الدكتورة: اصعدي هنا اسويلج سونار
صعدت وسوته كملت مسحت بطني ونزلت
بنين: ها دكتوره بشري
الدكتورة: مبروك ماما حامل وبداية حملج
اني كبل دمعت عيوني
بنين: الله عليج دكتوره متأكدة
الدكتورة: اي ماما اكيد يرادلج تغذية وراحه والاشهر الاولى لازم تكونين حذرة حتى يثبت الطفل
بنين: كولشي اسوي بس خلي يبقه الي
الدكتورة: شكد الج متزوجه
بنين: الي سنة
الدكتورة: واول حمل الج مصار عندج اسقاط قبل
بنين: لا هذا بصعوبه حصلته
الدكتوره: الله يكومج بالسلامة ويخلي الج لازم مراجعه شهريه
كتبتلي علاج وطلعنا بشرنا البنات
ماما: خابري حسين خطيه هسه يفرح
بنين: لا محد يكوله اسويها مفاجئه اله
رحنا للسوك ما خليت شي ما اشتريته من الفرحة لنفر نفر حتى لعيالي وللجهال لازمة بت ايات وكولساع واكولها شتردين وهيه تاشر ولجهال ايه وابن مرتضى وياها ع الواهس
واحذتلي حذاء طفل وغلفته حتى اسوي المفاجئة لحسين رحت حجزت الكيكه انطيته الشكل الاريده وكوتله يومين واجي اخذها واخذت عشه ويانه بمناسبة حملي الي جانت فرحة جبيرة الي بعد سنة
رجعنا للبيت كملنا كولشي وكعدنا نخطط
مرت اليومين رحنا اني وايات لبيتي العصر اول شي اخذنا الكيكه والحلويات والعشه وبعدين رحنا للبيت
رتبناه ورتبت غرفتي ايات خطيه كوت شعري واني مكيجت نفسي مكياج كامل وترست نفسي بالعطر لبست فستان اسود لامع يبين الوشم الي بظهري وبرجلي وهم صبغت اظافري كمت رتبت الميز بقت بس الكيكه قبل ليجي احضرها اتصلت بيه ايات الي جان بابًا منتضرها حتى ياخذها
ايات: ها خويه شلونك
حسين: هلا خويه كولي خو ماكو شي
ايات: ما ادري شكولك بس تكدر تروح لبيتكم
حسين: ليش شصاير
ايات: هاي بنين فجئه كالت رايحه لبيتي منعناها ما قبلت وبابا مو هنا
حسين: بيها شي خو ما احد سمعها حجاية ع الحمل
ايات: لا من وحدها كعدت كالت رايحة
سمعته يحرك سويج السيارة
حسين: خوش خوية رحم الله والديج
سدته وراحت
طلعت الكيكة وخليتها والعصاير وطفيت الاضويه خليت بس الخفيفات وشغلت الفون يصور والاغاني
شويه وانفتح الباب
بنين: كول عام واحنه سوا 🫶🤍
حسين: خوفتيني بنين
بنين: يعيون بنين يلا تعال ضامتلك مفاجئة حلوه
اجه يمي بقيت اركص وياه شوي بس بحذر
حسين: مو من عوايدج
بنين: مجبوره حبيبي
حسين: ليش بيج شي
بنين: لا بس تعبانه
قطعنا الكيك واكلنا وبديت انطيه بالهداية
وصلت لاخر وحده الي هو الحذاء مال الطفل
بنين: شوف صح هاي مو كولش الهديه بس تعنيلي اكثر من كولشي
اخذها فتحها وشافها انصدم
حسين: شنو هاي
بنين: شتشوف انت
حسين: اي شنو معناها
شاورته: اني حامل
هو كبل شالني وحضني
حسين: انتي فرحتي وراحتي وكلشي حلو صار بحياتي احبج بنين
خلص هاليوم من احلى الايام صار هواي مفرحانه هيج
ثاني يوم الصبح حسين كال اليوم يجون اهلي وعمامي وعماتي واهلج عازمهم وذابح ذبيحه لوجه الله وجايب طباخ فلتعبين نفسج
بنين: خلي بس اتصل بالبنات يجن من هسه يساعدني
حسين: براحتج اهم شي شموسه تجي
بنين: حسين اريد بنيه لو ولد
حسين: اهم شي تمام الخلقة وتكوميلي بسلامة
اتصلت بالبنات اجني وبدينا بالتحضير هو عازمهم ع العشه فجان عدنا وقت هواي بس نظفنا الطرمة وراهم لان ذبحو بيها وهو حسين غسلها مو احنه 😂😂
احنه بقه علينه النواعم بس زلايط ومقبلات وخضره والحلويات وهم حسين جاب
العصر وصلو وبقو يسئلون شكو حسين كاللهم وره العشه تعرفون
شاورته: حسين امك لازم تعرف زحمه تحسبها حالها حال الموجودين
حسين: روحي انتي ومرت مرتضى للغرفه وهسه اخليها تلحكجن
اشرت لمرت مرتضى تلحكني وصدوك رحنا اني وياها
مرت مرتضى: ولج احجي شكو وكعتو كلبي
دخلت خاله : ها يمه صاير بينكم شي
بنين: لا خاله كول خير بس شنو ما اريد احد يحس هسه حسين كال هو يحجي بعد شوي
ام حسين: احجي يمه
بنين: خاله اني حامل
هيه كبل حضنتني : الف مبروك عسى الله يحفظه الكم ويملي حياتكم
مرت مرتضى هم باركتلي ومبينه الفرحه بوجهن شويه وطلعنا واحنه الوجوه تضحك
خاله كبل راحت لحسين حضنته بس تحجي بهمس محد يسمعها ومرت مرتضى هم
وهمه مستغربين
كمل العشه وصبينا واكلنا وكملنا كولشي
وره العشه جبنه التعلوله وبده حسين يحجي
حسين: صار ضغط هواي علينا بذيج الفترة وعلى بنين خاصه رغم شي ٌالله مكاتبه النه فهسه بعد ما منها حل
هاجر: يعني تطلكون
حسين: لا الله يبعدنا عن الطلاك اني لا اكدر اعوف مرتي ولا ابني
ام هاجر: ها بنين حامل
بنين: ي الحمد لله
الوجوه تكالبت نصها ونصها لا فرحت
هذا كوله ميهمني المهم الله عوضنا اني وحبيبي وانطانه الي نريده
مرت الايام وجان حملي صعب كولش تجي ايام ما اكدر حتى اكل بس حسين يجبرني
ايات قررت ترجع بس بشروط وحسين من كوتله كبل انطاني 500 كال ترحين تشتريلها ولبتها والباقي تخلي بيدها طبعا بالفتره الي ايات زعلت بيها قوت علاقتها بحسين بحيث جان من صدوك يحسبها اخته ويعزها هواي حتى اكثر من خواتي وبتها عنده شي عظيم يموت عليها من اسباب حبي لحسين حبه لاهلي واحترامه الهم
رحت ثاني يوم استريتلهن ب 100 وانطيتها الباقي هيه مقبلت بس جبرتها وكوتلها حسين يزعل هيه كوه اخذتهن من راحت صار ملل بدونها تعودنا عليها بقت تقريبا سنه وهيه دوم يمي واني هم دوم يمهم
..............................................................................
