طلعنا بالطريق مشغلين اغاني وركص وكذا رايحين لعرس 😂😂
وصلنا للمجمع اختاريت صدريه وقميص وحد وتنوره وقميص وحد بصعوبه حسين قبل بيهن لان ضيقات بس سويت نفسي زعلت والاخ ميكدر ع زعلي واختاريت جنطتين وحده بيضه والثانيه وردي وبوتينات بلونهن عاليات لان حسين اطول مني بهواي فينراد الكعب
بعدين رحنا للمكتبه اخذت دفاتر وملازم وقرطااسيه كامله واخذنا من المطعم كيك وحلويات
وهم من المحل حلويات ورجعنا للبيت
حسين: بدلي وعمري النركيله بين ما اسبح
بنين: تمام حبيبي
خليت الفحم ع النار والحلويات والكيك بالثلاجه
وهم رتبت غراضي وبدلت لكيت الفحم بعده سويت المعسل والسلفون وخليتها اله بالصاله ورحت سويتلنه فواكه وعصير وكيك وحبشكلات وشغلت الاغاني والفحم هم خليته وبقيت اعمر بيها ع ما يجي
شويه وطلع هو جنت معمرتها ومكملتها شافني ادخن
حسين: بعد يرادلج بطل ويسكي ويصير الوضع خوش
بنين: هيج تشوف
حسين: ادبسسز بعد ماكو نركيله
بنين: حسين لتصير معقد
حسين: شتحسبيها احسبيها
اجه اخذها مني واني اباوعله بحقد
حسين: تعاي اخذيلج راشدي
بنين: ما
بقيت اكل ولا يمه ولا مهتمتله
حسين: كومي ركصي لو فالحتلي بس بالحفلات تعرضين بجسمج
بنين: بكيفي
شويه وصدوك كمت اركص جنت لابسه دشداشه بدون ردان مجرد خيط ضيقه صفره واصله الركبه واني اصلا سمنانه هواي بهالفتره ومشغله الحب ساجده
حسين: على هذا ركصج لو افتحلي مشروع اربح
بنين: مو بلا
هو ضحك وغص طبعا حسين جان مستغرب ان اني من يحاجيني هيج اجاوبه برود وعادي لا ازعل ولا اضوج بحيث ينغث من جوابي ومرات ميعرف يحجي اصلا كبل يسكت
شويه وهو راح للغرفه اني لميت الهوسه وغسلت المواعين ورتبت البيت
رحت سبحت وكبل لبست البرنص وطلعت مكيجت وتعطرت ونشفت شعري وبدلت هذا كوله وهو باله يم الفون ولا يمي
شويه وبدون ميحس رحت بحضنه
بنين: دتخوني
حسين: تعاي شوفي
جان ديحاجي اصدقاءه شويه واتصل فوني ع التلي حساب غريب
حسين: منو
بنين: معرف
انسد الاتصال جنت خايفه خاف عبدالله
فتحت الفون ودخلت ع التلي جان حساب وهمي دازلي فيديوهات لصديقتي غير اخلاقيه وصورتين الي بس مطالع وجهي ماخوذات الي بحنتي
حسين: هذا منو
بنين: معرف ولله
حسين صار اعصاب جاوبته اني
بنين: منو انت
مجهول : شوفي بنين تحاجين سجى اذا ما حاجتني كولشي ينشر
بنين: بالنسبه لصوري تريد انشرهن مخايفه من شي بس البنيه حرام عليك تأذيها اهلها لو شافو الصور يذبحوها
بقه يهدد وكذا
حسين: خلي يدز رقمه واتصلي عليه
بنين: حسين شبيك هيج سهله عندك احجي ويه ولد
حسين: سوي الاكلج عليه
بنين: تكدر تدزلي رقمك اتصل ع الخط
مجهول: لازم رجلج بالدوام
بنين: ميخصك بحياتي وزوجي دزلي رقمك وخلاص
هو كبل دزلي رقمه حسين سجله بفونه واتصل بيه
مجهول: ها بنين
حسين: تهدد البنيه مو روح زين شواربك والبس شيله امك واكعد بنص النسوان
مجهول: انت منو
بقه يحجي وياه شويه بس شنو صدمني
حسين: موقعك عندي صار وجايك هسه بيك خير لتتختل
كام لبس ملابسه وانطاه بلوك مني وسكرن المحادثه وراح
ساعه يلا اجه بس شنو اني ميته خوف وكلساع اتصل بيه بس ميجاوب خوفني عليه
من اجه كبل استلمته
بنين: ليش متجاوب تريد تخوفني عليك
حسين: لتخافين بابا ما عليه شي بس انطيته هديته واجيت هاي كلشي ما بيه
بنين: شسويتله
حسين: ذبيته بالسجن وكسرت موبايله خلي يتأدب
بنين: كفو حبيبي كفو
هو ضحك وكال: هاي صديقتج تنصحيها ما مشت بالنصيحه بعد ما اشوفج وياها
بنين: الله كريم
هو بدل وتمدد واني هم رحت يمه حضنته لشوي ونمنا
كعدت الصبح ب 6 نشاط فول رحت سبحت ونشفت شعري وطلعت صليت ورحت حضرت الريوك شويه وكعد هو تريكنا وكمنا بدلنه طبعا بدون مكياج لان ميصير بس عادي مقتنعه بشكلي
عاد شويه وطلعنا وصلنا يم الباب المدرسه انطاني مصرف
حسين: اريد تنتبهين لدراستج وما اريد سوالف منا ومنا وتنشغلين عن دراستج وخاف أتأخر عليج انتي اتصلي واذا هاي روحي لاهلج علما اجيج
بنين: تمام بعد اوامر ثانيه
حسين: لا بنيتي
بسته بخده ونزلت لكيت البنات هنه مداومات قبلي سلمت عليهن ودلني ع صفنا ذبيت جنطتي ورحت للاداره استلم كتب استلمت ورجعت للصف كلساع جابتني بنيه تباركلي وتسئلني ليش ممداومه الاسبوع الراح واني الجواب واحد
بنين: جنا باربيل ومكدرت اجي
اجت المدرسه وبدينا بالدروس ومن راحت اخذت من البنات الدروس الفايتتني
الدرس الثالث محد اجانه جنه كاعدات اني وشلتي اجتني سجى تباركلي اني كبل تذكرت سالفه البارحه اخذتها بره حتى نحجي
بنين: سجى ليش دازه صوري لحبيبج
سجى: ما دازتهن
بنين: سجى لتجذبين ولتنكرين البارحه راسلني دزلي صوري وصور الج فاضحه وهددني بيهن
سجى: يا ونشرهن
بنين: لا حسين تصرف وياه
سجى: شسواله
بنين: سجنه وكسر موبايله
سجى: ليش يسجنه خطيه
بنين: شبيج بابا صدوك تحجين
سجى: بنين احبه
بنين: حبيش هذا بابا هذا يستاهل الحب وللعلم اني ما اريد اتدخل بس غلط تدزيله هيج صور وفيديوهات بصفته شنو وتدزيله ترا دترخصين نفسج فهالموضوع انسي بعد ولتحاجي ابدا
سجى: احبه ما اكدر هسه انتي ما حبيتي حسين
بنين: ماكو بنيه ما حبت بس عدنا عقل نفكر بيه قبل لنسوي اي غلط ممكن يأثر علينه وبالنسبه لحسين ترا زواجنه حب بس من طرفه لا علاقه ولا اي شي وما حبيته الا ورا الخطوبه وحتى بفتره الخطوبه ما غلطت وياه لا بصور ولا بلبس وشكد طلعنا ما يوم سويت اي غلط فياختي لمصلحتج داحجي وبعد بكيفج
سجى: لا بعد حعوفه وما احجي اني اصلا امي شافتني احجي وياه واخذت الفون مني
بنين : احسلج حبيبي والله يسهلج
هيه حضنتني وبقت تشكرني وكذا شويه ورجعت لصديقاتي رحنا اشترينا وكعدنا ناكل
..........................................................................
