مرت الايام واني بعد مفكرت بعبدالله وحسين بعد مشفته ابن خال عبدالله جان يراسلني يسئل عني وكذا
مرا قررنا نروح لكربلاء جنت قبل من ارتاح نفسيا اما هسه بالبدايه جان الي واهس كولش جبير ونحضر ومدري ايش بالسياره خلصناها اني وخواتي وبنات عماتي كولهن بس ناكل وصلنه مدينه الزائرين واني اختنكت كبل شغلت اغاني تخيلو اني اجيت ازور ومشغله اغاني البنات بقن يحجن عليه بس اكو شي بداخلي يمنعني من وصلنه الحرمين رادو ادخل ما قبلت واكولهم اني اريد ادخل بس شي يمنعني بيبي كالت البنيه مسحوره عاد شافتني مره كالت تعالو هذا سيد هنا اخذوها اله
وصدك طلعو الي ميخافون الله مسويلي سحر سئل اهلي من شوكت بلش هلشي وياي كالولوله كولشي وطلع السحر من اهله من اهل حسين المسوي بس منو ما اعرف
المشكله ما اكدر اشك باحد لان كولهم زينين وياي
امي اتصلت بحسين وامه وكالتلهم هسه تجون لكذا مكان وصدوك ورا 3 ساعات اجو وجنت تعبانه حتى حجي ما اكدر احجي طبعا اهلي راحو بقن بس امي وبيبي
كدرو يطلعون السحر مني تقيئته شي اسود مثل الدود بس طلعت روحي والله
عاد رجعونا حسين وامه اني كاعده وره حسين اباوعله ولا يمي ولا خله نظره عليه ملتهي يسوق قبل جانت عيونه متفاركني هسه ابد ماكو بقيت الطريق كوله ابجي وكل شوي انزل اتقيئ وهو ينزل وياي وحتى ملعبت نفسه مني كلساع يغسل وجهي وينطيني مي وحبوب غثيان والعلج والحب نزلنا نتغده ومكدرت اكل شي احس ثكل بمعدتي
رجعنا للبيت واني تفكيري بقه يم حسين اريده وما اريده
بس جنت حاسه بندم جبير ليش سويت هيج ليش صار وياي هيج
مر اسبوع وبما ان عطله فلازم نروح لبغداد لبيت جدو
رحنا وجانت ايام حلوه خلصتها بين طلعات بس كعدات ويه خالاتي وبناتهم
خالتي جانت تداوم جامعه فجنت اروح وياها تغيرت نفسيتي فد مرا
جنت ع تواصل مستمر ب ابن خال عبدالله كل يوم يراسلني ويسئل عني جان من يذكر اسم عبدالله اتهرب مره ضجت كوتله اذا تجيب اسمه بعد لتراسلني هو سد الموضوع
بيوم كاعدين كولنا خابرتنه ام حسين عزمتنا مسوين عزيمه ع حساب ترقيه حسين ترقه ل نقيب فرحتله هواي من صدوك يستاهل
رحنالهم بيوم العزيمه بس مشفته جان يم الولد هو
جنت داغسل مواعين اني ومرت مرتضى ودخل محمد بقه يحجي ويايه واني اضحك طبعا بهلفتره اني شكلي غير عن قبل بيه وما اضعف عاد اجه هو حاجيته
بنين: الف مبروك حسين
حسين: تسلمين
نصي صوتج وبطلي ضحك ولد موجودا وانت تعال وياي العتب عليك مو عليها وطلع
كولت لمحمد هذا شبي شدعوا هلكد حقنه محمد ضحك وطلع
راحو الولد واجو همه يمنه جنت ملاحظه بت عم حسين تباوعلي بنظره معرفت افسرها
عاد حسين اجه كعد يمي يحاجيني ع دراستي واني اجاوبه وحاجاني ع وضعي شون صار كوتله احسن بس شكلي تغير وابد محابه التغيير البيه طبعا جنت مدنكه واحجي بخجل حسين كبل مد ايده ع وجهي ضم شعري رفعت عيني لكيته يباوعلي ولكيت خالتي امه تصورنا
المشكله ردت التصوير الصورته بس استحي احجي اريد انزله ستوري
عاد خالتي فتحت الموضوع وكالت
ام حسين: ام ساره احنه قبل خطبنا بتكم ورادت تصير او ما كم وحده وهسه هم نرجع نفتح الموضوع ونفس الوضع بس يعقدون
ام ساره: هيه بكيفها اني ما اجبر بنيه
ردت اكول لا كرصني حسين كبل كلت اي يعني داتوجع من الكرصه همه عبالهم يي
ام ساره : اني باجر رايحه لبيتنا ونفاتح ابوها وان شاء الله اكو نصيب
صار الليل ورجعنا للبيت لكيته مراسلني
حسين: ردني ترفضين مو
بنين: ي
حسين: ليش
بنين: ما اريد ارجع لنفس الوضع اشهر واني ما انام الليل
حسين: تاخذيها كلمه رجال من شاربي اذا تئذيتي بشي بعد ازينه اني مو غافل عنج وتشوفين اذا ما انسعدتي اني اكلج روحي وحقوقج توصلج
بنين:حسين
حسين:امري
بنين: واحنه كاعدين دنحجي خاله صورتنا اريد التصوير
حسين : منو كالج
بنين: اني شفتها
دزلي الفيديو ورحت نزلته ستوري وكتبت مبروك الترقيه نقيب حسين
طبعا خليت عبدالله وابن خاله يشوفو بس خليت سمايل ع وجهي
ابن خاله راسلني كال حبيبج هذا كوتله لا ابن خالتي
ثاني يوم رجعنا لبيتنا والي رجعنا حسين لان جان عنده دوام وهم الطريق كوله نحجي اني وياه لو اصور واغاني وكذا علمود الستوريات
بديت استلطف حسين مو احبه بس احب حبه الي لان محد حبني كد ما حسين حبني وهالشي جان واضح بحيث بين اقاربنه محد ما عرف حب حسين لبنين
وصلنا للبيت
ثاني يوم ع اساس ماما تحاجي بابًا بس اجه بابا وكال جايين ناس علمود يخطبون وحده منا ساره ما طلعت جانت بالصيدليه لان بدت تدرب كونها مرحله رابعه طلعت اني قدمت العصير وكذا سئلو عني كالوللهم محجوزه وطلعت روان بس شنو ع اعصابها ورادت تطردهم فاتفقو يجي الولد يشوفها
ورا يومين اجه الولد وشافها وهيه اقتنعت بيه
واتفقو الخطوبه يوم الجمعه
........................................................
