''တောက်!´´
တစ်ဖက်မှ စိန်ခေါ်သလိုပြန်ပြောလာသည့် ကို့စကားသံက အေးစက်စက်နဲ့တင်းမာနေတာမို့ ဂျူးမိုင်ရာရဲ့ဒေါသတို့ ငယ်ထိပ်ဆောင့်တက်သွားရသည်။အရောင်ရင့်လာသည့်မျက်နှာဟာ အစွမ်းကုန်ပေါက်ကွဲနေခြင်းရဲ့သရုပ်ဖြစ်ပြီး တဆတ်ဆတ်တုန်ယင်လာသည့်နှုတ်ခမ်းတွေကို ဖိကိုက်ပစ်၍ လက်တွေကိုကျစ်နေအောင်ဆုပ်ထားမိ၏။
ကို့ဘက်ကတော့ပြတ်သားစွာပင် ဖုန်းချသွားခဲ့လေပြီ။သဘောက ဝင်လာရင် သူနဲ့ထိပ်တိုက်တွေ့မယ်ပေါ့လေ။သူက အဲ့ဟာမဘက်ကရှိနေမယ်ပေါ့။
ဟ!ဒါကဘာအချိုးလဲ ရှင်းထင်ကရ။ဘာမှိုင်းတွေမိနေတာလဲ??
''တောက်!!´´
ထပ်ပြီးသာတက်ခေါက်မိရပေမယ့် ခြေလှမ်းကလည်းအတွင်းဘက်ဆက်မဝင်နိုင်ပါ။ဒီလိုအချိန်မှာသာ ပြသာနာသွားရှာလိုက်မိရင် ကိုယ်ကပဲလူမိုက်ဖြစ်မှာမဟုတ်လား။ဟိုကောင်မက ပန်းနုသွေးဇာတ်ခင်းပြီး ကို့ရှေ့မှာ မျက်ရည်ခံထိုးပြရင် အခြေအနေကအခုထက်ပိုဆိုးတော့မှာလေ။ဒါလောက်တော့ ဂျူးတွေးတတ်ပါသေးတယ်။
နေနှင့်ဦးပေါ့...ရွှေပုံဖန်တီး။
ဲဒီနေ့တော့ နင်ကံကောင်းသွားတယ်မှတ်...။
*
*
*
*
*
*
*
''ပေါက်စရော့...ဒီမှာကြက်ကြော်စားဦးလေ´´''ဟုတ်...ဒါနဲ့အစ်ကိုတို့ကဘာတွေသောက်နေတာလဲ´´
''အဟဲ! ဒါက Changလေ
ဘီယာ ဘီယာ´´''ဟမ်! အဲ့ဒါတွေ ဘယ်ကရောက်လာတာလဲ´´
ရွှေပုံမျက်လုံးပြူးလေးနဲ့မေးတော့ အမျိုးသားတစ်သိုက်ကရယ်သည်။ရယ်ပေမပေါ့...ရွှေပုံ့ပုံစံကလည်း ယောကျ္ားလေးလက်ထဲအရက်တွေ့တာကို ထူးဆန်းသလိုကြီးပြူးကြောင်ကြောင်ကြည့်နေတာကိုး...။
''နင်ကလည်းဟာ ယောကျ္ားလေးဘီယာသောက်တာဘာဖြစ်လဲ...ဒါက ငါတို့ဆီမှာအဲဗားရှိပြီးသား၊ထွက်ဝယ်စရာတောင်မလိုဘူး´´
''အစ်ကိုတို့နော်...သူများမွေးနေ့မှာနော်´´
''ကြက်ကြော်က ဘီယာနဲ့လိုက်တယ် ပေါက်စရဲ့´´
''ကြက်ကြော်က ကိုလာနဲ့လိုက်တာပါ´´
စူပုတ်ပုတ်ရုပ်လေးနဲ့ပြောရင်း ဘေးကိုလှမ်းကြည့်တော့ ကိုကိုထိုင်ခဲ့သောနေရာရှေ့မှာ ဘီယာတစ်ဗူးတင်ထားလေ၏။ထိုအခါ ရွှေပုံ့မျက်နှာလေးပို၍ စူပုတ်သွားရပြီး...
ESTÁS LEYENDO
💜ကိုကိုနဲ့ပဲ ရှေ့ဆက်မှာ...💜(Completed)
Romance''မင်းက စချစ်ခဲ့တယ်... နွေးနွေးထွေးထွေး...၊တကယ့်ကိုငြိမ့်ငြိမ့်ကလေးနဲ့... ပြီးတော့ကိုကိုက ဆက်ချစ်ခဲ့တယ်... ရူးရူးမူးမူး...၊တကယ့်ကို လွန်လွန်ကျူးကျူးနဲ့...'' Title - ကိုကိုနဲ့ပဲရှေ့ဆက်မှာ... Start date - 9.5.2023 #Normal #Drama#Romance#Adorable#sweet