خلصن اليومين واجه يوم التحاق حسين جنت ضايجه هواي بيومها بقينا سهرانين حضرت جنطته وغراضه وكويت ملابسه وهم حضرت كتبي وغراضي لان حبقه يم اهلي
طلعنا بالسياره اول شي رحنا لاهلي خليت غراضي يمهم ورحنا للدوام هو قبل بيوم منطيني 200 مصرف الي وصلني للمدرسه وراح
مر اليوم بدروس كومه حتى ما لحكت اطلع اكل لاخر درس جان رياضه كعدت اكلت وراها طلعنا للبيت رحت مشي لاهلي طبيت ماما كبل تلكتني حضنتني خرب شكد مشتاقتلها رحت سبحت وبدلت
ماما: خابري حسين يجي ياخذ غداه
بنين: لا ماما كال يتغده هناك
ماما: خوش حبيبتي تعاي تغدي انتي
كعدنا كولنا ناكل يمه احلى لمة ولله
مرت ٩ ايام واني مخلصتها بين دراسه واحجي ويه حسين بس ملل فول اريد ارجع لبيتي
باليوم التاسع اتصل حسين العصر
حسين: ها بنيتي بالليل ارجع للبيت يكدر احد ياخدج لو تخليها لباجر
بنين: لا هسه حروح وانتضرك عود
حسين: خوش بابا
رحت حاجيت بابا ياخذني للبيت وصدوك حضرت غراضي ورحنا
هو رجع للبيت واني قفلت الباب عليه وشغلت اغاني ولزمت البيت تنضيف همزين ثاني يوم جمعه كملت عمرتلي نركيله وسويت عشه وخليته ع نار هادئه وكلساع اروح اشوفه
جنت كاعده بالصاله والقمجي بحلكي واتفرج بالانستا شويه وكولت خلي اروح اشوف الاكل ويه مكمت والكه حسين واكف يم الباب بقيت صافنه معرفت احجي
حسين: كملي ليش عفتيها
بنين: اريد اشوف الاكل
حسين: ولج انتي متوبين
بنين: حسين وذا
حسين: والله اذا شفتج لازمتها بعد اكسر راسج
بنين: ي الله كريم
صدوك شونك
حسين: بعد وقت
رحت حضنته
بنين: غير انت لهيتني يلا روح اسبح وبدل ع ما اصب العشه
راح يسبح اني كملت الاكل وطفيته وشلت النركيله وخليت ملابسه بالغساله الي بالجنطه
طلع من الحمام وراح يبدل جان الجو بيه بروده شوي نهايه الصيف
صبيت الاكل وخليته ع ميز الطعام وطلعتلنه ببسي هو اجه وكعدنا نتعشه
حسين: شلون مرن ايامج
بنين: ملل بملل دراسه اكل نوم دوام
حسين: وشلونها دراستج
بنين: تمام الاسبوع الجاي نبلش امتحانات
حسين: شدي حيلج
بنين: ان شاء الله
كملنا لميت الهوسه وغسلت المواعين رحت سبحت وبدلت ومكياج وعطور وكذا ورحت الغرفه لكيته متمدد رحت تمددت يمه
بنين: نعسان حبيبي
حسين: شويه
بنين: نام
حسين: مشتاقلج
رحت بحضنه شوي ونمنا
كعدت الصبح قبله كمت سبحت وصليت رتبت نفسي شوي وكعد هو ع ما يصلي اني سويت الريوك اجه كعدنا ناكل
حسين: بالليل نطلع ادري بيج ضايجه
بنين: ييي هواي ضايجه
مر الوقت طبيعي العصر هو طلع واني كعدت ادرس ما اريد ادرس وهو موجود وهم جان عندي امتحان قريته وصلت لاخر ورقه وهو اجه ردت الم الكتب
حسين: ها وين كملي يلا تكومين
بنين: عادي بقالي صفحه اقراها باجر ويه التحضيرات اليوميه
حسين: لا كمليها هسه
صدوك رجعت كملتها ولميت كتبي وكمت صلينا وبدلنا حتى نطلع
هم تعشينا بره وافترينا شوي ورجعنا
مرت ٤ ايام ونسه فول بيوم العصر كاعدين بالصاله حسين جان كاعد واني متمدده ومخليه راسي بحضنه اتصلت ايات استغربت اتصالها
ايات: هلو بنين بس شنو تبجي
بنين: شبيج ايات
ايات: بنين فدوه حاجي بابا كوليله اذا اجي يتنازل عن الحاضر والغايب وبتي تبقه يمي
بنين: لج طوز بالحاضر والغايب حتلو مقبلو اني احاجيهم
ايات: دحاجيهم هسه ورديلي خبر
بنين: تمام حبيبي شويه واتصل بيج
حسين: مو مال تخابريهم هسه امشي نروحلهم
بنين: تمام ابدل واجي
حسين: استعجلي لعد
رحت بدلت بسرعه شون مجان همزين جنت مخليه مكياج وطلعنا وصلنا لاهلي
بنين: بابا اتصلت ايات الظاهر متعاركين وواصلين لطلاك بس ميقبل الا نتنازل عن الحاضر والغايب وبتها الها
بابا: ادري مطيها فصليه
حسين: عمي اشترو راحه بتكم وجيبوها يمكم ليروح يدمرها
بابا: شو خاببرلياها
اتصلت ع النت ماكو اتصلت ع الخط شويه وجاوبت
ايات: ها بنين شكال بابا
بنين: هذا يحاجيج
بابا: ها ايوته بابا
ايات: بابا تعالو اخذوني ما اكدر ابقة على يوم اموت من وراهم
بابا: باجر من الصبح جايج حضري نفسج اليوم
ايات: بابا ميقبل يطيني بتي الا اتنازل عن الحاضر والغايب
بابا: حليفيدهم الحاضر والغايب منريد غيرج وبتج لتجيبين اي شي منهم
ايات: خوش بابا
اتفقو باجر الصبح يطلعون حسين ياخذهم بابا وماما وهم دزو ع عمتي امها حتى يحاجوها اول وهيه خطيه ما اعترضت لان اصلا البنات من البدايه سلمتهن النه
رجعنا لبيتنه وصار الصبح راحو جابوها خطيه اجتي وجها مورم من الضرب وخلصتها بجي وبتها وياها الي جانت خايفه منه كولش اخذناها اني وحسين اشترينالها بس شنو خلصت الطريق بجي رغم فرق شارع واحد بس ممتعوده
لليل رجعنا للبيت ومشت الايام اعتياديه لما اجهً يوم دوام حسين جان يوم خميس فكولت لحسين ما اروح لبيت اهلي اليوم اخلي البنات يجني ونبقه هنا وباجر ارجع للبيت هو مكال لا
وصلني للمدرسه وراح وبالدوام بين امتحانات بين دروس وتعب وملل خلص الدوام اتصلت بيه يجي ياخذني جان اصلا واكفلي بالباب مال المدرسه وماكو ع كد تغده ورجع لدوامه اني هم رتبت البيت ونفسي وحضرت الحبشكلات لشويه واجن هنه حتى ايه وروان اجن ايات جانت متحسنه نفسيتها هلفتره وبتها منطلقه ويه جهال ايه
العصر كاعدات احنه نسولف واتصلت مرت مرتضى جاوبتها
بنين: هلا حبيبي
مرت مرتضى: هلو عمري شلونه الوضع يمج
بنين: تمام ونتو
مرت مرتضى: والله متدمره من بنات عم مرتضى
بنين: ليش شبيهن
مرت مرتضى: عمي الله يرحمه من جانو الولد صغار كايل عود ياخذلهمُ بنات اخوه بس حجي مو شي رسمي من تزوجت لهسه شوفني الويل وهسه اليوم هم سولي مشكله ولكيتهن ضاربات ابني اني انقهرت وتعاركت وياهن
بنين: اوي يحبيبي يرحله فدوا هو طفل عقلهن وياه
مرت مرتضى: شتترجين منهن امهات السحورهً هنه الج سون كلشي حتى مياخذج حسين
بنين: شون يعني مرضي من وراهن
...........................................................................
