'ခလေး!
ခလေးရေ...! မင်းတကယ့်ကိုရက်စက်တာပဲကွာ...အေ့! ဝေါ့!!´´''လင်းထင်...မင်းစိတ်ထိန်းစမ်းပါဦးကွာ´´
''ဖယ်စမ်း! မင်းတို့အားလုံးသွားကြ´´
''ခွမ်း!!´´
မူးရူးယိမ်းယိုင်နေသည့်ခန္ဓာကိုယ်အား သူငယ်ချင်းတွေဝိုင်းထိန်းပေးသော်လည်း မရ။မျက်လုံးကမဖွင့်နိုင်ဘဲ အကုန်လုံးကိုတွန်းတိုက်ပစ်တာမို့ စားပွဲထက်ကပုလင်းနဲ့ဖန်ခွက်တွေလည်းကျကွဲကုန်ပြီး လင်းထင်တစ်သံတည်းနဲ့ဆူညံနေသောသူတို့ဝိုင်းကို ဘေးလူတွေက ကွက်ကြည့်ကွက်ကြည့်။
လင်းထင်ကရဆိုသော ရည်ရည်မွန်မွန်ဆရာဝန်တစ်ယောက်မှာ ဒီလိုရမ်းကားသည့်ပုံရိပ်မျိုးတစ်ခါမှမရှိဖူးတာကြောင့် သူငယ်ချင်းတွေမှာအံ့ဩရသလို စိတ်မကောင်းလည်းဖြစ်ရသည်။သူစေ့စပ်မယ့်ကလေးမလေးကို သူဘယ်လောက်ချစ်ကြောင်းသိခဲ့တာမို့ အခုဒီအခြေအနေမှာဘယ်လောက်အသည်းဟက်တက်ကွဲနေမလဲဆိုတာ စဥ်းစားကြည့်ဖို့ပင်မလိုတော့ပေ။
ညီဆိုတဲ့ကောင်ကိုပဲအပြစ်တင်ရမလား?ညီရဲ့ကောင်မလေးကိုမှ သွားချစ်မိတဲ့လင်းထင်ကသာအပြစ်ရှိတာလား?ဒါမှမဟုတ် လင်းထင်လိုဆရာဝန်သတို့သားကိုပြစ်ပြီး ဘာမဟုတ်တဲ့လူရမ်းကားနောက်လိုက်သွားရက်တဲ့ဟိုကလေးမကပဲ ရူးမိုက်တာလား?
သူတို့လည်းဘာကိုမှမတွေးတတ်တော့ပါ။သေချာတာကတော့ ဒီကိစ္စဟာလင်းထင်အတွက် သိပ်ကိုထိချက်ပြင်းခဲ့တာ။မရပ်တည်နိုင်တော့လောက်အောင် လဲပြိုသွားခဲ့တာ။
''လင်းထင် တော်တော့ကွာ...မင်းများနေပြီ
အရမ်းသောက်လေ့သောက်ထလည်းမရှိပဲနဲ့ကို...ဒုက္ခရောက်တော့မှာပဲ´´''ဝေါ့!!´´
''ကြည့်!တွေ့လား မင်းတော့သေတော့မှာပဲကွာ´´
''ခလေး!.´´
''ခေါ်မနေနဲ့ အခုဆိုသူကမင်းခယ်မဖြစ်သွားလောက်ပြီ...လာ...ငါတို့အိမ်ပြန်ပို့ပေးမယ်´´
''မပြန်ဘူး´´
''ကျစ်!´´
''မပြန်ဘူးဆိုနေမှ´´
KAMU SEDANG MEMBACA
💜ကိုကိုနဲ့ပဲ ရှေ့ဆက်မှာ...💜(Completed)
Romansa''မင်းက စချစ်ခဲ့တယ်... နွေးနွေးထွေးထွေး...၊တကယ့်ကိုငြိမ့်ငြိမ့်ကလေးနဲ့... ပြီးတော့ကိုကိုက ဆက်ချစ်ခဲ့တယ်... ရူးရူးမူးမူး...၊တကယ့်ကို လွန်လွန်ကျူးကျူးနဲ့...'' Title - ကိုကိုနဲ့ပဲရှေ့ဆက်မှာ... Start date - 9.5.2023 #Normal #Drama#Romance#Adorable#sweet