اجه يوم الجمعة وصار يوم خطوبه روان جنت لابسه بدلة ماروني قصيرة اجو بيت خالتي ام حسين طبعا خلصت الحفله ركص مكعدت ابدا
واني داركص اجتني مرت مرتضى كالت حسين واكف برا طلعي شوفي اذا تردين
اني كيفت رحت عدلت حمرتي ولا لبست شي ولا ابد ع نفس لبسي البعض حيكول حرام ومدري شنو بس بوقتها ما فكرت ابدا
طلعت وياريت مطلعت لكيته واكف يدخن لمحني وصاح بيه
حسين: شعدج طالعه هيج طبي جوه لا اكسر رجلج
بنين: اوي وذا وطلعت اشوف الولد اجه لو لا
حسين: طبي اكلج يلا
دخلت جوا بس شنو ضايجه منه هواي رحت كبل راسلته
بنين: بطلت بعد ما اريدك ولا اريد اتزوجك
حسين: ليش يابه
بنين: تصيح عليه هاي بعدنا بالبدايه وهيج
حسين؛ بنين سوالف المزعطه بطليهن طالعه بلبس استغفر الله شترديني اكول طالعه تخبلين تعالي اوكفي بالشارع احسن
بنين: معليك بيه
حسين: بنين وتالي وياج
وبقه يراسل وما جاوبته ابد
بليل راحو الناس وكعدنا احنه والاهل وبيت جدو وبيت خالتي ام حسين وولدها والبنات
عاد فتحو الموضوع واهلي هم قبلو اما اني لا
بنين : اني ما قابله
حسين: اي مو هو لعب جهال
ام حسين : تعالي اريد احجي وياج
اخذتها لغرفتنه
ام حسين: ليش ما قابله
بنين: خاله تقبليها بعد مصاير اي شي رسمي بينه وطلعت برا وصاح بيه
ام حسين : ليش طلعتي برا
بنين: ها اكولج وبس مو غير شي هيه مرت مرتضى كالتلي حسين برا
ام حسين: وانتي تحبي
بنين : ما ادري
ام حسين : يعني موافقه
بنين؛ ما ادري
ام حسين : ماكو ما ادري نكول مبروك وهاي هيه
عاد هيه حضنتني
وطلعنا انطينا الموافقه
بليل هو نايم بالاستقبال راسلني واتصل شكد ما جاوبت ابدا
وعبدالله هم راسلني بس مجاوبته
وبدينا نجهز للخطوبه
رحنا دنختار الذهب والبدلات
اني ردت طقم نازك وهو راد طقم ثكيل فجابهن اثنينهن وجابلي سوارت 6 واني اختاريت اسوار و3 محابس وحجل والحلقات اختاريناهن يتشابهن واتفق وياه يكتب اسمي ع حلقته واسمه ع حلقتي
كملنا ورحنا للبدلات اشتريت قفطان للعقد ابيض واجرت بدله بيجي لامعه
واختارينا الكوشه ويه مدنطلع اني دخت لان جنت مماكله اول ما كعدت بدلت وطلعنا عاد اخذنا تعشينا لان كل وقتنا خلص بالسوك من ال 3 ل 7 ونص بالمطعم اني كاعده يمه وخالتي وماما كبالنه
رجعنا للبيت وكل هذا واني لا نزلت ع خطوبتي ولا شي جنت ناويه اصدم عبدالله مثل مصدمني معرف ليش جنت حابه اردها اله وحتى لابن خاله مكولت رغم صار صديق مقرب مني
مرت الايام واجه يوم الخطوبه جانت من صدوك مو بس حجي حلوه الترتيب التفاصيل كولشي جان حلو
بدت الحفله بعدين كالو حيدخل الولد نعقد لبست شال العقد الي خليت بنيه تطبعه اسمي واسمه واتفقت ويه مصوره تصور صور وفيديوهات لكول التفاصيل من دخلو اني مدنكه راسي وخايفه جنت كولش
بده الشيخ يحجي واني فاصله عنهم مسمعت الا من كرصني هو عاد جاوبت
نعم وانت وكيلي بس شنو ارجف والله هو من عقدلنا الشيخ كام باس راسي وايدي 🥺
طلع واني اخذني البنات يلبسني البدله بعدين رجع اجه حتى يلبسني الذهب
لبسني الحلقه بكل هدوء وثقه عكسي الجنت ملازمة نفسي ع كد مخجلانه
ولبسته حلقته يمه ومن لبسني الكلادات انفاسه صارت بركبتي بحيث جلدي قشعر وباثناء مديلبسني التراجي شاورني وكال كافي اهدي مماكلج
اني بقيت ساكته بس هزيت راسي كملنا الذهب وهاي السوالف مال الكيك والعصير
كومونا نركص اني هو يمشيني ويحركني ومنا البدله جانت ثكيله واني سبق وكولت ضعفت هواي
وحده من البنات كالت بخطوبه روان ذبيتي لحم هسه شجاج
هو ضحك
شويه وكالت المصوره تريد تسويلنا جلسه حسب الاتفاق وياها اخذتنا اني وياه بالغرفه الثانيه حتى تصورنا طبعا جنت متفقه وياه ناخذ صور بلبسه العسكري
وصدوك سوتهن مثل منريد واغلب اللقطات جانت من اختياره يا يبوسني من خدي يا يحضني يا يخلي راسه بركبتي
خلصنا كولشي وراح هو بقينا احنه البنات اني من راح اجاني الحيل كمت ويه البنات اركص
لليل نزلت الستوريات الي اخذنهن البنات الي واتصل هو بقيت احجي وياه وما فتحت الفون جنت تعبانه كولش
حسين: طالعه حلوه اليوم هنيالي بيج
بنين: ها
حسين : بنين
بنين: ها
حسين: بنين تحبيني
بنين: حسين حاليا انت زوجي وما اريد اجذب عليك بس مال حب اني ما احس نفسي احبك بس بنفس الوقت ما اكرهك يعني اعزك هواي
حسين: ليش قبلتي اذا متحبيني
بنين: ما ادري
حسين: احد جبرج
بنين: لا هلشي جان من اختياري وكولي قناعه بهلشي
حسين: متناقضه بنين هواي متناقضه
بنين: تحب اجي اكولك احبك واموت بيك ومن هلمجاملات وهيه منابعه من داخلي
حسين : لا خليج صريحه
بنين اكو امور هواي ما حجينا بيهن خلينا نحجي بيهن هسه
بنين: مثل شنو
حسين: مثل اول شي الاسبوع الجاي نعقد محكمه حتى نخلص من هلسالفه من وقت
بنين: تمام وبعد
حسين: بنين احنه تعرفين حنسكن هنا بوحدنا ودوامي 10 ايام بلبيت و10 ايام انتي بكيفج تبقين يم اهلي لو يم اهلج لو تجيبين احد من اهلج يمج
بنين: حسين انت تدري بدوامي فبلدوام ابقه يم اهلي وبالعطله عادي اروح يم اهلك
حسين: هيج متفقين
بنين امي اريد تقللين احترامها ومشاكل العمه والجنه
بنين: حسين مثل ما هيه امك هيه خالتي ومثل ما هيه تحبني اني احبها فلتصدك بيوم اخلي احد يكول مرت حسين سوت مشكله ويه احد لو ضوجت احد حتلو جان طفل
حسين: الله يحبني وجعلج نصيبي بنين احبج
بنين : ها
حسين: ابقي ها وها
اني ضحكت عاد لشوي وغفيت كعدت ب 4الفجر لكيت الاتصال بعده مفتوح والاخ نايم سديته ورجعت نمت الصبح كعدت فتحت الفون لكيته محترك عليه
حسين دازلي رساله شعر
الله يا باب المدرسه شكد حلوه من جنت انتضر
حبيتك وما جنت اعرف اسمك شنو
كل الاعرفه عليك ابو عيون الخضر
جاوبته ترا فدوا
وهم لكيت عبدالله وابن خاله مراسليني والصدمني كلام عبدالله
..............................................................
