مرت الايام وخلص رمضان وامتحنت وخلصت من الثالث وبدينا نجهز لعرس ايات
عبدالله بهلفتره محاجيته ابد وبديت اتناساه
ايات سوت حنتها بيتنا بس العرس بغداد بيت جدو لان زوجها من بغداد
بيوم العرس اجت خاله امي مشايفتها من اني صغيره جانت انسانه لطيفه خلص عرس ايات الي ترك اثر بكلوبنا لان ايات جانت ونسه البيت
وره العرس باسبوع بيت جدو عزمو ايات وعيالها وعزمو وياها خاله امي وعائلتها
الوقت كوله ما طلعت لما راحو عيال ايات دخلت للاستقبال داسلم عليهم وحان انصدم صدمة عمري من شفت واحد من ولدها اخر شخص جنت متخيله حشوفه
طلع ابنها نفسه الضابط الحقير عاد من سلمت هو كبل كال ها المهزومة اني خزرته بقيت كاعده يمهم
ولدها مرتضى ومحمد لطيفين الا حسين حقنه لدرجه متنوصف
اني بقيت اضحك ع سوالف محمد وهذا كاعد يخوزر بيه كرهته كولش
بس مر اليوم بشكل حلو كولش وراحو
وها نسيت اكول اخذت رقم مرتضى ومحمد وصار تواصل بينه مرتضى خاطب ومحمد طالب
مرت الايام ورجع عبدالله يحاجيني جان باقي لزواجه شهرين بقينا ع تواصل واني كلي امل ان يفسخ ويرجعلي جنت هواي ضعيفه
رجعنا لبيتنا الي صار خنكه بعد ايات ورجع الدوام وهم صارت مظاهرات بالعراق وفصل النت وعبدالله معندي تواصل بيه اخر شي عرفته عنه تزوج رجع النت وبلشنا نداوم جانت محافظتنه من المحافظات الي عطلت بالمظاهرات فما داومنه هواي
بس جان اكو شي غريب بدوامي كل يوم من اطلع الصبح من البيت سياره سوده مضلله تلحكني ومن ارجع نفس الشي جنت خايفه هواي من هلشي وخفت احجي لاحد مرا واني راجعه شخص سمعني كلام بالشارع اني غلست ومشيت بليل وصلتني رساله من رقم مجهول
لو مزيده الفتحه مال صدريتج اكثر نسوان يتحارشن كوة وتريد الناس تسكت
مجاوبت بس جنت حاسه الموضوع اله علاقه بالسياره المضلله
ثاني يوم من داومت لبست صدريه الجاكه مالتها اكبر وهم السياره موجوده ومن طلعت شفت الولد السمعني كلام وجهه مورم ومن شافني كبل طفر استغربت هلشي
عاد من رجعت لكيت واصلتنا رساله من نفس الرقم
سوالف العناد بطليهن لا اكسر راسج
كوتله منو انت وشتريد مني
كال ما اريد بس جري عدل
كوتله ونت شعليك اخو بنيه خال ولد
بعد مجاوب
واستمر هلحال الا ان كملت امتحاناتي
والحمد لله نجحت من الرابع بمعدل عالي
بعدها قربت ولاده ايه الثانيه فرحنا لبغداد
وهم هناك سمعت ان حسين ترقه الى ملازم اول ويداوم بالكوت بس مسبق وشفته بعد
والحظ صار ان مرتضى سوا حادث ورحنالهم ولان معدهم بنات بالبيت بقينا يمهم اني وامي وخطيبه مرتضى اسبوع هلحجي اني طلعت ندارتي 😂😂
ومن رجعنا تفاجئت ان حسين خطبني كوتلهم اني ما اكدر ابتعد عن امي كال بيت وحدج بالكوت وامور هواي تحلم بيهن اي بنيه فجنت مقرره ثاني يوم ارد الموافقه بس الصار وغير كولشي مقررته بليل راسلني عبدالله وبده يحجي ع وضعه وان حيطلك لان مشاكل بلبيت بين مرته واهله ومرته طلعت مو خوش
رغم ان تركني وحيطلك واني بعدني ومكانه وشغله مع كل هذا جنت رايدته وقابله بكل عيوبه ما اعرف اذا جان حب او تعلق
ثاني يوم رديت الرفض لبيت خاله امي وكوتلهم بعدني صغيره
ورجعت علاقتي بعبدالله ورجع مثل قبل نفس الحب والاهتمام وعنده اني شي عظيم واني جنت مكيفه ع هلوضع مرت اشهر واجه رمضان واني وقتي كوله وياه اجه العيد ورا العيد بيوم عبدالله صار ميجاوبني ليش السبب ما اعرف انهاريت اكثر من خطوبته حتى انزل ستوريات حزن يشوفهن وميحاوب رحت راسلت اخوه يكول لا دوامه متعب ومدري ايش ما اقتنعت طلع الاخ مرجع مرته وميريد يواجهني بهلشي عفته وبعد محاجيته بس جنت متندمه لان رفضت حسين
الرقم المجهول جان يحاجيني دوم بس ما اجاوبه ابد بس جنت كل يوم اكعد انتضر رساله منه صار جزء مهم بيومي
مرت الايام والشهور واجه الدوام بس جان دوامنه يوم واحد بالاسبوع الاربعاء بس بسسب كورونا
وهم يوم الاربعاء من اروح للدوام الكه نفس السياره المضلله ومن ارجع هم موجوده بيوم واني راجعه لكيت بابًا واكف يمها اني متت خوف كولت بس لا حيحجيله شي عليه لو بابا دازه يراقبني رجعت ركض للبيت حتى بابا محاجيته ويومين اني ميته خوف الاسبوع الوراه مداومت بسبب السياره المضلله عاد حاجاني الرقم المجهول
ليش ما داومتي اليوم هو يوم بالاسبوع تحرمينا عيونج بيه
جاوبته
انت شتريد مني منو دازك عليه
شافها وما رد تنرفزت اتصلت بيه مجاوب مرا اثنين عشره ميجاوب
اجت الامتحانات وصار دوامنه يومي بالامتحانات وكالعاده السياره موجوده كولت بعد ما بيها مجال لازم اروح احاجي واعرفه منو تقدمت تجاه السياره هذا خله وحرك السياره عفته ورحت بس شفته يلحكني لما وصلت للبيت
بيوم النتائج رحت استلمت نتيجتي والحمد لله ناجحه وهم بمعدل عالي عاد المديره انطتني النتائج اوزعهن ع الطالبات واني داوزع ومركزه بالنتائج دخل حسين للمدرسه حاجاني كال انتي مدرسه هنا كوتله لا طالبه تفضل كال عندي شغل ويه المديره دليته ع الاداره ورجعت كملت النتائج ورجعت للبيت وهم السياره موجوده بس غلست عنها
بليل وصلتني رساله من نفس الرقم
مبروك النجاح غلست عنها
...........................................................
