صار الصبح الساعه ب 10 كعدت قبله رحت سبحت ومكيجت وتعطرت وطلعت لكيته بعده نايم رحت تمددت يمه وبقيت العب بالفون طبعا جنت مخليه محادثه عبدالله وابن خاله بالمؤرشفه فما دخلت الهن نزلت كم ستوري
وصورت فيديو هو مخلي راسه بركبتي واني العب بشعره القليل كولش 😂😂 وصممته ونزلته ستوري شويه واتصل بيه مرتضى كعد جاوبه وكاله ساعتين ونجي
بنين: صباحو
حسين: صباحك عسل يعسل وباسني بخدي
من شوكت كاعده
بنين: من شوي
كمنا تريكنا عدلت مكياجي وبدلنا وطلعنا وصلنا للبيت جانو مسوين عزيمه
دخلت لكيت اهلي موجودين بقو يحاجوني واني بس ابتسم لشويه ورحت للمطبخ كولت عيب خلي اساعدهن
بنين: بنات تعبتن انتن خلي اساعدجن
بت عم حسين: عود جاي تكولين هذه بيتي اني اشتغل بيه وانتو خطار
اني استغربت جوابها بس ما سكتت
بنين: لا حبيبي الصراحه اني اصلا مبيه حيل بس كولت احجيها اسقاط واجب لا اكثر والا شنو بيتي شنو بطيخ يمه ولا اكدر اسوي كول هذا
هنه عاد كبل ضحكن
مرت مرتضى: لا حبيبتي بعدج عروس روحي كعدي واصلا كملنا بس نصب الغده ونجي
بنين: لعد خلي ابقه واكفه يمجن
جنت ملاحظه مرت مرتضى تفتر وره بنات عمه وين ميرحن عاد حاجيتها
بنين: شنو سالفه هاجر اشو بس تخزر بيه
مرت مرتضى: ها ما اعرف
حسيتها جذب تعرف شي بس متريد تحجي اني هم ما لحيت عليها
شويه وصبن الغده وكعدنا تغدينا اهلي شويه وراحو والباقين هم بس مو كولهم
ام حسين: روحي يمه لغرفتج ارتاحي وهسه شويه ورجلج يجيج
جنت تعبانه فكبل رحت لغرفتي
دخلت ع الواتس جاوبت عبدالله لكيته بالحنه دازلي رسائل
عبدالله: الف مبروك والله يسعدكم
اخذ حلمي مني
هيج فرحانه بيه
اليشوفج يكول اول حب بحياتج
شنسوي هاي الدنيا
كوتله ربي يباركلك تسلم
لكيته منزل فيديوات ستوري الاول البارحه بليل شعر مال ثارن الجيلات
واليوم ب 1 الظهر منزل يمكن نايمه بصفه
غلست
ابن خاله مراسلني بس كلامه جان حلو ومرتب
بقيت اباوع بالصور لما اجه حسين جنت كاعده ع الجربايه
حسين: ها بابا اكلتي زين
بنين: ي
حسين: نعسانه تعبانه
بنين: لا ونت
حسين: لا باجر حضري نفسج عكب باجر نطلع لاربيل
بنين: عزا صدوك كمت كبل حضنته
ضحك وكال: متستحين انتي
بنين: زوجي وبكيفي
حسين: يروحلج فدوة
بنين: حسين هاجر شبيها
حسين: شبيها سوتلج شي
بنين: لا بس حسيتها مطايقتني لا هيه ولا امها ولا اختها ولا كم وحده من عماتك اكو شي
حسين: لا بابا متوهمه
بنين: حسين اني مو طفله واكدر افهم
حسين: هذا منو كال مو طفله لو ما ماخذلي زعطوطه
بنين: حسين ما مو طفله
جرني لحضنه وكام يسويلي حركات يضحكني واني اضحك
شويه وانفتح الباب ودخلت هاجر
هاجر: حسوني يردوكم تعالو
حسين: جايين
بس شنو اباوعله خازرها عاد هيه طلعت اني حتى خفت احجي
كمت بدلت وهو حبيبي جان لابس دشداشه بيجي واني لبست وياه فستان مستور بيجي وشعري خليته مفتوح بس رافعه الكذله بكابستين ولابسه الذهب مالتي بس مو كوله خله ايدي بايده وطلعنا جانو كولهم كاعدين حتى الولد حسين كعد وكعدني يمه بقينا نحجي وهو كلساع يكرصني بخصري واني استحي احجي كولها تباوع واريد اوخره ما اكدر اخر شي شاورته كوتله اني اعلمك هم ابتسم رادن البنات يكومن يسون عشه كاللهن لتسون موصي رجعن كعدن صار المغرب صلينا ووصل الاكل وكعدنا ناكل همزين موصي هواي لان عشيره احنه وهمزين معناها مواعين ماكو للغسل لان خطيه البنات تعبن وره العشه شربنا جاي وكعدنا شوي بعدين رحنا لغرفتنا
هم شويه ونمنا جنه تعبانين فول ثاني يوم هم كعدت قبله رحت سبحت ومكيجت وتعطرت ورجعت تمددت بحضنه وبقيت اتفرج بالفون لساعه كعد هو
بنين: بسته بخده وكوتله صباحو
حسين: اموت بهالصباح كلبي ميتحمل
اني ضحكت كام سبحً وبدل وطلعنا لكينا الجماعه يردون يرحون شويه وصاحتني خاله
ام حسين: باعي حبيبتي احنه رايحين انتو حتبقون باربيل 4 ايام ومناك تجونا نسوي السبعه هناك حسين كال
بنين: تمام خاله
ام حسين: اي شي يصير بينكم تجين تحاجيني وديربالج عليه اكو هواي يردولكم الاذيه فلتشمتون احد بيكم
بنين: لتخافين خاله خليج مطمنه وحسين بعيوني
ام حسين: الله يسعدكم ويرزقكم بالولد الصالح
اني بستها براسها وحضنتها اجت مرت مرتضى
مرت مرتضى: ها ها اغار
ام حسين: انتي بنيتي الجبيره الله شاهد الله ما رزقني بنات بس عوضني بيجن
بنين: فدوه لعمرج خاله
مرت مرتضى: الله يخليج النه وميحرمنا منج
راحو همه واني وحسين بقينا كاعدين نتفرج ع التلفزيون او بالاصح هو يتفرج ع الطوبه واني بس كاعده لان ما احبها
حسين: تعرفين تعمرين نركيله
بنين: لعبتي
حسين: لعد كومي عمريها تلكيها بالمخزن
كمت سويتها اله وطلعت حلويات وكرزات وببسي وخليتهن ع الميز وجبت النركيله خليتها يمه هو جرني كعدني بحضنه وبقه يدخن ويباوع ع اللعبه اني خليت راسي ع صدره جنت ضايجه ونعسانه شوي
بنين: انطيني ادخن وياك
حسين: متنجبين احسن
بنين: ما انطيني شوي
حسين: بنين اسكتي خلي اباوع
كمت وكفت كبال التلفزيون
بنين: لو تنطيني لو ما اوخر هو ضحك وكال تعالي
كعدت ادخن وياه اني متعلمه عليها عادي
حسين: ولج منين تعرفين
بنين: حبيبي لتستغرب عادي ترا
حسين: ابوج ميقبل ولا امج شلون تعرفين شوكت مدخنه
بنين: من بقيت بغداد تعلمت عليها
حسين: واني اكول مجلبه هناك
بنين: ليش اجذب احد اسباب بقيتي هناك النركيله
حسين: ادبسسز مو بيدج
بنين: تربيتك حبيبي
هو ضحك
...........................................................................
