من دكرياتو رجع كأنو كل مرة كيوقف على هضرتها قرب من ديك مرآة وبقا كيشوف فيها ساهي لكن عواض المح ابتسامتو لمح اجمل ابتسامة كانت ديالها قرب ايدو كيمررها على مرآة كأنو موجودة داخلها لحضة كأنو وعى بعد ببطئ وهضر بخشونة فصوتو..
هارون بحة: رجلع وعيك اهارون رجع
مسح على وجهوو معارف واش اضحك على راسو ولاا يغضب هاد درجة توحش ليها هوا حد ساعة مزال كاع ممصالح معا داتو واش كيبغيها ولا يعشقها ولا غير ولف مولفها وخلات عليه فراغ هوا فعقلو مزال مواخد قرار كل مرة واش كيقول دخل لدوش ادوش اريح عضاموو وخرج انعس حيث مهلوك لاقصى درجات..
داز نهار طويل بزاف واخيراا ليل طيح ستاروو بعد نهار عامر تعب ديال خدمة
فقصر كالسين كتعشاو بصمت حتا تكلم فؤاد
فؤاد: مزال شي صفقة ولا صافي
هارون: صافي اخرة وحدة تعقدات بارح
لؤي: كنضن مبقا افتتتاح شركة سيارات والو
فاتن:15يوم. تقريبااا
مزال مهضرو صوناا تيلي فاتن لي كتحطو ديما حداها شافت متصل بانت عبير بتسمات وشداتها دغيا كتمسح فمها
فاتن: الو عبير لباس سمحي لي معودتش تاصلت بيك
سمع سميتها وهز راسو فاتن لي كتشوف فيه بنص عين...
فاتن: اه كنتعشا خبار خير وايلي ايوا مبروك ههه فرحت ليك واخا غير نتعشا ونكملو هضرة مبلغ حتا عمي وفدوى كيسلمو عليك واخا باي...
قطعات عليها هضرات فدوى بفضول
فدوى: عبير هادي اش واقع كتباركي ليها ياك لباس..
فاتن كتشوف فهارون بتسامات بشر: وراه ضروري عبير غتخطب فهاد ايام لبغا الله...
لعنة عاشق
🔥lover's curse🔥
بقلم: jihane/رقية عبير / يسرى ال
بارت:129
شاف فاتن شوفات فشكل الهضرة واحلة ليه فحلقو قبل متوحل لؤي ويبدا يكح شاف فيه هارون مد ليه كأس الماء خلاه كيشوف شرب لؤي وهضر
لؤي: سمحو ليا وحلات لي ماكلة كح ( حط ايدو على فموو)
هضر هارون بهدوء داك هدوء لي وراه عاصفة قوية بركان هائج من الغضب مشاعر مبعثرة...
هارون بحة رجولية : بصحة عشاكوم تصبحون على خير...
فدوى : ولدي مكليتي والو
هارون : كليت لي قسم الله حمد الله
تخطاهوم غادي جيهات جردة شافت فدوى فاتن وهضرت بغضب....
فدوى: كلام لي قلتي بصح اشمن خطبة ولا خطيب واش كتفلاي
فؤاد بحزم: فدوى
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
