بنين: شون يعني مرضي من وراهن
مرت مرتضى: اني شحجاني فدوة بنين لتكولين لحسين والله يزعل مني
بنين: انتي تدرين شمريت من فتره صعبه الله ليوفقهن عسى حوبتي متتخطاهن ولتخافين ميطلع الحجي بس اني اعرف شتصرف
مرت مرتضى: شتسوين ولج
بنين: بعدين تعرفين
بقينا نحجي شوي وسديته منها
وهم خلصتها ونسه ويه البنات اتصلنا بماما تجي يمنه لان قررنا نبات هنا اليوم نريد هدوء نفسي بس بالي كوله يم ذني المسمومات
البنات كولساع وكالن شنو خطتج واني اكولهن خلنها بوقتها كولشي بوقته حلو
مرت ال١٠ ايام بدون جديد من يروح حسين للدوام يخلص الوقت بملل
قبل ليجي بيوم رحنا اني وايات وبتها للبيت حتى انظفه وهم كولت ايات مدام. معدها شي تجي يمي ترتاح واصلا تعودت ع بتها صارت حتى نوم يمي تنام خطيه بسرعه تعلقت بيه مجانت شايفه حنان بس من امها
نظفت البيت ودزينا ع اكل لان حسين باجر يلا يجي
بنين: ايات انتي تبقين يمي هلفتره لان الخطه ما اكدر اسويها وحدي
ايات: وشنو الخطه
بنين: بس يجي حسين اخلي يعزم اهله وناويه احركهن حرك ولله
ايات: ابشري بس ها لتجيبين حجاية لرجلج
بنين: لا شون كولشي ولا حسين
ايات: عفيه
نمنا بالغرفه الثانيه هيه اصلا كامله مأثثه بس هيج مخليها محد ينام بيها مرات اني ادرس بيها من حسين نايم
ثاني يوم كعدت من الصبح اتصلت بحسين اشوفه شوكت يجي كال ساعه ويجي كمت بسرعه سبحت وبدلت ومكيجت شويه و كعدت بت ايات بدلتلها ومشطت شعرها صارت كيك وهيه سوالفها حلوه كعدتها ع ميز الطعام واني سويت الريوك
شوي واجه حسين طلعتله بالحديقه كبل حضنته جنت مشتاقتله
بنين: الله يساعدك حبيبي
حسين: شهالملكه الحلو صدك الكال الزواج راحه
ضحكت
بنين: يمنه خطار مطول كم يوم
حسين: منو
بنين: ادخل وشوف
دخلنا بت ايات بس شافت حسين رفعت ايدها هو راحلها شالها وباسها
حسين: هو كل خطار هيج ينكرط لو بس انتي
هيه تضحكله
بنين: طالعه ع خالتها
حسين: لا عمي خالتها ماكو منها
اخذي السويج جايب كيمر وكاهي نزلي من السياره
اخذته ورحت نزلته كعدت ايات
ايات: هلا خويه الله يساعدك
حسين: هلا بيج خويه شخبارج ان شاء الله مرتاحه
ايات: الحمد لله اعذرنا ضوجناكم
حسين: لا خويه زحمه كلامج بيتج هذا
ايات: فدوة لكلبك
حسين: بنين اني رايح اشتري لهاي الكيكه علما تكملين الريوك
ايات: لا خويه عليمن
حسين: اني وياها خويه رجاءا خليني محترمج فلتدخلين بيناتنا اصلا لو ما مزوج واخاف من مرتي افكر اخذها الثانيه
احنه ضحكنا صدوك اخذها وراحو واحنه بقينا نجهز الريوك شويه واجو وتريكنا كملنا حسين راح ينام
ايات: عوفي البيت اني اكمله وهو ما بيه شي روحي وره رجلج
بنين: انجبي لج جايبتج ترتاحين مو تشتغلين
ايات: دروحي لو ما قبل سنه نتعارك ع المواعين
اني ضحكت ورحت لحسين
حسين: هاي شو اجيتي ابقي يم البنيه عيب منها
بنين: اكولكم شصير اني هيه تكولي روحي لزوجج وانت تكول روحيلها
حسين: خليها تاخذ راحتها لعد واني هم مشتاقلج اني كبل حضنته
ورا ساعتين هو نام واني رحت يم ايات
ايات: شوكت تكوليله ع العزيمه
بنين: العصر اكوله ايات بالطبخ اريدج وياي حبابه اريد اضغطهن واني مو كولش طبخي
ايات: معليج انتي اليندك بيج يندك بيه
بنين: حبيبي والله
للعصر كعد حسين وخلصها ويه بت ايات هو يسميها الكيكه وهيه مكيفه
سوينا جاي وكيك وكعك وكعدنا ناكل
بنين: حبيبي
حسين: ها بابا
بنين: متعزم اهلك وبيت عمك زحمه احنه لا عزمناهم ولا ابد وهم مشتاقه لخاله هواي
حسين: عدج دوام بنين
بنين: باجر سبت والاحد والاثنين والثلاثاء ما اداوم اريد ارتاح
حسين: شنو بدينا تسخيت
بنين: لا حسين بس اريد ارتاح من الدوام كم يوم ليخرب واهسي
حسين: الله كريم
بنين: هسه تعزمهم مو
حسين: انطيني الموبايل
انطيته اله اتصل بيهم واتفقو باجر يجون
بنين: حسين اريد مسواك
حسين: عليمن اجيب جاهز
بنين: لا اني وايات نريد نطبخ
حسين: لا بابا متعبه البنيه عليمن
ايات: لا خويه شلون تكول بيتج وابسط شغله متريد اسويها
حسين: لا خويه بس عليمن متعبه نفسج
ايات: لا تعب ولا شي هسه تكتبلك بنين الغراض وجيبهن حتى باجر نجهز ان شاء الله
حسين: براحتجن
اجتني بت ايات : بنه بنه
بنين: يعيون بنه
بت ايات: اليد موبايلس
بنين: مو تدلل يحلو انطيته الها
حسين: بنين تعالي حضري ملابسي وايات خويه بلا زحمه بدلي لكيكتنا اخذها وياي
ايات: صار خويه
رحت احضرله الملابس
حسين: بنين
بنين: ها حبيبي
حسين: بت ايات عدها موبايل
بنين: لا
حسين: وايات
بنين: هم لا
دزيتله ع الواتس المواد الاريدهن طبعا ايات كتبتهن لان اني مو كولش بالطبخ هيه لا فد شي من هيه صغيره تعرف
بدل وكمل وطلع هو وبت ايات
بقينا اني وياها سوينا كيك ومعجنات وحلويات كميات جبيره وضميناها لباجر همزين ثلاجتي جبيره بابين وكفت
شويه واجه هو جنه مرتبين كولشي وكاعدات
جايب كولشي نريده وهم جايب عشه لليوم همزين ما بيه حيل اسوي 😂😂
حسين: بنين تعالي وياي
بنين: ها حبيبي
حسين: هذا الموبايل انطي لايات والايباد لبتها
بنين: حسين ليش
حسين: خطيه البنيه تحتاج الموبايل واكيد تستحي تكول لاحد وهاي اذا هيه ساكته محد يجيبلها او يحس بيها وبتها هم خطيه طفله وتريد
بنين: مدري بس ما اعتقد تقبل
حسين: كليلها حسين يزعل اذا ما اخذتي
رحت الها جانت تبدل لبتها
بنين: ايو
ايات: ها بنين
بنين: هذا الفون الج والايباد لبتج ولتكولين لا لان اني عليه التنفيذ بس واجاني الامر من السلطه التشريعية
ايات: ابد والله ولا اخذه شنو فوك ما كاعده يمكم ويجي المكرود يصرف عليه وع بتي الي هو ابوها ما فكر بيها وحتى موبايلي اخذه
بنين: ايات بدون رسمية انتي اختي فمال تكولين كاعده يمكم زحمه تدرين انتي مسويه فضل علينه بجيتج البيت جان ما بيه روح من اجت بتج سوته جنه وبعدين ولله حسين كال يزعل اذا ما اخذتي
ايات: اني احاجي
وصدوك طلعت حاجته وهو رزلها وختم رزالته
حسين: اني حجيت بعد واذا حاسبتني اخوج تاخذيهن
ايات: والله داكلفكم ويايه
حسين: شو انتي متاخذين بالحجي بويه احسبيني ابوج ولا تستحين مني ولا تكولين خوش يابه
ايات: الله يخليك ويرزقك بالولد الصالح
حسين: والله اني على هاي الكيكه هسه اريدلي طفل
هو كال هيج وهاي كبل اجت حضنته من رجله هو شالها وبقه يلعب بيها
...............................................................................
