عنوان: لعنة عاشق:
🔥lover's curse🔥
بقلم: jihane/رقية عبير / يسرى ال
بارت:197
يازيد: نسرين قلتي ليا قبيلة أنك كاتموتي فيا كيفاش مافهمتش واش ممكن تشرحي ليا
نسرين خرجات عينها ووجها ولا أحمر وعضات على شفايفها وهبطات عيونها للأرض وبدأت كاتفرك في إيديها لي بين إيديه..
يازيد عينو كايضورو على كامل وجها ومحافظ على داك البرود ديالو ...
يازيد : نسرين هضري ماتبقايش حشمانة أشنو أنا بالنسبة ليك...
نسرين سرطات ريقها وغير كاتضور في عينها ماكرهاتش تقول ليه أنها كاتبغيه وتهني رأسها بلا ماتبقى في هاد العداب ولكن ماقدراتش نهائيا حسات بفمها ثقيل عليها والحشمة ركبتها من صبعها صغير حتى لأخر زغبة في رأسها ماقدراتش حتى تهز عينها فيه
يازيد خاف من ردة فعلها وخافها لاتكون ماكاتكنش ليه نفس المشاعر ولكن خاص يتأكد مع العلم أنه متأكد أنها كاتبغيه غير من تصرفاتها الصيبانية تنهد وهز ليها رأسها بين إيديه حتى تقابلو عيونهم ونطق بصوت خافت .....
يازيد: نسولك وجاوبني واخة
نسرين هزات ليه رأسها وهبطاتو بدون ماتكلم
يازيد دار إبتسامة وعض على شفايفو باغي يمشي معاها دقة دقة ...
يازيد: أوكي دابا قول ليا أنا أشنو بالنسبة ليك واش خوك( وهز فيها حاجبو )
نسرين هزات رأسها بلا بزربة
يازيد دار إبتسامة دوباتها وكمل كلامو : أممم يعني أشنو أنا صديق
نسرين هزات فيه عيونها وهيا باغا طرطق بالحمورية وهزات ليه ثاني رأسها بلا
يازيد طول فيها شوفة وحط صبعو على شفايفها ركز نظراتو على شفايفها عاد هزهم في عيونها ونطق ثاني هاد المرة بصوت فيها بزاااف ديال المعاني صوت مغير ومعسل في نفس الوقت...
يازيد: إيدا إلا كنت ماشي خوك وماشي صديق بالنسبة ليك يعني كاتعتابريني شيئ مميز في حياتك
هبط عيونو لشفايفها للي كايكرز عليهم بصبعو حتى كايتفرقو على بعضياتهم بطريقة مثيرة تنهد وكمل كلامو ورجع عيونو ثاني لعيونها وركز فيهم شوفة ....
يازيد : إيدا كاتعتابريني حبيبك
نسرين خرجات عيونها ودغيا هزات رأسها بزربة ونطقات بلا وعي ....
نسرين : آه
يازيد ضحك ضحكة رجولية وأخيرا وصل لداكشي للي بغا حس بإحساس مختالف كأنه في هاد اللحظة ملك دنيا ومافيها وطلق ليها إيديها وخشاها فيه بقوة بقا معنقها ثواني وهيا كاترجف بين إيديه تخلطات عليها الفرحة وااحشمة والبكية ولات غير مخرجة عيونها ماعرفات تبكي ولا تفرح وزاد صدمها فاش سمعات ديك الكلمة للي خلات كيانها يتهز ويتحط
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
