصة بإيديها وبرك فوق سداري وبركات جنبو عاد نطقات ...
حفصة : ولدي قول ليا فاين تلاقيتي بخديجة ثاني
لؤي كايضور عينو على المكان : أحم أنا اخ ديال نسرين يعني جيران
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
