اجه اليوم الثاني كعدنا اني وايات من الصبح حسين وبتها بقو ناييمين نظفنا البيت وبدينا نجهز الاكل خطيه ايات ما بقت شي ما سوته من سمك ودجاج و٣ انواع تمن وتشريب لحم ومركه باميه كولشي وسوينا مقبلات وكذا جهز كولشي كعد حسين سوينا الريوك وتريكنا هو اخذ بت ايات وراحو يجيبون خبز ولبن وعصاير وباقي النواقص
قبل ليجي حسين اجو اهله فتحنا الباب اني وايات هلحجي الساعه ١١ ونص
سلمنا عليهم حسين هم اجه لشوي اذن كاموً يصلون واني وايات ومرت مرتضى كمنا نصب الاكل
مرت مرتضى: شنو خطتج
بنين: هسه تشوفين
حسين اخذ السفره فرشها وهو واخوانه نقلو الاكل كمل كولشي وكعدنا
ام حسين: هاي جنتي هيج طبخها
حسين: لا يمه لو ما ام شموسه جان ما دبرتها
بنين: ها حسين تقلد ع طبخي مو كول يوم اسوي شي جديد بعدين انتي متحجين مو اني ساعدتج
ايات: لا خطيه كوله عليها اني نمايم
حسين: لو ما مخلصها ع المحروك يوم بتيته محروكه يوم مركه ما مستويه يوم تمن شايط
بنين: عزا هاي شوكت
هاجر: عادي الصراحة حلوه كولي ما اعرف اطبخ ما بيها شي
ام حسين: ولكم شبيكم استلمتوها معليج بيهم بتي اني مقتنعة بطبخج
بنين: فدوه اروح
حسين اني رايحه ويه خاله وشوفلك وحده تطبخلك
حسين: عمي اشاقه نبطل منشاقه
بقينه نضحك شوي كملنا الاكل شلناه اني ومرت مرتضى غسلنا المواعين وايات سوت الجاي بتها مأمنين عليها يم حسين
ع ما كملنا بسرعه لان اغلبهن سفري 😂😂 حبيبي ميريدني اتعب
خلينا المعجنات المسويهن وكعدنا حجت مرت عمه البومة
مرت عمه: شنو ما صار عدكم شي
حسين:شسالفه عمه بعدنه ما كايلين يا الله بعدين مرتي طالبة وما اريد تخسر دراستها علمود الطفل لاحكينً عليه
عضيتلهً شفتي ودزيتله بوسه بدون محد ينتبه بس هاجرً ومرت مرتضى وايات شافو
ذني يضحكن وهاي شايطه
شويه والولد والكبار راحو يرتاحون بقينه بس احنه البنات
اخت هاجر: اي بنين شلونج حسين شلونه وياج خو ما يضربج
بنين: يمه ليش يضربني حسين زي العسل
هاجر: مو حسين من يصير عصبي ميشوف احد كدامه
بنين: وليش حتى يصير عصبي الحمد لله من تزوجنا لهسه بس يضحك
هاجر: ما معقوله ما متعاركين ولا مره
بنين: ابدا ولا صاير نقاش بسيط اصلا
هاجر: اي ٌالله يسعدكم
مرت مرتضى: ويبعد عين كل حاقد وحاسد عنكم
اخت هاجر: شنو قصدج
مرت مرتضى: غير احبهم وادعيلهم وانتي منو يمج اصلا
ايات ميته ضحك
هاجر: صدك ايات شعدج هنا
بنين: ولله ابو خطيه علمودي اجت انكسر ظهرها وياي من البارحه لليوم
ايات: انجبي لج غير اختي
بنين: خاب ٌاحبك يحلو
بقيت كلساع منرفزتهن بكلمه شويه واجه حسينً واخوانه يمنه
هاجر: تعال يمي حسين
حسين: تردين مرتي تطردني
اجه كعد يمي وخله ايده ع كتفي شموسه من شافتنه اجتي كعدت يمنه
حسين: ها كيكه
وبقه يضحك بيها وهيه مسنكره من الضحك وساعه تشاورني لو تشاوره
مرت مرتضى: يلوكلكم الطفل ان شاء الله يرزقكم بواحد يملي حياتكم
حسين: ان شاء الله
اني طول كعدتنه اسوي نفسي العب بشموسه واسويلي حركه لحسين وهاي الحقيره تباوع
حسين: ها بابا شبيج تتحارشين
بنين: زوجي وبكيفي
حسين: وراج شي
بنين: مكروده يا اني
حسين: مكروده صافينار
بنين: ما
كمنا نحضر العشه جنه محضرين اني وايات وكميات جبيره وحسين هم دز وياه كال كولشي يصير خاف ميكفي
حضرنا كولشي وكملنا تعشينا بيت عمه راحو لكرايبهم يسلمون عليهم بقينا اني وحسين وايات وبتها وخالتي ومحمد
ام حسين: ايات خاله شصار عليج
ايات: ماكو خاله لا اجو ولا خابرو اني هم مرتاحه هيج
ام حسين: ما سئل على بته
ايات: هو هناك ميدري بيها مو الا هنا
ام حسين: زين ناويه تطلكين
ايات: اني ما فكره بحل هالفتره اريد بس ارتاح
ام حسين: الله يبرد كلبج ويجبر خاطرج وخاطر هالبنيه
حسين: يمه انتي بس شوفيها
صاحلها حسين جانت كاعده تلعب بالايباد
تعاي كيكه
هيه كبل عرفت نفسها ضحكت واجته
حسين: انتي شسمج
شموسه: تيته
حسين: خلي اكل شويه منج
وعضها من خدها وهيه تضحك
تاخرو همه وخالتي نعست راحت نامت
حسين هم راح يرتاح
محمد كال يريد يطلع
بنين: حماده اعترف وين رايح بهاي الكشخه
محمد: لاصدقائي
بنين: علينا استاذ محمد اعترف
محمد: صايره نسخه من رجلج شنو عداج
طالع ويه صديقه منا ارتاحيتي هسه
بنين: ي هيج من البدايه واعترف
محمد: حسين الثاني
بنين: شهاده اعتز بها
ضحك وطلع
فرشتلهم حتى من يجون كبل للنوم ورحت لغرفتي هم بدلت ورتبت نفسي ورحت تمددت يم حسين لما غفيت
كعدت الصبح حسين مموجود بدلت وطلعت اشوفه ماكو وكولها نايمة
لكيت ايات بالمطبخ ومخليه الجاي ع النار وخالتي كاعده يمها
بنين: صباح الخير
خالتي وايات: صباح النور
بنين: هم شفتو حسين شو كعدت ملكيته
ايات: يي كال راح يجيب ريوك
بدو يكعدون كمت سويت البيض انواع حسين اجه جايب كاهي وكيمر وصمون حار
فرشنا السفره وكعدنا نتريك كملنا غسلنا المواعين همه كالو يردون يرحون حاولنا نعطلهم ما قبلو ب 11 طلعو
البيت مرتب ما بي شي
حسين: حضرن نفسجن بالليل نطلع
بنين: وين نروح
حسين: بكيف الكيكه
ايات: لا خويه اطلعو وحدكم تونسو اخذو راحتكم
حسين: انتي على ساعه اكوم اخنكج واموتج ولج كافي تعودي وعوفي الرسميات كتلج اني اخوج واليوم اريد اطلع مرتي واختي بيها شي بنين
بنين: لا مبيها ابد
حسين: وانتي كيكتنه وين تردين نروح
شموسه: العاب
حسين: هاي هيه اليوم نروح لمدينه الالعاب
.............................................................................
