''ရွှေပုံ´´
''ဟင်!´´
''ငါတို့စာမေးပွဲဖြေပြီးရင် အောင်စာရင်းမထွက်သေးခင်ကြားမှာ နင်ဘာသင်တန်းတက်ဖို့စိတ်ကူးထားလဲ?´´
ရဲရဲမှ တလေးတနက်မေးလာတာကြောင့် ရွှေပုံ မျက်ဆံလေးထောင့်ကပ်ကာ သေသေချာချာစဥ်းစားခန်းဝင်လိုက်၏။ထို့နောက်တွင်တော့ သောက်လက်စကြေးအိုးကို တစ်ဇွန်းနှစ်စွန်းထပ်၍ ခပ်သောက်လိုက်ပြီးမှ...
''ငါ ကိုရီးယားစာသင်မှာ´´
''အံမယ်! နင်ကဟန်းဂုမြေကိုခြေချဖို့ရှိတယ်ပေါ့´´
''မရှိပါဘူးဟ...ဒါပေမဲ့ငါကဘာသာစကားလေ့လာရတာကြိုက်တယ်လေ...လူတိုင်းမတတ်တဲ့အရာတစ်ခုကိုတတ်ထားရင် အဲ့ဒါကကိုယ့်အားသာချက်ပဲ...ဒီနိုင်ငံထဲမှာလည်းအလုပ်တော့လုပ်စားလို့ရပါတယ်´´
''ဒါနဲ့ ကိုရီးယားမှာ နင့်အဒေါ်ရှိတယ်ဆို´´
''အေး ဟုတ်တယ်...မေမေ့အစ်မအရင်း
သူ့မှာလည်းသမီးလေးတစ်ယောက်ရှိတယ်...ငါ့ထက်၂နှစ်ကျော်လောက်ပဲကြီးတာ´´
''နင့်အမေနဲ့ညီအစ်မအရင်းတွေဆိုပြီး သူကကျဘယ်လိုလုပ်ဟန်းဂုရောက်သွားတာတုန်း´´
''အန်တီရတနာမေက ထက်မြက်ပြီးလူရည်လည်တဲ့ပုံပဲဟ...ငါ့မေမေကျအဲ့လိုမဟုတ်ဘူး အေးတယ်၊အန်တီရတနာက မြန်မာပြည်မှာလာဖွင့်တဲ့ ကိုရီးယားအခြေစိုက်အရောင်းပြခန်းတစ်ခုမှာ အရောင်းစာရေးလုပ်ရင်း အိုမျိုးရိုး ကိုရီးယားလူမျိုးတစ်ယောက်နဲ့လက်ထပ်ပြီး ဟိုကိုအပြီးလိုက်သွားတာတဲ့...အဲ့တုန်းကငါတောင်မှမမွေးသေးဘူး´´
''ဒါဖြင့်နင့်အဒေါ်ကစွံတာပဲ´´
''ဟုတ်မှာပေါ့၊ပြီးတော့ အဲ့ခေတ်ကနိုင်ငံခြားကလာအခြေစိုက်တဲ့အလုပ်တွေလည်း အခုလောက်ထိမပေါသေးဘူးလေ...၊ကိုရီးယားသွေးစပ်သွားလို့ထင်တယ်...အန်တီရတနာမွေးထားတဲ့ ငါ့မမယူရာကအရမ်းလှတယ်...လက်ရှိလည်း ဆိုလ်းအနုပညာတက္ကသိုလ်မှာဝင်ခွင့်ဖြေဖို့ပြင်ဆင်နေတယ်တဲ့´´
''နင်တို့ကအဆက်အသွယ်ရှိတယ်ပေါ့´´
''မေမေတို့ချင်းတော့သိပ်မရှိဘူး
မမနဲ့ငါကတော့ တစ်ခါတစ်လေ အွန်လိုင်းကနေစကားပြောဖြစ်တယ်´´
أنت تقرأ
💜ကိုကိုနဲ့ပဲ ရှေ့ဆက်မှာ...💜(Completed)
عاطفية''မင်းက စချစ်ခဲ့တယ်... နွေးနွေးထွေးထွေး...၊တကယ့်ကိုငြိမ့်ငြိမ့်ကလေးနဲ့... ပြီးတော့ကိုကိုက ဆက်ချစ်ခဲ့တယ်... ရူးရူးမူးမူး...၊တကယ့်ကို လွန်လွန်ကျူးကျူးနဲ့...'' Title - ကိုကိုနဲ့ပဲရှေ့ဆက်မှာ... Start date - 9.5.2023 #Normal #Drama#Romance#Adorable#sweet
