اتصل وجاوبته
حسين: وينج صار يومين
بنين: البارحه نمت واليوم انشغلت هواي
حسين: وليش قافله مبايلج
بنين: بكيفي
حسين: بنين شكو
بنين: اسئل نفسك
حسين: مسوي شي مزعلج
بنين: ي
حسين شمسوي بلا رجال فقير صايم مصلي
بنين: الله اليستر منك
حسين: بنين احجي من الاخير
بنين: ليش دتسوي كتم صار مرتين اكعد الكاس مسوي كتم
حسين: على هاي زعلانه يابه غير علمودج
بنين: علمودي ليش
حسين: كل ما يجيني نداء تكعدين عالصوت فحتى لتكعدين اكعد ب 4 اسوي كتم وارجع انام وما اريد الاتصال ينسد
بنين: ليش مكولت
حسين: ما ادري بالزعطوطه الماخذها تشك بيه
بنين: ترا اني مو زعطوطه انت شايب
حسين: عمي قابل وهسه بعدج زعلانه
بنين: لا
حسين: زين شنو هاي الوشوم
بنين: ولله عرفت
حسين: اي جاوبي
بنين: غير باجر حفله وكذا
حسين: ليش ناويه تعرضين جسمج
بنين: لا اصلا فستاني مستور
حسين: شو دزيلي صورته
بنين: باجر تشوفه
حسين: الله اليستر
وها خلي بالج خصله من شعرج تنكص اكسر راسج
بنين: ترا شعري مو شعرك
حسين: اني الاحبه مو انتي
بنين: الله كريم
حسين: اكسر راسج
بنين: هسه شكولت اني
حسين: لتجرجين بالكلام هواي تتماوعين
بنين: ما اتماوع طريقة كلامي هاي
حسين: الله يصبرني
بقينا نحجي لما هلمره هو نام قبلي واني مستحيل اكعد راحه لازم اخبث
بنين: حسين حسوني حساناتي
حسين: هممم
بنين: احبك حسونتي
حسين: اشتعلو واحتركو
بنين: منو
رجع نام سكتت شويه بعدين هم حاجيته
بنين: حسونتي
حسين: همممم
بنين: احبك حسونتي
حسين: اموت عليج
هم سكتت تقريبا ساعه بقيت ع الفون بعدين رجعت حاجيته
بنين: حسوني
حسين: روحه وكلبه
بنين: تحبني
حسين: اي
بنين: شكد
حسين: حبي الج ماله مقياس
بنين: لعد ليش نايم وعايفني
حسين: كعدت
تاكدت منه صحه وكعد كوتله
بنين: عفيه شهالازعاج اريد انام ولا تخلي الواحد ينام
حسين: هاي اني
بنين: ي صارلك ساعه تكعد بيه شكد مزعج
حسين: يابه نعتذر
بنين: يلا هسه حنام
حسين: بت الخوش ناس طيرتي النومة من عيني وهسه تكول اريد انام
ضحكت واخر شي غفيت وهو بقه كاعد
كعدت الصبح بلشنا بالترتيب اجت ايات صار وقت الغده غديناهم وغسلنا المواعين ورحنا نجهز نفسنا مكيجت نفسي بنفسي مكياج فول ولبست فستاني القصير ونزلت جوا
خالتي كالت :هسه حسين يكتلج على لبسج
بنين: خاله بس بنات
ام حسين: غير الولد يجي
بنين: لا جايبه فستان ثاني
ام حسين: اي عفيه استري ع نفسج
خابرها حسين كاللها يريد يشوفني فرغنا المطبخ واجه هو
من طب كبل انصدم بيه وخزرني اني جلبت بخاله واشرلها بعيوني متروح
عاد حسين كال: يمه روحي هناك خلي احل مشكله بلوتي
راحت عاد كوتله اني بلوه
حسين: اكبر بلوه
بنين: ليش شمسويه
حسين: هذا لبس ليا ملهه رايحه
بنين : ي غير بنات
حسين: ولج بلوتي خطيب ساره ميجي يعقدون ميجي يكعد يمها
بنين: بديت الين بالكلام حتى ما اخذ رزاله
ونتوقع اخليهم يكولون خطيبه حسين مطلعه جسمها كدام زوج اختها لا حبيبي جايبه فستان ثاني مستور
حسين : عفيه بنيتي
بنين: حسين تعال هناك نركص اريد اصور
حسين: بخطوبتنا ما ركصتي
بنين: غير جنت ما متعوده عليك
حسين: سويلي طريق
جانو مو كولها موجوده بعدهم مجايين ولا ساره جايه دخل حسين وشغلت اغنيه اجيبك للدرب
وبقيت اركص واغني وياه وخليت البنات يصورن بفوني وهو يضحك
بعدين طلع واجت ساره والناس هم اجو شويه ورحت بدلت فستاني جان الفستان الثاني مستور كلوش ردان من دخلت خالتي ابتسمتلي شويه واجتني كالت روحي للمطبخ حسين يريد يتاكد منج اني كالت هيج كبل طفرت للمطبخ
حسين: عفيه بنيتي
اني ابتسمت بعدين راح ورجعت اجه الولد وعقدو وبعدين لبسها الذهب وهاي السوالف وكامو يركصون شويه واخذناهم يصورون وراحو هو واهله
لليل دانظف البيت وزوج ايات صاح عليه طلعتله رجعت ايات عيونها مورمه ضاربها احنه شفناه ضاربها لو تخبلنه ايات ربت ويانه فابد منحسبها بت عمه لا هيه ولا ايه والله هنه وساره وروان عندي واحد اني عاد كبل تعصبت كوتلهم شنو يضربها بيبي كالت اسكتي ولتدخلين رجال ومرته صحت بيها لا اتدخل اليضرب ايات اكسر راسه وحده من عماتي حجت كالت انتي معليج لتصيرين خيره اني صحت بيها وصارت عركه بيني وبينها طلعت داهد ع زوج ايات ما خلوني طبعا الليل كوله اني دمي فاير وخاصه ان بالليل ايات اخذوها للمستشفى
ثاني يوم رجعو ايات وعادي طبيعي ولا اليكول مورم عينها وهيه جانت قابله شكد حجينا اني وايه وساره مااقتنعت
من راحت
ايه كالتالي: شفتي ليش ما ردتج تاخذين عبدالله
بنين: عبدالله صفحه وانطوت ولهسه متندمه ع علاقتي بيه
ايه: بنين اني اكبر منج وافهم منج شوفي لو ماخذه حبيبي مجان حالي مثل حال ايات اما هسه زوجي روحي من الدنيا يحبني ما منقص عليه بشي بسيط وجهالي الملو عليه الدنيا ايات شكد نصحتها بس ما فاد وانتي هسه حسين تشوفين شكد يحبج لتخسري ابد حسين ميتعوض
بنين: ترا حتى اني احبه رغم من خطبنا مجان عندي حب اله بس هسه غير
ايه: يا عمري الله يسعدكم ويبعد عيون الحساد عنكم
....................................................................
