💫 لعنة عاشق💫 بالدارجة المغربية

🎶 الفصل 101💕

عنوان: لعنة العاشق:

🔥lovev's cure🔥

بقلم: jihane/رقية عبير / يسرى ال

بارت:308

فكوزينة كالسين لبنات بثلاتة كل وحدة اش كدير فاتن كدير دجاج لي شرملات فكوكوت عبير كتقطع شلاضة نسرين مكلفنها تقطع فريت لي كتعرف كيهضرو

نسرين: عواض منخرجو لشي صالون كنقادو لغدا اف...

فاتن: ومالك كتأفأفي مالنا على صالون راه حفلة عادية مشي العرس ولا خطبة غنقدو دكشي خفيف كلاص...

عبير: ضروري انا غلبس واحد لبسة كنت شريتها شحال هدا مي مكتابش وهيا لي تليق..

فاتن: انا راكوم عارفين بلا منهضر توفيق يشوف شي حاجة معرية اتيري فيا زائد ميكاب غنديرو خفيف فقط وشي كسيوة طويلة ولا شي سروال كلاص وشوميز..

نسرين: كملتها انا نوض نشوف اش غلبس محد يازيد كاين فلغرفة يعاوني نختار

فاتن: وعصير شكون غيصوبو انا مثلاا

عبير ضحكات: سيري سيري انا نديرو فاش نسالي...

ناضت نسرين غسلات يديها نيشان بيت لقات يازيد ناعس نيت كتفرج فتيلي

نسرين : حبيبي( قربات جرها طايحة عليه)..

يازيد: غزالة ديالي ساليتو الغدا

نسرين: امم تقريبااا بغيتك تعاوني نختار اش لبس..

يازيد: واخا انا نعاون قطيطة ديالي اري نشوف هاد لبس..

ضحكات وقفات بحماس كتحري باليزتها بدات كتجبد وتفشش عليه وتوريه وهوا تحاجة معجباتو مبغاش تلبس دكشي معري معيق بزاف تأفافت بعصبية مقلقة..

نسرين جاوها دموع: اش غلبس اناا اش تحاجة معجباتك...

يازيد: ونسرين وراه معيقين كولشي معري تفقنا دكشي لا لاش جيباه..

نسرين: وحيث هدشي لي عندي هدشي لي عطا الله اش ندير...

يازيد: جري ديك لاباليز لهنا ضروري ميكون شي غوب مستورة..

جرتها كتنتر لعندو خواها كيقلب حتا لقا وحدة فلبيج سانبل مستورة بعدا..

يازيد: هاهية زوينة كلاص لونها غزال واهم مستور..

شافت فيه هزاتها كتقيس جات معاها وخا طويلة فايتة ركبة...

نسرين: مهم نقضي بيها واخا طويلة ياك

يازيد: اشمن طويلة لله يهديك احبيبة فستان زوين بزاف...

حركات راسها كتشوف فداك كسوة قدام مرآة

عند سعاد وفدوى وفؤاد كالسين بوحدهوم كيهضرو...

سعاد: ايوا لالة فدوى هدشي لي كاين الى قبلتو علينا..