بقيت احجي شويه ويه حسين ونمت
ثاني يوم كعدت جنت ماخذه موقف من البيت كوله فما حاجيت اي احد حتى امي رغم هيه وكفت ويه ايات ومرضت ترجع بس جنت ضايجه منها اجه خالو من بغداد جان عنده شغل كمله ومرلنا قفلت الا اروح وياه يابه عدلي بدلي وراج معهد وتدرسين للسادس ماكو قفلت اروح يعني اروح كالو شوفي رجلج اذا قبل روحي
اتصلت بحسين بس شنو اني ابجي
حسين: شبيج بابًا ليش تبجين منو مضوجج
بنين: حجيتله الصار بايات واخر شي ختمتها كوتله اريد اروح ويه خالو لبغداد ابقه يم بيت جدو مختنكه من البيت وكارهته
حسين: اذا على هاي سهله بس لتبجين واني هناك امرلج دوم وهم اوصي امي عليج
كمت بدلت وما اخذت بس شاحنتي وفوني ورحت ويه خالو
وصلنا بغداد بالليل لان جان وقت طلعتنا ب 4 العصر بقيت ويه البنات جانت خالتي مواليد 2000 وبت خالتي مواليد 2004
اسبوع مر اني لا طالعه ولا طابه بس شنو الوقت يمر بسرعه كد ما حلو جنت متونسه هواي وحسين دوم نحجي وبالليل الاتصال مينسد
من خلص الاسبوع صرت اطلع بشكل دائم اني وخالتي وبت خالتي
اذا مو يوميه بين يوم ويوم نخلصها كول يوم بمطعم
من يجي حسين لبغداد اطلع وياه طبعا مصرفي جان طالع منه جان كل ميجي ينطيني مبلغ جبير بحيث صرت ابذر وها كدرت اسمن بهالفترة بشكل مناسب بس جان دوم يلح ع الدراسه ادرسي انتي صرتي سادس ولازم تنجحين
مرا طالعين اني وخالتي وبت خالتي كاعدين بالمطعم طبعا جان يوم ميلادي وهنه متفقات ويه حسين مسوياتلي مفاجئه واني ما ادري قبلها بيوم حسين اتصل وعايدني بس كال بس اجي لبغداد نحتفل هسه عندي واجب وما اكدر اجي ما انطيت للموضوع اي اهميه
عاد راسلني عبدالله عايدني وكال وينج كوتله ع المكان جان بوقتها هو بغداد فكال حيجي يشوفني كولت للبنات عاد هنه كالنً حسين جاي ربع ساعه ويوصل اني متت خوف كبل اتصلت بعبدالله بس شنو ارجف
بنين: عبدالله لتجي
عبدالله: ليش صار شي
بنين: ي حسين جاي بالطريق شويه ويوصل
عبدالله: وهيج تخافين منه
بنين: طبعا اخاف هذا زوجي
عبدالله: والله خوش
سديت الاتصال وحذفت كولشي
جانت اشاره الي حتى ما اسوي شي غلط
شويه واجه حسين كعد يمي شويه وشغلو المطعم اغنيه ميلاد وجابو كيكه اني حتى معرفت اتصرف بقيت بس مبتسمه
خلصت الحفله وحسين جان جايبلي بوكي ورد وفلوس اوراق وبوكي حلويات وطقم ذهب
رجعنا للبيت وراح بليل نزلت الفيديوات مال الميلاد والفيديو الي اني وياه نركص ع اغنيه اجيبك للدرب بس غوشته
عبدالله رد ع الستوري : هيج خلاج تحبيه بسهوله ونسيتي علاقتنه
بنين: الرجال مواقف
عبدالله: يجي يوم وتعضين اصبع الندم
بنين: ي خوش
اتصل حسين وبقيت احجي وياه عبدالله شكد دز ما جاوبته من يتصل حسين انسه الدنيا
مرت شهرين واني بغداد بيوم طالعه اني وحسين واتصلت بيبي كالت اهلج جايين بالطريق اني تكئبت لان كولت اكيد حيرجعوني وياهم
حسين نزل يجيبلي اكل وشفت اتصال جاي ع فونه شلته طلعت اسم بنيه اسماء اسمها اني ضجت بس مجاوبت
رجعت اتصلت مره ثانيه جاوبتها كالت ها حسوني
بنين: منو انتي
اسماء: انتي منو هذا مو رقم حسين
بنين: سم بكلبج منو انتي لج
اسماء : اني اسماء
بنين: ادري لطماء ليش متصله ع هلرقم
اسماء: انتي منو اني متصله ع حسين
بنين: اني مرته يعيني
اسماء : ها مو عندي شغل وياه
بنين: شغليش لج
ويه مداحجي وياها اجه حسين طبعا جنت داصيح وفاتحه مايك
حسين: ها بنيتي ويامن تحجي
اسماء: ها حسوني وينك
شمرت الفون عليه ونزلت هو كبل سده ولحكني جنت داجر تكسي هو خلاه يروح
جان اكو سياره عسكريه واكفه اجه واحد منهم كال شكو اختي كولي حسين طلعله الهويه مالته هو كبل اعتذر وراح
حسين: امشي صعدي منا الناس
بنين: روح لاسماء لا اصعد ولا ابد حسوني وقلدت بالكلام
حسين: اصعدي وافهمج
صعدت وياه كوتله رجعني يلا
حسين: هسه ارجعج
مشه السياره ووكفها يم مكان ثاني قليل ناس بيه
حسين: وهسه نتفاهم
بنين: ما اريد اتفاهم رجعني للبيت
حسين: عوفي سوالف الجهال
انتي ما عدج ثقه بيه
بنين: ولله شتريد اكول من وحده متصله ع خطيبي وتكوله حسوني
حسين: عدها شغل بالمركز وسالفتها يمي
بنين: ي خلتفيدك لعد
حسين: بنين لو اريد جان من رفضتيني اول مره اروح اخذ اي وحده بس اني احبج الج حبيتج رغم كرهج الي
بنين: ولله عيني شكو متصله هالسالفه
حسين: فديت الللسان الينكط عسل
بنين: ينكط سم يلا شتريد بعد
حسين: اعصابج بابا لج لا هاي ولا عشره غيرها يوكفن بعيني احبج الج
بنين: ما ما احبك يلا رجعني للبيت
رجعنا للبيت وسلمت ع اهلي ومثل متوقعت كالو 10 ايام ونرجع وانتي ويانه جنت ضايجه هواي
مرت الايام بكئابه لان حنرجع وهم لان ما حاجيت حسين بعد جنت مشتاقتله هواي وخاصه ان متعوده عليه اذا منحجي ما اعرف
قبل لنرجع رحت سويت حاجبي تاتو 6D وسويت فلر حتى اضوج حسين
قبل لنرجع بيوم عبدالله نزل ستوري ان مرته ولدت بنيه دزيتله مباركه وجاوبني
ثاني يوم رجعنا واني الطريق خلصته بجي ووصلنه كبل رحت نمت
........................................
