عنوان: لعنة عاشق:
🔥loveer's curse🔥
بقلم: jihane/رقية عبير / يسرى ال
بارت:274
خديجة هزات في عينها فاين غادي نمشيو ألؤي
لؤي : ياك عارض عليك للعشاء أسينيورة ولا نسيتي...
خديجة: لا مانسيتش ولكن قلت مع رأسي غادي نمشيو غير لجنب لبحر...
لؤي : مرة أخرى ماتخليش رأسك يقول ليك...
خديجة هزات رأسها : كيفاش
لؤي : غير ضاحك معاك الزين
خديجة ولات حمراء بديك الكلمة للي نطق بيها ورجعات وجها جيهت نافدة كاتما إبتسامتها .....
أما لؤي للي عين في طريق وعين عليها كايشوف فيها بطريقة مختالفة تقريبا أول مرة كايلاحض جمالها وللي غالب ليه كمية البرائة للي نابعة منو طول طريق وهو حاضيها من المرآة للي كاتواجد في الوسط في سيارة حتى لقا رأسو قدام ريسطو خرج من سيارة وتاجه جيهتها فتح باب سيارة ليها دارت ليه إبتسامة وسد الباب وراه ولاح كونطاكت سيارة لموظفين ديال ريسطو حيدو سيارة وتمو داخلين بجوج بيهم تلقا ليهم سيرفور عارف لؤي العلوي وحاجز عندهم وراه طابلة الخاصة بيه وتاجهو لمكانهم عطاهم الموني وحدر رأسو وغادر أما خديجة للي عيونها على ريسطو للي كايحمق وكلاص وكاتشوف في ثيابها للي ماملائمينش هاد المكان وخصوصا بارك جنبها أوسم راجل عرفاتو في حياتها هبطات عيونها على الموني وحطات إيديها على عنقها ندمات علاش جات هكدا خصوصا فاش هزات عيونها وبانو ليها جميع أعين البنات على لؤي فاش يهز عينو ويشوف فيهم غادي يبان الفرق جاء عندهم نفس سيرفور وطلب لؤي أشنو بغا أما خديجة كانت ماختارتش ففضلات تاخد من نفس طلبية للي خاد منها لؤي جابو ليهم العشاء وباشرو في الأكل وخديجة غير كاتنقب
في نفس ريسطو داخل واحد شاب ومعاه جوج بنات بركو في طاولة جنب لؤي وخديجة.....
الشاب : مطعم زوين هدا
البنت 1 : إيه صارحة كلاص (ضورات عينها على المكان حتى كايبان ليها لؤي (وكملات كلامها ) واااااو شحال كايحمق عجبني حبيتو
شاب : واش إنتي حماقيتي درتي عينيك على سيد راه باينا البنت للي معاه لاماشفتيهاش نوريها ليك لاكنتي عمياء مانعرف .....
البنت 1 : شفتها شفتها مي باينة غير أختو باقا صغيرة وحتى لاماكانتش أختو أنا كانعرف هاد نوع مستحيل تعجبو ومن ستيل ديالها باينا من طبقة الفقيرة وماعندها ماتلبس هاد نوع خاصني أنا ( وغمزات شاب )....
الشاب: من نيتك شوفي البنت كيف البلارة كاتحمق إنتي راك غير داوية
البنت ثانية هزات عيونها كاتشوف علامن داوين هادو حتى كاتصدم بشخص للي مقابل معاها
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
