كعدت ثاني يوم من الصبح حتى اشوفه بلكت مجاوب بس هم ماكو ل 11 يلا جاوب عاد كبل اتصلت
بنين: وينك مختفي
عبدالله : نعسان فنمت من وقت
بنين: مو من عوايدك
عبدالله: تعبان من الشغل
بنين: شنو شغلك
عبدالله: عماله
بنين: الله يعينك
واستمر الحجي بينا يسئلني عن نفسي واسئله عنه مره اجه حاجاني كال تعرفين زينب كوتله يا زينب انطاني اسم حسابها طلعت جيرانه وصديقه ساره سوينا مجموعه سوا وصرنا دوم نحجي سوا جنت احس زينب تحاول تتقرب لعبدالله بس اكول لا البنيه متزوجه مو يم هلسوالف فمن تحسين احد يتقرب لشخص تحبي الغيره تشتغل
عاد بيوم خابرته بليل
بنين: عبدالله
عبدالله؛ ها بنيني
بنين: عبدالله
عبدالله: ها
بنين:عبدالله اح
عبدالله؛ كملي
بنين: اح
عبدالله: كمليها
بنين: عبدالله تعرف
عبدالله: اعرف بس احجيها
بنين: عبدالله احمر
عبدالله: لا احجيها
بنين: عبدالله احبك
عبدالله: واني اموت عليج
بدت علاقتنه الي جانت بدايتها كولش حلوه عبدالله جان يحبني هواي وهواي يهتم بيه ايات صارت صديقته المقربه ساره مقتنعه بيه بس ايه لا جانت دوم تحذرني منه
وجانت زينب تحاول بكل الطرق تخرب بينا وراحت حجتله عن كولشي يخصني ما خلت شي ما حجته وضافت حجي منها هواي عني حتى بشرفي طعنت هو اجه كالي واجهني بس مكال منو الكال واني الثوله قويت علاقتي بزينب وصرت احجيلها كولشي عن علاقتنه صرنا يوم يمي ويوم يم زينب لو اروحلها او تجيني العلاقه صارت قويه كولش
وعلاقتي بعبدالله هم حلوه واستمرت طبيعي بيوم قررنا نروح لبغداد لاهل امي بعد ما كملن البنات امتحانات وجنه متفقين نلتفي اني وعبدالله ويانه ايات رحنا لبغداد واني وياه ع تواصل بشكل دائم كل وقتي جان اله وقررنا بعد يومين نتشاوف ومتحضرات اني وايات هو كايل لزينب ح نتشاوف
عاد اتصلت زينب بيه
زينب: بنين لتطلعين ويه عبدالله
بنين: ليش اكو شي
زينب: عبدالله متفق ويه جماعه عليج
بنين: منو كالج
زينب: اني حذرتج وبكيفج
الصراحه خفت وقررت ما اشوفه وابتعد عنه مجنت اعرف ان غايتها تخريب لا اكثر
ابتعدت يومين بعدين مكدرت رجعت حاجيته ولكيته حارك الماسنجر
عبدالله: بنين وينج
بنين: جان عندي ضرف
ومحكدر اشوفك
عبدالله: عادي خيرها بغيرها
ورجع تواصلنا مثل قبل واكثر
بيوم اجتنا ايه لبيت جدو وكالت ان حماها رايدني اسمه ليث طبيب اسنان ايه بقت تلح عليه ع الموضوع بس جنت رافضته طبعا ليث عايش بالسليمانيه
فقررنا نروح للسليمانيه بيت جدو ووياهم اني بس وايه وزوجها فاني حذفت الفيس والماسنجر وانقطع تواصلي بعبدالله جانت ايام حلوه بس جنت افتقد عبدالله هواي واشتاقله بس ابد ما فكرت احاجيه معرف شنو الجان يمنعني بقيت هناك شهرين صارت صداقه بيني وبين ليث نطلع سوا مرات حتى وحدنا نطلع علمود يونسني ايه جانت رايدتنا نصير وجانت تسوي كولشي حتى تقربنا وجان ليث الصديق الصدوق اخر يوم النا بسليمانيه طلعنا اني وليث وحاجاني
ليث: بنين اذا اخطبج توافقين
بنين: لا
ليث: ليش
بنين: عندي دراسه
ليث: تكملين يمي
بنين: ما ادري
ليث: شتردين يصير بس وافقي
بنين: ماشي
معرف ليش وافقت بوقتها رغم هلشي غلط واني كولش متعلقه بعبدالله ورايدته بس الضغط من ايه ومن بيت جدو ومنه هو خلاني اوافق ورغم جنت احب عبدالله بس مجانت عندي ثقه بيه
رجعت لبيتنا واجو اهل ليث حتى يخطبوني واني موافقه واتفقنا ع العقد وهالامور وقرينا الفاتحه بيوم كاعده ع الفون راسلني رقم غريب ع الواتس اني رقمي ممنطيته بس لاهلي ولصديقاتي حتى ليث معنده رقمي
مجهول: لو عندج شويه كرامه جان ما قبلتي بليث علاقه سنوات اجيتي خربتيها لازكه للرجال وين ميروح وراه صايره مثل خياله هنه ذني الرخيصات يذبن نفسهن عالرجال كوه عساج لا تهنيتي بيه وبعد انواع الفشار والغلط
اني انصدمت الصراحه بس محجيت رحت حاجيت ماما كوتلها ترا اني مجبوره بليث من وره ضغط اهلج وايه ماما من سمعت هالكلام كالت ماكو زواج ما اجبر بنيه هو شعدي قابل ذابتجن وبعدج صغيره
ثاني يوم حاجو اهل ليث وانسد الموضوع والحلو ان اهله مثقفين وكالو عادي هيه قسمة وحتى مصارت اي مشاكل لايه
بنفس اليوم حاجاني الرقم
مجهول: اسفه ع كلامي جنت فاهمتج غلط ما توقعت هيج تنسحبين بسهوله وحتى ما كولتي الاسباب
مجاوبت قررت افتح حسابي واحاجي عبدالله جنت محتاجه احاجي بس بسبب الوضع بالعراق العظيم والمظاهرات جان ماكو نت ويجي شويه عاد بوقت جنت فاتحه الفون واجاني نت كبل فتحت حسابي وحاجيت عبدالله واخذت رقمه مال الواتس علمود احاجي
بس جان الحجي قليل بسبب النت المفصول ع كد شونك وشونج وزين وزينه
نزلن بوقتها برامج vpn ورجع تواصلي بيه وشرحتله اسباب اختفائي ب ال 3 اشهر بس الي جنت مستغربته عبدالله هو هو ما تغير ولا دخل بعلاقه ثانيه وع نفس حبه الي خلاني احس هلشخص مشتريني من صدوك لو شخص غيره اختفي اسبوع بعد ميباوع بوجهي
زينب رجعت نفس علاقتنا هم كول يوم يم وحده وتواصلنه بشكل دائم بس عبدالله جان دوم يحذرني منها
للعلم عبدالله مشايفني ابد مدازتله اي صوره الي
.............................................................
