كمت لميت الهوسه وحضرت الجنط وكولشي شويه وباوعت صار الليل سويت العشه وكملنا غسلت المواعين ورتبت البيت ورحت سبحت ورتبت نفسي هالحجي هو كاعد ع التلفزيون رحت كعدت يمه
بنين: ترا مليت
حسين: ليش بنيتي
بنين: انت ملتهي بالتلفزيون واني معندي شي اسوي
حسين: كومي اركصي
بنين: لا ما بيه حيل
حسين: تردين نطلع
بنين: يييييييي
حسين: نسوان تموتن ع الطلعه كومي بدلي وحضريلي ملابس
وك
كمت بدلت وحضرتله ملابس بلون ملابسي اجه هم بدل وطلعنا
حسين: عشه تعشينا فخلي نروح ناكل حلويات
بنين: وك
رحنا لمطعم نزلنا حلويات اكلنا وطلعنا بقينا نفتر شويه ورجعنا
ع ما رحت بدلت بالحمام طلعت لكيت حسين نايم رحت نمت يمه وهم بسرعه غفيت كعدني ب ٣ كال خلنطلع هسه ع بروده الجو
صدوك كمنا بدلنا وطلعنا ورجعت كملت نومتي بالسياره بس كلساع اكعد شويه ب ٧ نزلنا تريكنا واخذنا حلويات ورجعنا كملنا الطريق بعد مكدرت انام فبقيت مشغله اغاني واصور
ب ١٠ نزل جابلنه لفات لان جعنا والطريق طويل وبعد عناء وصلنا واخيرا اني كبل طبيت سبحت وطلعت نمت وهو هم نام وجريناها لليل
من كعدنا بالليل طلعنا اكلنا بره وبقينا نفتر ب ١ يلا رجعنا
وخلصنا ال ٤ ايام ونسه بونسه بعدين رجعنا لبغداد جان الطريق اقصر شوي
وصلنا لبيت اهل حسين تلكتنا خاله حضنتني وبقت تبوس بيه ولكيناهم كولهم يمهم
خاله كالت لمرت مرتضى تاخذني ارتاح حتى نسوي الحفله
صدوك ارتاحيت شويه وكمت بدلت جانت خاله جايبتلي فستان ذهبي طويل بينصل ع الجسم جان من اهلي محد جاي بس ايه وجهالها وبيت جدو لان الدوام بلش
بلشت الحفله اني بس كاعده جنت تعبانه من الطريق لليل راحو اهلي بقينا احنه كاعدين والولد اجو يمنا طبعا اني بدلت ملابسي لفستان كلوش بنفسجي غامق شويه وحجت وحده من عماته
عمته: حتى تسوولكم طفل بعد حسين كبر
بنين: ان شاء الله بس حسين بعده صغير
حسين شاورني: هذاك اليوم ولد كالي شايب
اني كبل ضحكت بس بدون صوت
شاورته: ي شايب حبيبي هاي شكليات
حسين: اعلمج
صبو العشه وكعدنا ناكل وره الاكل اكيد الجاي
ام حسين: يمه متبقون باجر ما شفنا منكم شي
حسين: دوام يمه والله
لو الله يهديكم وتجون يمنه حتى مرتضى رايد بس لو انتي تقبلين
ام حسين: الله كريم شوفلي بيت يمكم والله يحلها
بنين: ليش خاله تشوفون بيت ترا بيتنا جبير كولش والغرف بيه كولهن فارغات فيكفينا
ام حسين: لا يمه تردون تاخذون راحتكم شلكم بالهوسه
بنين: خاله ترا اني اصلا ما متعوده ابقه وحدي فولله نرتاح كولنه سوا وهم حسين ١٠ ايام بالدوام ليش اروح لاهلي خو انتو يمي
ام حسين : الله كريم احنه هم سالفتنه مطوله لوره ما ينجح محمد من السادس يعني سنه يلا
بنين: ان شاء الله خاله
شويه وكمنا لغرفه حسين جانت صغيره وجربايه نفر ونص هو نزع ملابسه وتمدد اني غيرت ملابسي ورتبت نفسي وتعطرت وكبل لحضنه
حسين: نعسانه بنيتي
بنين: ي حبيبي
حسين: يلا نامي يروحي
بنين: خلي اطفي الاضويه واجي
كمت طفيتهن ورجعت تمددت بحضنه ونمت كعدت ع صوت الاذان كمت غسلت وتوضيت ورحت كعدته كام توضه اني صليت قبله لان وراي ترتيب لنفسي جان وجهي ٢٤ ساعه مكياج بس خفيف وعطور كلساع ما اريد يشوفني بشكل مو حلو جنت خايفه لا اخسره او انطي فرصه ان يخوني بحجه ان اني مهمله ومو نظيفه
كملت كولشي وتمددت ع الجربايه منتضرته يكمل شويه واجه نام يمي وحضني ورجعنا كملنا نومتنا كعدنا الصبح بس تريكنا ورجعنا لبيتنا وصلنا هو ذبني يم الباب وكال رايح يجيب غده اني كبل نظفت الغرفه مجان بيها شي بس مسحت الاخشاب والكاع وبخرتها وطلعت ع البيت هم نظفته ما اخذ مني هواي وقت
داغسل الطرمه وهو رجع
حسين: كومي حضري الاكل اني اكملها
سويت مثل مكال ماكو مجرد فتحت العلاكات خليتهن ع ميز الطعام وجبتلنا كلاصات رحت صحته غسل وسد المي واجه كعدنا ناكل
حسين: باجر تداومين بعد
بنين: اهوو
حسين: ووجعو انتي سادس لازم تشدين حيلج
بنين: ي خلي ارتاح بس باجر
حسين: ماكو تداومين واليوم نروح نشتري ملابس والنواعم
بنين: ترا ولله تعبانه
حسين: ي نامي هسه وارتاحي بالليل نروح
بنين: الله كريم
كملت كمت غسلت وخدرت جاي ادري بيه لازم كلساع جاي هو هم كام طلع يكمل الطرمة شلت هوسه الاكل ومسحت الميز كمل هو الطرمة واجه كعد بالصاله اني خاله دزت وياي كيك وكعك ومعجنات فطلعتهن خليت الي واله وصبيتلنا جاي ورحت خليتهن يمه وكعدت نباوع ع التلفزيون
شويه وكام هو ينام اني هم رتبت البيت وغسلت المواعين ورحت سبحت وبدلت ومكيجت وتعطرت ورحت يمه لكيته منطيني ظهره رحت لفت من جهته ونمت لل ٦ يلا كعدنا
حسين: هاي ليش نايمه منا وحاصره نفسج
بنين: انت جنت داير وجهك منا
حسين: جان كعدتيني
بنين: لا جنت تعبان
كمنا هو كال طالع لصديقه قريب هنا شويه ويجي واني كمت حضرت العشه لشويه وكملته وجهز عندي كولشي اتصلت بيه انطه رفض شويه واجه
حسين: ها بابا صاير شي
بنين: لا بس تعال تعشه
حسين: والله بالي صارلج شي
بنين: لتخاف حبيبي ميصيرلي
كعدنا اكلنا وكذا كملنه سويتله جاي وغسلت المواعين ورحت بدلت حتى نطلع نشتري ملابس هو هم بدل ملابسه
..........................................................................
