وره نتائجي جنت طالعه اني وصديقاتي نفترنتونس وكذا قبل السادس ويه مدنأجر تكسي حتى نرجع فيمُ نفس المكان الضيعنه بابا بيه لكيت السياره المضلله وهلمرا نزل الشخص منها الشخص المجهول حسيين كل هلفتره وهو ديراقبني واني ما ادري بس اي صح هو يداوم بالكوت ووكفته ويه بابا حسيت نفسي من صدوك جنت غبيه كل الامور جانت واضحه كدامي بس اني منتبهت نزل وسلم عليه رديت السلام كال اصعدن اني اوصلجن مقبلت وكوتله هسه حناخذ تكسي خزرني وكال ي مو هو بكيفج دصعدي يلا بلا حجي زايد صعدنا وياه وصلنا صديقاتي اول شي بعدين اشو هذا ما اخذني للبيت كوتله وين مو منا بيتنا ما حجه
يمعود وين ماخذني نزلني هنا هم محجه عاد نزلنا يم مطعم كوتله ما انزل ورجعني للبيت لو خلي ارجع وحدي كال تردين تنكسر رجلج كوتله يا اخي شبيك انت مكافي مراقبتك وهسه تطلع انت الرقم المجهول كال هو انزلي حتى نحجي بهلشي عاد نزلت كعدنا كوتله
بنين : يلا استاذ انتضرك تحجي ليش دتراقبني
حسين: ممراقبج شغلي هذا
بنين: شغلك توكف يم باب بيتنا تنتضرني اطلع وتلحكني لدوامي ومن ارجع نفس الشي لو شغلك تراسلني من رقم مجهول خلال سنتين يا شغل هذا
حسين: ليش رفضتيني من تقدمتلج
بنين: لتجاوب سؤالي بسؤال
حسين : جاوبي واجاوبج
بنين: بعدني صغيره ع الزواج
حسين: نخطب هسه وبعدين نتزوج
بنين: وراي سادس وجامعه
حسين: عمي منتزوج منا لمن تكملين مشوارج
بنين : ما ادري
حسين: بنين اني هاويج ومشتريج شتردين يجرالج التكولي يصير دراسه احرك ابوه الميوصلج لاعلى مستوى حياتج تعيشين احلى حياة اهلج يمج 10 ايام يمي و10 ايام مال دوامي يم اهلج بيتج وحدج مثل متردين وباسمج
بنين: ليش هيج متمسك بيه؟
حسين: اكلها احبج تكلي ليش متمسك بيه بنين صار سنتين مراقبج ما شفت منج غلط الا بما ندر هسه نتوكل وادز اهلي
بنين : تمام وهسه رجعني للبيت
رجعت للبيت وصدوك دز اهله والصراحه حبيت الموضوع لان ما بقه شي مسراه علمودي واهله كذلك واتفقنا العقد بعد اسبوعين ومر الاسبوع الاول واني داجهز وطبعا صرنا نتواصل
بيوم نايمه بليل واحلام غريبه تحلمتها كعدت الصبح اصيح ما اريد حسين واذا تنطوني اله انتحر واضرب بنفسي مثل المخبله وشعري اريد اكصه اهلي انصدمو بحالتي كوتلهم لو هسه تخابرو وتكولوله ماكو زواج لو انتحر ولازمة الموس خابرته امي كال جايكم
للعصر اجو هو وامه اني شفت امه لو تخبلت وهم بقيت بس اصرخ وروحو وما اريدكم امه استغربت كالت هذاك اليوم فرحانه اليوم شجاج كوتلها لو تعوفوني لو انتحر عاد بعد حجي هواي انسد الموضوع وكلمن راح بطريقه ومن يومها حسين لا حاجيته ولا حاجاني
رغم تركنا اني وحسين بس الاحلام معافتني ابد بيومها عبدالله راسلني وهم نفس الاسطوانه انو حيطلك مرته وهلمرا ديمشي باجراءات الطلاق وهم رجعت وياه ورجعت علاقتنه بس هلمرا مرايدته ومالي نفس بيه بس ما اعرف ليش داحاجي حجيتله ع سالفه حسين وكال ع اساس اول ميطلك يجي يخطبني وسئلني ع موافقتي وكوتله ي اقبل واهلي اني اقنعهم
رجعت مثل اول وياه بس بدون نفس مرات اكعد اصفن اتذكر حسين سوا هواي علمودي ليش عفته واحنه باقي لخطوبتنه اسبوع ومرات اكول لا اكرهه صار تناقض ويه نفسي والاحلام معافتني ابد كولها مو زينه تركت صلاتي جان شهر رمضان بس مصمته القران ابتعد عنه عندي كلاده ايه الكرسي شلتها وطلعتها من الغرفه معرفت شنو الديصيرلي
عبدالله وياي وياي حجينا بشكل دائم حتى من ننام الخط مفتوح من يروح لدوامه الخط مفتوح يعني تواصلنه 24 ساعه مرا فتحت حسابه علمود اربطه ع الانستا اله ودخلت للماسنجر لكيت محادثه بينه وبين زينب وطلعت الحقيره حاجيه عليه هواي وطالبه منه علاقه وهم مفشلها صح قديمه المحادثه بس حتلو
اجه العييد
طلعت ويه صديقاتي وشفت حسين من شفته كبل اغمى عليه للعلم حتى ضعفت بهلفتره هواي وزني نزل من 77 ل 47 فعاد همه اخذوني للمستشفى الدكتور كال ما بيها اي شي التحاليل هم ما بيهن شي من رجعوني للبيت بالسياره صحيت اشوف حسين اهتمامه وخوفه عليه بقيت ابجي اختنك من اشوفه اريد بس انزل صديقتي اجت وياي للبيت عاد اهلي من شافو وضعي هم ما رضو بس مبيدهم شي يسوو لان ما معروف علتي شنو
من خلص العيد عبدالله رجع اختفى وهم بدون سبب تدهورت حالتي اكثر
عاد ابن خال عبدالله دزلي طلب وصار صديق مقرب مني ومن سئلته ع عبدالله وحجيتله الوضع حجه شي صدمني
عبدالله طلع يستغل غياب مرته ويحاجيني لان مرته برمضان يم اهلها ومرته حامل وهو طالع بيت وحده ويحب مرته ويخاف منها
هواي حجي حجاه ابن خاله صدمني بيه ولله
................................................................
