مشت حياتنا طبيعيه اني والبنات دوم نتواصل
فتره وحامي جان صعب كولش والمشكله توحمت ع شغله غريبه ع السحبه بس شنو جان عادي عندي لان حسين بالدوام وبالايام الموجود ادخن بدون ميدري
مره هو موجود بس الله كاتبلي انكشف
جان نايم هو اني كعدت من النوم السحبه ضامتها اخذتها دخنت وبقيت أسحب هو كعد
حسين: يي بعد كملي
بنين: ها
اخذها مني وشمرها
حسين: هلمره صارت مره ثانيه اكسرج متخافين على ابنج عوفي نفسج انتي اصلا هاملتها
بنين: هو ابني يريدها
حسين: بنين هالحجي ميصرف عندي تدخين ماكو
بنين: تمام بس لتعصب
حسين: مو بس حجي بنين
بنين: حسين ولله وحامي عليها
حسين: بنين شفتي نفسج شلون انهاريتي ع الطفل لمن حصلتي تردين تخسري تردين تبقين معلعله من طبيب لطبيب
بنين: لا ولله بعد ما ادخن كولشي ولا بتي
ما اعرف ليش جنت متأكده بيه بنيه
ختمنا الكلام ان بعد ما ادخن وصدوك ما دخنت بعد
بليل حاجتني سجى كالتلي اروح وياها للدوام حاجيت حسين قبل بس كال كعب ماكو اني اصلا بشهر الرابع والدكتوره منعتتي من الكعب لان نازل الطفل ثاني يوم يصادف التحاقه وسجى كالت اني اخذج وارجعج لاهلج مناك هو ما اعترض لان شافني رايده اروح
خليته يروح وحضرت نفسي ولبست كعب 😂 لان بس هو كاعد ويه لبسي
من وصلنه هاي فرتني الجامعه فر ومتخلينه نصعد بالمصعد لا الا عالدرج ع ابو تخاف ب 11 بعد ما كدرت كعدت
سجى: شبيج بنين
بنين: مكدر بعد إوجاع عندي
سجى: خابري حسين
بنين: يطلكني ولله نبهني من الكعب والفره
سجى: لعد شلون
بنين: امشي خلي نطلع ناكل بره وبلكت اصير احسن
طلعنا لمطعم قريب ع الجامعه وكعدنا اكلنا ل 2 اجانه الخط مالتها رجعنا للبيت بيتها قريب ع اهلي فنزلت يمي لان جنت منتهيه فد مره ماما تلكتنا
ماما: ها بنين شخيرج
بنين: ماما بطني وجع مو طبيعي
ماما: اخابر حسين
بنين: لا ماما منبهني من الكعب وهسه اكيد حيحجي عليه
ماما: لعد العصر اخذج
بنين: خوش
رحنا اني وسجى لغرفه البنات
اني اول ما دخلت رحت شفت ملابسي لكيت قطرات دم واكعه عليه اني شفتهن لو تخبلت سجى صاحت ماما
بنين: ماما دم واكع عليه
ماما: كولي يا الله عادي تصير والعصر نتأكد خابرت حجزتلج هسه اجيبلجن الغده اكلي زين
صدوك شويه وجابتلنه الغده
سجى بقت تلوم بنفسها وهم بقت شويه وراحت فتحت فوني اجاني اتصال من عبدالله
عبدالله: وينج ماكو مختفية
بنين: والله جنت بالبيت واليوم يلا التحق زوجي
عبدالله: وشلونه وضعج وياه
بنين: والله هو زين بس شكله اليوم حيخرب الوضع
عبدالله: ليش
بنين: حجيتله السالفة
وهسه خايفه حتى اتصل بيه اكوله
عبدالله: لا ان شاء الله خير بس ترجعين من الدكتوره خابريني طمنيني عنج
بنين: ان شاء الله
سديته منه وكمت بدلت رحنا للدكتوره كالت وضعي طبيعي بس لان تعبت نفسي انطتني مثبتات وكالت نامي ع ظهرج
من رجعت حجيت لحسين كولت مو مال ما اكوله خاف يعرف من غيري بعدين
حجه ورزل بس بعدين سكت مراد يضوجني
هم حجيت ويه عبدالله وكوتله الوضع تمام
مرت الايام طبيعيه سجى دوم تلح بالحجي ع حسين واسكتها وميفيد
ودوم تكولي تعالي وياي للدوام واني ارفض اخاف ع طفلي صرت حريصه اكثر لان مرايده اخسره
حسين علاقتي بيه الحمد لله فوك التمام جان يهتم بيه لدرجه متنوصف اكل بيده يوكلني حتى سبح صار هو يسبحني ع كد ميخاف عليه
بيوم جان ميلاد سجى عزمتني كولت لحسين قبل بس نبهنني ادير بالي ع نفسي وما البس كعب وصدوك هلمره جنت حذره ومشيت بكلامه
سوينا الحفله شويه وكملنا شويه وسجى كالت الخط ميجي اتصلت بحسين كال جايكم
البنات رجعن صديقاتنه بقينا بس اني وسجى
اجانه حسين نزلنا صعدنا بالسياره
بنين-سجى: سلام
حسين: هلا
شلونج بنيتي
بنين: تمام حبيبي
حسين: خو ما تعبانه
بنين: لا خلصتها كعده
حسين: عفيه عاشت ايدج
اباوع لسجى اكلته بعيونها ع ما وصلناها ونزلت ارتاحيت
حسين: تردين نروح لمكان
بنين: لا كبل للبيت
حسين: بنين سجى مو راحة ابتعدي عنها
بنين: لا حسين البنيه حبابه بس طايشه
حسين: براحتج
رجعنا ارتاحيت من دخلت للبيت كبل بدلت ونمت وحسين هم نام
للعصر كعدنا دناكل وحسين حجه
حسين: بنين هم مطيه رقمي لاحد
بنين: لا ليش
انطاني الفون مالته وكال شوفي
اباوع رسائل من سجى عود تتشكره لان وصلها وتدعيلنا اني انغثيت كوتله حسين اسكت اتصلت بيها
بنين: هلا سجى
سجى: هلو بنين كولي
بنين: منين جايبه رقم زوجي
سجى: اخذته منج
بنين: وليش حتى تاخذي
سجى: ليش متقبلين
بنين: ي طبعا ما اقبل الا زوجي خط احمر ما اريد اي بنيه تراسله
سجى: اسفه حبي هسه احظره
بنين: وك وسديته منها
حسين: اروح فدوه لليغار
بنين: ما اغار
حسين: لا ابد اني اغار
بنين: ي انت مو اني
هو ضحك
مرت فتره ودخلت الشهر الخامس رحت سويت سونار وضعي الصحي تمام والطفل تمام بس ممبين شنو جنس الطفل ضجت اني لان اريد اعرف واريد ابدي احهزله
حسين بين دوامه وبين البيت سجى كول يوم تدخله برقم جديد وعود شخصيه ثانيه وهو يكشفها ومن اريد احاجيها ميقبل يكول خلي نشوف وين توصل
من دخلت شهري السادس حاجتني هيه اروح وياها لدوامها اني جنت ضايجه فقبلت اروح وحسين هم كال روحي بس خليج حذره على نفسج وحملج وهم منها جان بيومها محمد اخو حسين يمنه
.................................................................................
