من وصلنا خلصته نوم كعدت بالليل لكيت حسين متصل هواي
وجان دازلي رساله حضري نفسج باجر نطلع ب 8 اريدج كاعده كبل اتصلت بيه
بنين: شنو وين نطلع منو كال اني اريد اشوفك
حسين: والله يا زوجتي العزيزه العايفتني صار 10 ايام ما ضل شي لدوامج ولازم تبلشين تدرسن فسجلتج بمعهد وبعد كل يوم تشوفيني لان اني الاخذج وارجعج
بنين: ما اريد اولا وعايفتك من سوالفك وخيانتك ثانيا
حسين: مو بكيفج وبابا وين خاينج
بنين: واسماء
حسين: شرحتلج الموضوع
بنين: معليه ما
حسين: وتالي وياج
بنين: شبيه
حسين: ما بيج اني انسان ساقط
بنين: حسين
حسين: روحه وكلبه
بنين: مشتاقتلك
حسين: واني مشتاقلج اكثر متصورين شلون انطاجً كلبج متحاجيني
بنين: جابره نفسي
حسين: ليش بنيتي بنين مال اخونج لو اعوفج كطنه شيليها من اذانج
بنين: مممم
حسين: اي ست شنو هاي التغييرات
بنين: يا تغييرات
حسين: الفلر والتاتو
بنين: يعجبني اكو اعتراض
حسين: لا عمي نكدر نعترض
بنين: عبالي
حسين: يلا كومي اكلي مو بس نوم
كمت طلعت حلويات وفتحت كام وياه واني اكل وهو كلساع يحجي كلمه يخليني اغص
ثاني يوم اجه اخذني داومت بالمعهد جان متعب كولش من 8 الصبح ل 2 الظهر طبعا الشي الوحيد الحلو جانن صديقاتي الي بالمدرسه وياي
مدرس الانكليزي ما ارتاحيتله ابد
ب 2 اجه حسين ياخذني حجيتله يومي كوله بس مكوتله ع مدرس الانكليزي
اخذني نتغده بس جنت تعبانه كولش وخاصه اليوم القبله بقيت سهرانه لان نايمه بالنهار
تغديها شويه وخليت راسي ع الميز وغفيت كعدني هو وطلعنا بالسياره بقيت نايمه لما وصلنا نزلني هو وخلاني بفراشي يلا راح
بقيت نايمه للمغرب يلا كعدت كملت شغلي وتعشيت وكعدت ادرس
من كملت اتصلت بيه
حسين: شلونج خو ما دايخه
بنين: لا تمام
حسين: شويه وتنامين وضعج اليوم ما عجبني
بنين: بعدني ممتعوده ع الدوام
حسين: تتعودين
شويه ونمت وكعدت ثاني يوم نفس الاسطوانه مر اسبوع وبديت اتعود ع الوضع
حددو موعد زواج روان وبدينا نجهز صار يومي عباره عن دوام ودراسه وشغل البيت وبليل احجي ويه حسين
بيوم واني راجعه من الدوام
حسين كال :مباقي شي لعرس روان تعالي نشتري ملابس ادري بيج ما عدج وقت
رحنا اختاريت للحنه فستان احمر قصير لامع وللعرس هو اخذلي قفطان ع ذوقه اوف وايت واخذت لايات وبتها ملابس ادري بزوجها ميخليها تختار طبعا ميخليها تتواصل ويايه
من رجعنا اخذنا عشه ويانه بس ما اخذنا للبيت
بنين: ترا مو هاذ طريق بيتنا وين رايحين
حسين: نوصل وتعرفين
وكف السياره يم بيت
بنين: ها حسين
حسين: انزلي
بنين: وين
حسين: انزلي وتعرفين
نزلنا فتح الباب دخلنا للبيت جان يموت والاثاث فد شي كعدنا بالصاله
حسين: البيت جهز ومناقصه شي عجبج لو لا
بنين: ي هواي عجبني
حسين: شوكت نتزوج بعد
بنين: حسين احنه متفقين وره الجامعه وهسه سادس ممخلصته
حسين: دراسه تخلصيها يمي وانتي 10 ايام و10 ايام يم اهلج ماكو اي تأثير عليج وهنا اني اساعدج
بنين: معرف بكيفك
حسين: وره عرس روان
بنين: وك
بقينا كاعدين تعشينا ولميت الهوسه سويتله جاي واني شربت عصير
بعدين طلعنا نزل يم المحل اشترالي حلويات ورجعنا للبيت
ثاني يوم مرحت للمعهد اجو بيت جدو وبيت خالتي ام حسين وايه وجهالها
ايات اتصلت كالت زوجها عنده شغل وميكدر يجيبها بنفس اليوم راحو وماما وبابا جابوها بس جان شكلها متغير هواي ضعفانه وبتها هم وخطيه بتها خايفه ومتريدنا عاد اخذتها لغرفتي انطيتها حلويات جان جايبلي حسين هواي هيه بدت تستلطفني وطلعتلها الملابس الجايبتهن الها
ثاني يوم جان الحنه نفس الوضع كعدنا من الصبح بين تنظيف بين الغده والمواعين وبين نجهز نفسنا
كملنا وطلعنا بدت الناس تجي واجت روان طالعه تخبل فدواتها
خلصتها ركص كالعاده وتصوير
بليل انشغلنا ويه روان هاي التعلمها وهاي الي ترتبها
اني كاعدا اغير لون اظافري
ثاني يوم هم نفس الوضع هلمره خليت مكياج خفيف ولبست القفطان بدت الحفله واجو عيالها شوي وكالو حيجي الولد رحت لبست شالي ورتبته اجه واخذها رحنا وياهم بقينا لليل رجعنا
جنه ضايجات لان جان البيت 5 بنات بيه هسه بقينا بس 2 حسينا لمتنا راحت رجعنا كبل سوينا العشه لان استحينا نتعشه يمهم وغسلنا المواعين ونمنا جنت هالفتره هامله حسين بس هو جان مقدر وضعي
ثاني يوم كعدنا هم نفس الوضع لان بعدهم موجودين
للظهر وره الغده كاعدين نشرب جاي حسين جان موجود عاد
خالتي ام حسين كالت: عرس روان خلص هسه بعد بنين هم ناخذها
ماما: هاي يمكم بعد وهنه بكيفهم
حسين: خاله ان شاء الله الشهر الجاي نتزوج مو بنين
بنين: بكيفكم
بقو كاعدين شويه وراحو ثاني يوم داومت بعد مرت الايام وحياتي جانت حلوه هواي طبعا عبدالله جان دوم يراسلني بس عود صداقه وكذا
بيوم واني بالدوام مدرس الانكليزي اخذني وحدي علمود يعوضلي المحاضرات اشو هاذ حاول يتحرش بيه اني كبل عفته وطلعت حتى كتبي وملازمي عفتهن اخذت بس الفون صعدت فوك وبقيت بس ابجي صديقاتي حاولن يفهمن شبيه ما حجيت دزيت وحده من البنات تجيب كتبي واتصلت بحسين يجي ياخذني هو من سمع صوتي كال شويه واني يمج
اجه وجان بملابس الدوام وطلعتله صعدت بالسياره
حسين: شبيج بنيتي ليش تبجين
بنين: اخذني لاي مكان واني افهمك
اخذنا لمطعم قريب كعدنا
حسين: يلا احجي بابا شبيج
بنين: ما اريد اداوم بالمعهد بعد
.............................................................
