لكيت ابن خال عبدالله كاتبلي مبروك بس جانت خطوة سريعه
بنين: ربي يباركلك لا بالعكس تاخرت هواي ع هلخطوه
ابن خال عبدالله: زين ليش ما كلتي
بنين: صارت السالفه بسرعه
ابن خال عبدالله: الله يسعدج
،،،،،،،،،،،،،،،،،،
اما عبدالله لكيته كاتب
عبدالله: صدك انخطبتي
ليش ولمنو
اني احبج وما اكدر اخليج ترحين لغيري
افسخي واليوم جايكم
من شفتهن ابد ما اثرن بيه ولا اهتميت رسائل عاديه تجي لا اكثر
بنين: ي انخطبت لابن خالتي وخلي حبك الك وين جنت بالوقت الجنت ما اكدر بدونك لتجي ولا ابد عيش حياتك بعيد عني مثل ما اني عشت حياتي بعيد عنك وهم مرتك حامل فكر بيها بسس وكافي خداع
عبدالله: هالمره صدك اجي اخطبج بس افسخي
بنين: وليش دافسخ الولد رايدته
عبدالله: متحبي
بنين:الحب بالعشره يجي
عبدالله: تندمين
بنين: قصدك مثل ندمي ع علاقتي بيك
عبدالله: بنين شتتوقعين اسوي وانتي مجنتي طايقتني ترحين تختفين شهرين ٣ عادي عدج
بنين: الفات مات واحنه ولد اليوم
بهلوقت وصلتني رساله من حسين
حسين: صباح الخير بنياتي
بنين: صباحو يعيونها
طبعا فرق العمر بيني وبين حسين ١١ سنه
حسين: اليوم يعيونها كل يوم نتطور اكثر
بنين: والله بعد ما اكولك وكوله اكول حسيون
حسين: اي مو لاعب ويه جهالج
ماخذلي زعطوطة الله اليستر
بنين: يلا طلكني بطلت ما اريدك بعد
حسين: الهي صبرني
بنين: الله ليصبرك بعد ما احاجيك
وصدوك زعلت بقه يراسل مجاوبت وطفيت النت
بليل اجت ماما كالت حسين يتصل بيج وماكو كوتلها كوليله نايمه طلعي اي عذر
مر اسبوع ع نفس الوضع محاجيته بهالاسبوع ابد ولا فتحت فوني
من هديت فتحت فوني لكيته حاركه الاخ ما مبقي رقم ولا برنامج ولا حساب يعتب عليه
عاد من شافني فتحت كتبلي باجر حضري نفسج نروح للمحكمه
اني من كال هيج دمعت عيني معقوله خلص حيتركني
بنين: ليش ترا زعل بسيط ويصير بين اي اثنين هيج قررت توصل للطلاك بابسط شغله
هو من قراها كبل اتصل
اني جنت دابجي بس مكابره
حسين: انتي مو ردتي اطلكج
محجيت
حسين: مو هذا جان طلبج واني كلت البنيه متريدني خلتروح بحالها ليش تبقه مجبوره
بنين: حسين ترا جان مجرد حجي مو صدوك بس كول انت رايد تترك وشايفلك شوفه
حسين: هاي شنو تبجين
بنين: وليش دابجي
حسين: بنيتي انتي ثوله لو شنو
بنين: لا بلا ليش
حسين: احنه عقدنا محكمه؟
بنين: لا
حسين: وين اكو طلاك بالمحكمه لاثنين ما عاقدين
بنين: عزا ي صدوك
حسين: باجر نروح نعقد محكمه
بنين: حتى نتطلك ؟
حسين: والله مو عاقله ولج بابا شبيج ليش نعقد وليش نطلك لعب جهال
بنين: غير انت تكول ميصير نتطلك مدام معاقدين
حسين: انتي تردين تصيرين مرتي بس عقد شيخ متردين عقد محكمه
بنين: لا طبعا عقد شيخ ومحكمه
حسين: لعد كبري عقلج
وهيج تصالحنا ثاني يوم رحنا نعقد دخلنا ايد بايد جان فرق هواي بيني وبين حسين
اني طولي ١٦٤ ووضعيفه حسين طوله١٨٦ وضخم جنت يمه نمله رغم اني طويله
خلال يومين كملنا العقد
بيوم كاعدين وساره كالت ان حبيبها حيجي باجر يخطبها وهم بدينا تنظيف البيت ما كملنا الا ب ٩ بليل اني كبل سبحت ونمت كعدت ب ٢ بليل لكيت حسين متصل عفته ورجعت نمت وثاني يوم التهيت ويه ساره وهم ما حاجيته لليل
حسين: وينج من البارحه لليوم
بنين: حجيتله
حسين: هاي بس اجو شافوها وهيج اختفيتي بالخطوبه شكد تختفين
بنين: يمكن شهر
حسين: حتى اكسر راسج
بنين: انت شعندك ويه الكسر يوم اكسر رجلج يوم اكسر راسج ترا اهلي يردوني
حسين: واني هم اريدج
بنين: ي لعد لتحجي بهلطريقه بعد
حسين: خوش يابه
بنين: حسين
بنين: روحه وكلبه
بنين: هم يجي يوم تضربني
حسين: تنكسر الابد التنمد عليج
بنين: ترا اني ما اخاف منك وك اذا فكرت تضربني اعضك
حسين: اي مو ماخذلي جلبه
بنين: ماااا
ترا هواي تغلط عليه واكدر اغلط بس اخلاقي متسمحلي
حسين: بس لتجفصين
بقينا نحجي الا ان غفيت كالعاده وكعدت الصبح ب 6 ع النداء الي اجاه
بنين: حسين
حسين: كعدتج مو رجعي نامي بابا
هلحجي اني مطفيه
بنين: حسين
حسين: روحه وكلبه
بنين: حسين احبك
حسين: واني اموت عليج
رجعت نمت وكعدت ب 11 لكيته ساد الاتصال
طبعا حسين من صدوك حبيته مو بس حجايه لسان باسلوبه وحبه الي خلاني اعشقه
تحدد موعد خطوبه ساره واجن ايه وجهالها وايات وبتها
طبعا ايه جانت كولش مرتاحه بحياتها وصار عدها بنيه وولد ملو عليها الدنيا وزوجها يموت ع التراب التمشي عليه
ايات صار عدها بنوته تنكرط بس وضعها مجان تمام
اتفقنا نروح نشتري ملابس للخطوبه مال ساره اشو امي كالت روحي خابري رجلج شوفي يقبل تروحين باجر لو لا
بنين : وهو شعليه
ماما: ميصير ماما هو رجلج لازم تكوليله
بنين: ترا بعدنا ممتزوجين
ماما: حتى اذا ميصير
رحت اتصلت بيه
بنين: حسين
حسين: روحه وكلبه
طبعا صرت اعشق هاي كلمته
بنين: اريد اروح اشتري ملابس لخطوبة ساره باجر اني والبنات وماما كالت سئلي اذا يقبل تروحين لو لا
حسين: لو ما امج جان ما كلتي
بنين: هو الصراحه ي
حسين: بليل اجيكم ونتفاهم
بنين: يعني اروح وياهن لو لا
حسين: بليل نتفاهم
بنين : وك
..................................................................
