لعنة عاشق
🔥lover's curse🔥
بقلم: jihane/رقية عبير / يسرى ال
بارت:39
خرجات عبير وتوفيق وبقاو كايتمشاو في داك درب بحكم أنه خلا سكوتر ديالو في البار وكلشي كايلقي تحية على توفيق أما هو عاقد غوابشو مازال ماكامي خاصو غير معامن حتى وصلو لشارع لكبير شد طاكسي ركب لقدام وعبير لور حتى وصلو لوسط المدينة نزلو قدام مدرسة تصاميم وشاف في عبير ...
توفيق : هاهيا المدرسة دخلي شوفي أشنو غادي يطلبو ليك أنا كانتساينك هنا
عبير : لا بلامنعدبك أخويا غير سير أنا نكمل ونمشي لدار
توفيق : علااااش نتوما نسااااء عقلكم قد دفر صغير قلت دخلي شوفي اشنو خاصك وخرجي بلا ماتبقاي تفرعي ليا كر (وحبس جملتو في أخر ثانية عبير خرجات فيه عينها وبلا ماتنطق بحتى شي كلمة تمات ماشية كاتجري دخلات ليكول ديال تصاميم)
نمشيو عند هارون للي وصل لشركة عندو أكبر صفقة ليوم وخاصو يربحها دخل لمكتب ديالو خاد شي ملفات وتم خارج رجع لسيارتو وكيف العادة تفكيرو ماشي بعيد بعد ساعة ونصف وصل قدام شركة البورصة نزل بكل هيبة ونظراتو بحال شي صقر لقا أهم رجال الأعمال وكل كايحاول يربح هاد صفقة للي تقدر طلعهم دقة وحدة ويوليو من أشهر وأكبر شركة عالميا ويتضرب ليهم ألف حساب حيت ديك ساعات غادي يوليو الشركات الأوروبية هما يبغيو يديرو معاهم صفقات دازت ساعة وهما غير في البريستيج ديالهم واحد كايسلم على لاخر وهما في قلبهم غير شر وحتى واحد ماكايتمنى لخير لاخر غير دايرين إبتسامات خبيتة وراها بزااف ديال الحقد على الطرف ثاني .....
أما هارون للي بارك فوق كرسي وداير رجل على رجل وكايشوف فيهم شحال منافقين غير المنافق على لاخر دار إبتسامة إستهزاء حتى كايبان ليه نزار القطري داخل لابس كوستيم في الأسود مع قاميحة بيضاء وداير إبتسامة على وجهو سلم على رجال الأعمال وشاف في هارون للي مبعد داير رجل على رجل دار إبتسامة خبيتة وقرب من هارون
نزار : سي هارون العلوي
هارون كايطلعو ويهبطو بإستفزاز وعارف اشنو تحت رأسو
هارون : فوالا سيك هارون ( وغمزو )
نزار ضحك رغم الغدايد للي شادينو : هههههه أه أبا هارون ثقة في نفس عندك مازال زايدة تواضع معانا أعشيري حيت هنا غادي يكون عهدك سالة
هارون شاف في المستثمرين الأجانب جاو وكل وحد خاد مكانو كايعلنو على أن الإجتماع ديال الصفقات غادي يبدا....هارون شاف في نزار بكل ثقة
هارون: تفرج أعشيري نوريك اللعب على أصولو ( طلعو وهبطو بإحتقار وكمل كلامو ) تعلم شوية الرجلة للي بعيدة عليك بزاااف
لعنة عاشق
🔥lover's curse🔥
بقلم: jihane/رقية عبير / يسرى ال
أنت تقرأ
💫 لعنة عاشق💫 بالدارجة المغربية
ChickLitبقلم : جيهان & رقية عبير & يسرى ال 💫 rokaya abir & jihan& youssra el بلهيب انثى. تكلمت فنطقت بأحرف مثل جمر هيا. تقول. : خَلِّ المَلامَ فلَيسَ يَثْنِيها، حُبُّ طبيعةٌ فيها هو سِترُها، وطِلاءُ زينتِها ورياضةٌ للنَّفسِ تُحْييها وسِلاحُها فيما تَك...
