عنوان: لعنة العاشق:
🔥lover's curse🔥
بقلم: jihane/رقية عبير / يسرى ال
بارت:257
عند آسية وعبلة في سيارة للي باغي ينفاجرو بالغضب وآسية كاتكلاكصوني باش يحيدو من قدامها سيارات للي قدامها وعيونها حمرين
آسية : كيفااااش ماااااماااتش هااااا أنااااا برأسي حطيتو ليه
عبلة للي كاتاكل في ضفارها : كلشي تضرب لينا في زيرو أكيد ماشربوش أهاد الحمقة أما كون مات في ساعتو طول الحفل وأنا مقابلاه غادي جاي وكلشي دهبا لنا هباءا منثورا وحتى دوك البعالك داك باهم ماحطهمش ولو غير ثانية أكيد حاسين بشي حاجة شفتو كيفاش كان كايشوف فيك هو وداك لي كان معاه
آسية : شفتهم أماما شفتهم ولكن الحساب ماحدو غادي وهو كايزيد ( تفكرات نظرات هاورن لعبير وزادت حقدات لدرجة الموت) غااااادي ندمهم وااااحد بوااااااحد
في الفيلة للي جنب البحر الكل مجموع في صالون ومنى داها نعاس بين إيدين سعاد وتوينز شداتهم فدوى وخديجة وأوس وسمراء وحفصة ركبو في سيارتهم وتاجهو لقصر ديالهم بقات غير العائلة وتوفيق وسعاد مجموعين في صالون عبير للي كانت متوثرة شافت في هاورن بنظرات حادة....
عبير : عمي فؤاد بغيت نهضر معاك في واحد الأمر مهم
فؤاد : قولي أبنتي
عبير : على إنفراد عافاك
هارون شاف في توفيق وسرط ريقو بعصبية وتوفيق دار إبتسامة وقرب من هارون ونطق ....
توفيق: صافي مشيتي فيها دابا بزز منك طلقها
هارون شاف فيه بنظرات من نيتك
فؤاد : واخة أجي تبعيني....عبير وقفات تبعات فؤاد حتى طلعو لبيرو كايتواجد في ديك الفيلة دخلات وسدات وراها الباب....
عبير : عمي ياك قلتي ليا أنني طلقت من هارون
فؤاد مستغرب : أه أبنتي طلقتو علاش
عبير : واش شفتي وراق طلاق بعينيك
فؤاد : لا المحامي للي تكلف وقدامي هارون سينة
عبير بدموع : لا أعمي هارون ضحك علينا كاملين ماطلقنيش خلاني هاد شهور كاملة وأنا عند بالي مطلقة ضحك علينا كيف بغا أعمي هئ هئ مابغيتش نبقا معاه مانكرش أنني باقا كانبغيه كيف الأول وأكثر ولكن مستحيل نسمح لكرامتي تهان مرة ثانية مستحيل نسا أي إهانة دوزها عليا أعمي
فؤاد قرب من عبير عنقها جنب وتم خارج معصب من البيرو وهبط مع درج وعبير وراه حتى وصل لصالون وعيونو في هاورن حمرين بقوة مامعصب أما هارون بارك مبرد وهاز عيونو في الأب ديالو ببرود عارف عبير عاودات ليه كلشي ....
أنت تقرأ
💫 لعنة عاشق💫 بالدارجة المغربية
Chick-Litبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
