اجيت دادخل ع محادثه عبدالله واتصل حسين فعفتها وجاوبته
حسين: ها بابا شلونج
بنين: تعبانه فول
حسين: من الركص انطي لنفسج فكة
بنين: باوع ترا اني احب اركص ولله اذا بيوم حاجيتني او منعتني اموتك
حسين: هنيالي لعد
انتبهت لجفصتي وحاولت اغير الموضوع
بنين: اكول خلي نأجل العرس لعكب باجر تعبانه
حسين: الهي صبرني
ضحكت
بنين: حسين باجر بالاستديو تلبس بدلتك العسكريه
حسين: اي مو طالع لواجب
بنين: معليه ما
حسين: صار
شويه وغفيت وكعدت الصبح دخلت سبحت بس هلمره غير ما خليت شي ما خليته لجسمي من حمام مغربي لمقشرات لغسولات ومرطبات ومعطرات وكولشي بحيث جسمي لو عنده لسان جان صرخ ولله
تريكت وحضرت جنطه الفندق وغراض الصالون والبدله واجه حسين اخذنا وصلنا الصالون وبلشن بيه بالمكياج هلمره اختاريت مكياج هادئ وشعري خليتهن يسون تسريحه بسيطه ويخلنه نازل وهو اصلا طويل كولش لبست البدله وكملت كولشي وهم ما اتوب لازم اخلصها ركص بحيث البنات الي بالصالون كالن جذب شفنا وحده مثلج مخلصتها ضحك بونسه واكيد صادقتهن كولهن بيه طبع البنيه اذا كالتلي هلو صارت صديقتي اجتماعيه فول
اجه حسين ياخذنا صعدني للسياره اني وياه وامه وامي وساره
وبسياره مرتضى راحن مرته وايه وايات وروان
رحنا للاستديو صورنا حسين صور بالزي العسكري وصور بلبسه مال العرس وجانن الصور فد شي وهم اخذنا صوره اني وشلتي الحلوه ايه وساره وايات وروان
وصوره اني وجهال خواتي الحلوين بت وابن ايه وبت ايات
وصوره اني وماما وخاله وحسين
وصوره جمعتنا كولنا
طبعا بهالفترة روان حللت حامل ادري بسرعه بس بعد هيه رادت
طلعنا من الاستديو ورحنا للقاعة وبدت الحفله وهم صديقاتي كولهن اجن
سوو الدخوليه ودخلنا اني وحسين
بدلنا الحلقات وهلمره شغلو اغاني هادئه عاد كبل دزيت روان ع الي يديرون الاغاني يشغلون اغاني حماس وهنا بدت الحفله من صدوك
طبعا جنت منتبهه لبت همه بس تخزر بيه هيه وامها و2 من عماته جنت مستغربه بس مغلسه
تعبت من الركص ورحنا كعدنا اني وحسين الي جان رايح جاي بيني وبين اصدقاءه
حسين: تعبانه حبيبي
بنين: ي
حسين: نروح
بنين: لا ما
حسين: اعلمج
بنين: بطلت ما اريدك
حسين: عمي نعتذر
ضحكت
خلصت الحفله وطلعنا للفندق
بلباب مال القاعه واصدقاءه رمو طلقات ان منا ابد ما اخاف منهن ومنا اصلا جنت تعبانه ومماكله وكعت حسين كبل لزمني وشالني صعدني للسياره جنت صح دايخه بس صاحيه جاب مي راد يغسل وجهي
بنين: ها ها شنو مكياجي
حسين: يابه متشوفين نفسج صرتي صفره
بنين: حتلو مكياجي اهم
حسين: الهي صبرني
ما عرفتج فاهيه
بنين: مو فاهيه بس شكو يرمون عدنا حرب لو عرس
هو ضحك ساق السياره وبدت الزفة اني كاعده يمه وهو يسوق ومحد يمنا الكبوس صعدته عن وجهي لان سيارته مضلله بس ما نزعته لان كولساع ينزل الجامه
وصلنا للفندق صعدت وياي ماما وايه وخاله ومرت مرتضى وبقن يفهمني وكذا شويه واجه حسين طلعن ماما وخاله يحجن وياه
ايه ومرت مرتضى بقن يخوفني ردت اكوملهن اكتلهن لو ما البدله
شويه ونزلو واجه هو
حسين: يلا بابًا كومي نتوضه حتى نصلي
كمت توضيت بس بصعوبه منا المكياج ومنا البدله
صلينا وكملنا
حسين: تغسلين وتبدلين اول لو نتعشه
بنين: لا اريد اسبح طبعا جنت خايفه ومستحيه فول
اكول حسين
حسين: ها حبيبي
بنين: عادي تطلع بره شويه
ضحك وكال: تعاي بابا خلي افتحلج البدله
بنين: ها ها
حسين: تعاي متكدرين انتي
وصدوك سواها الي
حسين: الوشم كاعد عليج
بنين: وخر مني يلا ودير وجهك
هو مات من الضحك ودار وجهه
اخذت ملابسي ومكياجي وعطوري ونزعت البدله يم باب الحمام وكبل ركضت طبيت وقفلت الباب وراي
سبحت وبدلت وخليت مكياج بسيط وترست نفسي بالعطر وفتحت شعري بس مشطته ما نشفته وطلعت
جان هو ديحضر العشه من شافني طلعت كبل طفه السبلت
حسين: يلا تعالي اكلي وضعج مو تمام
كعدنا ناكل واني من الخوف ما اكدر اكل عاد كومني كعدني بحسنه ردت اكوم ما خلاني وكام يوكلني هو شويه وكوتله شبعت ما اكدر بعد
كمت غسلت ورجعت لكيته لام الهوسه
بنين: هاي كول يوم حتساعدني هيج لو بس اليوم
حسين: لتصدكين بيوم اخليج تتعبين واكعد اباوع عليج
بنين: احبك هواي
حسين: واني اكثر بعد
راح غسل واجه
وخلص هليوم ع خير صرت ملكه لحسين
كعدت ع صوت الاذان جان حسين منومني بحضنه والاضويه طافيه والغرفه بارده ردت ارجع انام بعدين كولت لا خلي اصلي وارجع اكمل نومتي كمت غسلت وفرشت اسناني وتوضيت ورجعت كعدته حتى يصلي
صلينا سوا اني رحت خليت مكياج وعطر ورجعت لكيته متمدد طفيت الاضويه ورحت نمت يمه هو سحبني لحضنه
حسين:سنوات واني منتضر هليوم
بنين: ممممم
حسين: بنين احبج حبي الج مينوصف
بنين: من شوكت
حسين: من شفتج بغداد دخلتي كلبي
بنين: ليش مكوتلي من جنت توكف يم المدرسه وتراقبني
حسين: وآتو البيوت من ابوابها
وانتي تحبيني ومن شوكت
بنين: ي احبك واموت عليك وما اجذب عليك وره الخطوبه يلا حبيتك
حسين: لو ما دكتج الناقصه ورفضج الي قبل خطوبتنه بكم يوم جان هسه ابنا يمنا
بنين: ترا مو ذنبي اني بنفسي ما ادري شصارليً بوقتها وانت شفت بنفسك
حسين تريد طفل بهالفتره
حسين: اني اكول نأجل الموضوع وراج سادس
بنين: لا حسين شوكت ما ٌالله كاتبه النه الحمد لله
هو كبل عصرني بحضنه وباسني
.......................................................................
