بنين: ما اريد اداوم بالمعهد بعد
حسين: احجيلي بابا شصاير وياج احد ضوجج
بنين: لا بس ما اريد اداوم بعد
حسين: بنين احجي شكو
بنين: شوف من دخلت للمعهد واكو مدرس اسلوبه مدري شونه مو بس وياي ويه كول الطالبات اليوم اخذني حتى يشرحلي المواد المتراكمه فاخذني وحدي وقت اضافي وحاول يتحرش بيه
حسين: يا مدرس
بنين: الانكليزي
حسين: يلا امشي
بنين: وين
حسين: امشي وتعرفين
طلعنا واخذنا ع طريق المعهد نزل من السياره واجه فتح الباب اليمي ونزلني وخله ايدي بايده ودخلنا للمعهد البنات صديقاتي كبل اجن عليه ويسئلن شكو كوتلهن بعدين اكوللجن دخلنا للاداره مال المعهد المدير من شافه كبل كام يسلم عليه وكعدنا اني وياه
حسين: استاذ ..... اريد استاذ ..... بموضوع بوجودك ينحجي
المدير: تدلل سيادة النقيب
دز وحده من البنات تصيحه اجه ومن شافنه وجهه ضل ينطي الوان
حسين: حضره الاستاذ المحترم حاول يتحارش بمرتي احنه دازيهن تدرسوهن لو تتملعبون بكيفكم
مدرس الانكليزي: ماكو هيج حجي شوكت متحارش
ردت احجي وحسين جاوب
حسين: رجاءا الكلام توجهه الي ومرتي متجذب وهسه يا حضره المدير انت كول شنو لازم اتصرف ينسد المعهد لو ينطرد حضرته
المدير: نعتذر منك استاذ امسحها بوجهي وان شاء الله ميتكرر الموقف
حسين: ليش منو كال ابقي مرتي بهيج معهد محترم وخلي بالك اذا متاخذ انت اجراء بهذه الموضوع ساعتها اني اتصرف ما خلاه يحجي كبل كالي
حسين: يلا بنيتي
اني كمت وهم ايدي بايده بس جنت فرحانه كولش رجعنا لنفس المطعم لان اتفقنا وياهم يكملون الاكل ع ما نجي كعدنا تغدينا
بنين: حسين
حسين: عيونه وكلبه
بنين: اريد جوز وكرزات
حسين: مو تدللين
كملنا وطلعنا نزل هو يم المحل واني بقيت بالسياره وكالعاده يجي جايب المحل كوله
رجعنا للبيت حجيت لماما ع الصار كالت غلط كولتي لحسين عاد كوتلها لعد ابقه ع هلوضع ويه هذا الحقير عاد نمت
للعصر اجت صديقتي وكعدتني
صديقتي: لو شايفة شصار وراج
بنين: شصار
صديقتي: المدير طرد مدرس الانكليزي وبعد كال بس يكمل مادتنه ينطرد لان البنات مطيات فلوس وخابرو خطيبج واجه وقبل بس كال اذا ما انطرد ينسد المعهد
بنين: حيل يستاهل
صديقتي: هو شسوه شنو سبب المشكله
بنين: حجيتلها كولشي
صديقتي: والله زين تسوين مو مال عيني واغاتي بس تعالي هذا خطيبج والله حلو منين لاكيته
بنين: ابن خالتي
صديقتي: لايكين الله يديمكم
وشوكت تزوجون
بنين: بعد اسبوعين ان شاء الله عود لتجين حتى ولله ازعل
صديقتي: اذا عنده اصدقاء ضباط اجي
بنين: لو شايفه بالخطوبة اصدقاءه والرتب الاعلى منه كولها اجت
صديقتي: ما عدج صور الخطوبة
بنين: ي عندي
كعدت اشوفها الصور وهيه كول شوي وكالت تخبلون سوه
صديقتي: عن حب ماخذين
بنين: لا اصلا جنت احب انسان ثاني بس بعد صارت القسمة
صديقتي: وحبيبج وين راح
بنين: تزوج قبل لا اشوف حسين اصلا
صديقتي: شكد ناقص بس يلا الله ما كاتبه الج يمكن لو ماخذته جان دمرج لو فترة وطلكج
بنين: لا حاليا كولش مقتنعة حسين صارلي الزوج الاب الحبيب الصديق كولشي صارلي
صديقتي: حبيبتي الله يسعدكم
لشويه وراحت هيه اتصلت بحسين
حسين: ها بنيتي كعدتي
بنين: ي بس جانت صديقتي يمي
حسين: اكو معهد ثاني باجر نروحله
بنين: حسين اريد ادرس بالبيت واني ادبي مو شرط معهد واكو يوتيوب
حسين: متفهمين هيج
بنين: افهم حسين
حسين: لعد المادة الما فاهمتها تجين تحاجيني عليها
بنين: وك
بديت اجهز لعرسنا جان هو كولشي مكمله فاني ما اشتريت بس نواقصي ونواعمي من ملابس ومكياج وهالسوالف جان بالي اسوي وشم فرحت حاجيته
بنين: حسين
حسين: روحه وكلبه
بنين: اريد اسوي وشم
حسين: ليش
بنين: عاجبني
حسين: باجر اجي اخذج
وصدوك ثاني يوم اجه اخذني وسويته جان عباره عن شريط ورد ع طول العمود الفقري والثاني ورده برجلي اليسره يم الحجل
من كملنا رحنا حجزنا القاعه لان قررنا الحنة بالقاعه هواي صديقاتي حيجن والعرس هم
تعشينا ورجعنا للبيت وهم بين تجهيزات وثاني يوم لازم اروح اختار البدلات
هالفتره دوم عبدالله يراسلني بس ابد مجاوبت حجيت ويه حسين شويه ونمت
ثاني يوم كعدت مجرد اكلت وطلعنا اني والبنات هلمره ايات جبناها قبل اسبوع لان نعرف سوالف زوجها اختاريت بدله الحنه حمره وبدله العرس بيضه كرستال صح جانت ثكيله بس عجبتني وكولت قابل يوميه متزوجه والحذاء جبته عالي كولش حتى نتناسق بالطول من رجعنا لزمني البنات سوالف البنات والتجهيزات وكذا جنت فرحانه وضايجه بنفس الوقت
فرحانه لان حاسه اختياري صح وضايجه شون حفارك ماما يعني صعبه شوي
واجه يوم الحنه كعدوني من الصبح سبحت وتريكتًً وبدلت ورحت للصالون طلعت فد شي وخليت الوشم الي بظهري يبرز مكياجي جان سموكي وبالصالون خلصتها ركض وهنه البنات الي يشتغلن جانن حبابات وحده منهن صورتني واني اركص ونشرته
شويه واتصلنا بحسين يجي ياخذنا واجه من شافني كبل نزل الكبوس ع وجهي وصعدني للسياره يمه والبنات راحن ويه مرتضى اول ما صعدت السياره نزعت الكبوس وبقيت اصور اني وياه وكلساع يبوس ايدي لو يقربني عليه ويبوسني بخدي وصلنا للقاعه وقبل لننزل لازم يلبسني الكبوس
بعدها هو راح واني دخلت ويه البنات
وبدت الحفله وكالعاده متخلص من الركص صديقاتي كولهن جاييات فجانً يوم كولش حلو بالنسبه الي وبعدين اجه هو بس متاخر مجرد خلينا الحنه وراح
خلصت الحفله ورجعت للبيت كبل نزعت البدله ودخلت سبحت
طلعت لكيت البنات ينظفن كوتلهن اني معفيه اليوم هنه كالن روحي نامي
دخلت للغرفه بدلت ولزمت الفون نزلت الستوريات مال السياره وكم صوره ماخذتها وكم فيديو
عاد شويه واتصل ابن خال عبدالله جاوبته باركلي وكذا وراح من سده لكيت عبدالله مراسلني
.............................................................
